Ezequiel 1:1 - Biblia Dc en Mixe de Quetzaltepec

^1-3 Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënety yajpaatën ja ja'ayëty mëti'ipë tsumy matsy të yajmënëjkxtën. Ënet ja tsajp y'ëwatsy ets nwin'ijxyës yë Dios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënety mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënet ja Wintsën ojts xykyë'ë nnixajyës.

Biblia Mixe de Quetzaltepec

^1-3 Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënäty yajpaatën ja ja'ayëty mëti'ipë tsumy matsy të yajmënëjkxtën. Ënät ja tsajp y'ëwatsy ets nwin'ijxyës yë Tios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënäty mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënät ja Wintsën ojts xykyë'ë nnixajyës.

Ezequiel 1:1 ပူးပေါင်းရင်းမြစ်များ

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 46:2

Jä'ä koots ojts yë Jacob myëkäjpxyë yë Dios kuma'ayjoty, yë xyëëw tukmëkajpxë, tä y'ëtsooy: Tsyajës jä'ä.

Salmos 137:1

Ko ijty jam n'ënyä'äyëmë winkon ma ja Babilonyë mëjnëëjën, je'eyë ijty një'ëyëmë nyaxëmë ko nja'amyäjtsëmë ja Sión kajpn.

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Isaías 1:1

Mëti'ipë yë Jeséas y'ijxën myëtoowën, Amós yë myaank, ma ja Jerusalén yajnikäjpxyën ets Judá, ma ënety yajkutukyën yë Uzías, Jotam, Acaz ets Ezequías, mëti'ipë jam Judá ënä'ämtën.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Jeremias 29:15

Miitsëty jëtu'un m'ëna'antë: Yë Wintsën tëëjës xymyo'otë mëti'ipë käjpxynyajxtëpën yaa ma Babilonyë kajpnën.

Ezequiel 10:1

Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Ezequiel 10:10

Ja taxkpë ja tëkäämpë tu'knax yaj'ixtë ets jëtu'un kyëxë'ëktë ajäänmuky yowë.

Ezequiel 10:15

Näy yë'ë ya'atë tsajpjotmëtë kukäjpxy ojts n'ixyës ma ja Quebar mëjnëëjën. Ja tsajpjotmëtë kukäjpxy ojts pyëtë'ëktë,

Ezequiel 10:20

Näy jä'ä ja tsajpjotmëtë kukäjpxy, mëti'ipës ënety të n'ëk ijxpën y'ënä'ämëtë ja Israel Wintsën, jam Quebar mëjnëë ëkë'ëm. Ënätës yajxon të n'ijxwa'atsy ko jä'ätëm ja tsajpjotmëtë kukäjpxy.

Ezequiel 10:22

Ja wyiin jyëjpëty näjyëtu'un yaj'ixtë tä tsajpjotmëtë kukexyën mëti'ipës ënety të n'ëk ijxpën jam Quebar mëjnëë ëkë'ëm. Aak wintuuytsyow ye'eytyë.

Ezequiel 11:24

Ënet ja Dios ja myëk'ajtën ojts xyajpëtë'ëkyës, etsës xyajwinpijty jam Babilonyë, ma yajpaatën ja wiinkëtypë ja Israel ja'ayëty tsumy matsy. Ya'atë nwin'ijxës ko ja Wintsën ja jyot jya'awën xytyuktëjkëyës. Ok, ka'apës ojts tii n'ëkwin'ijxnë.

Ezequiel 3:15

Etsës jam nja'ajty Tel Abib, ma ja Quedar mëjnëëjën, ma tsyëënëtën ja Israel ja'ayëty tsumy matsy, wëxtujk xëëwës jam n'ijty, ka'apës ojts npaaty yë winma'any tiijës ntunëp ets wi'ixës n'ënëëmëtëty.

Ezequiel 3:23

Ënätës të mpëtë'ëky etsës të nëjkxy jam joyjotm, jamës të n'ixy yë Dios yë myëj'ajt y'oyajtën, jëtu'un tä ënety të n'ixyënës jam Quebar ma ja mëjnëëpa'ajën. Ënätës nwintäky naaxkooy, ntukpatypyës yë naax yë nwinpokës.

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Oseas 12:10

Ëjts ojtsës nmëkäjpxy yë käjpxynyajxpëtëjkëty etsës nyajkëjääjëy mëti'ipë y'ixtëpën kuma'ayjoty ets ojts winë ntuknimëtya'aktë mëët yë ijxpäjtën.

Joel 2:28

Ko ënety jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Mateo 3:16

Ko ja Jesús nyëëpäjtaay, ënät pyëtsiimy nëëjoty. Tääts ënätyë y'ëwatsy ja tsajp ets t'ijxy ja Kënu'kxymyëkajtën nyikëtä'äkyë ijxtëm tu'uk ja pakën.

Marcos 1:10

Ko pyëtsiimy nëëjotm, ënät ënätyë ja tsajp y'ëwatsy ets ja Kënu'kxymyëkajtën nyikëtakë ijxtëm tu'uk ja pakën,

Lucas 3:21

Jëtu'un ojts tyunyë jyätyë, ko ja Juan ënety jam ja mayjyä'äy tyajnëëpety, ënät ja Jesús näjyëtu'un nyëëpejty; ko ja Dios tja'amyejtsy ënät ja tsajp y'ëwatsy,

Lucas 3:23

I'px majk ënety ja Jesús ja jyëmëjt ko ja tyuunk tyajtso'ontäky. Jëtu'un ja ja'ay y'ëna'antë ko Jesús yë'ë José y'u'unk ets José Elí y'u'unk,

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Hechos 10:11

jam tsajpkëjxm y'ëwa'atsy ets kyëtä'äky ijxtëm ja mëj witën ets wiinxë taxk täk.

Hechos 10:3

Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.

Hechos 7:56

Tääts y'ënäny: Ëk'ixtë, ëwa'atsës yë tsajp n'ixy ets näjyëtu'un të n'ijxpaatyës ja Naaxwiinyëtë Ja'ay ja kyutënääpyë Dios pyë'aay, aka'anytsyow tyänë.

2 Corintios 12:1

Ni pën tkatuk'oy'äty ko pën kë'ëm nyämyëjpëjktä'äkyë. Oy jyajëtu'unëty, tyamës nnikajpxa'any wi'ixës ojts ja Wintsën xytyuk'ixyën winë.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Apocalipsis 4:1

Ko jëtu'un y'ëkjajty y'ëkkëpejty, ënätës n'ijxpaty ko ja tsajp y'ëwa'atsy ijxtëm tu'uk ja tëjk'aawën; ets ja ayuk nmëtooyës janty mëk ijxtëm tu'uk ja xuxnën, mëti'ipës ënety jëwyiin të xymyëkäjpxyën jëtu'unës xynyëmaay: Pät yam ets ntuk'ixëty mëti'ipë ok tunan jatanëpën.