Éxodo 9:33 - Biblia Dc en Mixe de Quetzaltepec

³³ Ko yë Moisés jap tsyo'ony ma kajpnën, ma ënety mëët të myëtyä'äkyën ja mëj'ënä'ämpë, ënät ojts ja Dios tmëpëjktsoy, tä ënätyë ja tëtsn tuu nyäxy, ja ënääw wëtsukëty ka'ap ojts y'ëk'ëtëts y'ëk'ënanëtë.

Biblia Mixe de Quetzaltepec

³³ Ko yë Moisés jap tsyo'ony ma kajpnën, ma ënäty mëët të myëtyä'äkyën ja mëj'ënä'ämpë, ënät ojts ja Tios tmëpëjktsoy, tä ënätyë ja tëtsn tuu nyäxy, ja ënääw wëtsukëty ka'ap ojts y'ëk'ëtëts y'ëk'ënanëtë.

Éxodo 9:33 ပူးပေါင်းရင်းမြစ်များ

1 Reyes 8:22

Ënet ja Salomón jam wya'ak'o'oyëy ma ja Wintsën ja wyintsë'këntyaknën. Tam ënety ja naax kajpn të tyu'ukmuky, tääts ojts tyujkxajy ja kyë'ë jam tsajpwinm,

Éxodo 8:12

Ënet yë Moisés ets Aarón ojts jam tsyo'onëtë ma ja mëj'ënä'ämpë yajkutukyën. Tä ja Moisés ojts tmëpëjktsoy ja Dios ets tyajjëwa'kta'ajëty ja maynyooty, mëti'ipë ënety të tuknikexyën ja mëj'ënä'ämpë.

Éxodo 8:8

Ënet ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Éxodo 9:29

Ets ja Moisés y'ëtsooy: Je'eyës yaa mpëtsëmëty etsës yam yë Dios nmëpëjktsowa'any mëët mijtskyëjxm ets wä'än ja tëtsn tuu tnaxy, näjyëtu'un këtiipë y'ëkwëtsujknëty ets ënääw y'ëk'ënanëty. Jëtu'un'äämpy xynyijawëty ko yë naaxwiinyëtë Dios yë jyä'ä'ajtyp.

Éxodo 9:32

E yë tsajpmok ets tu'uk ja ujts mëti'ipë xyëëwajtypyën centeno, ka'ap ojts tii jyatëtë jä'ä ko ok ojts myuxtë.

Éxodo 9:34

E ko ja mëj'ënä'ämpë t'ijxy ko tëë ja tuu nyäxy, ka'ap y'ëktëtsntuunë, ka'ap ma ja ënääw wëtsuk y'ëk'ënanë, ënät ojts ja jyot wyinma'any mëk tpëjktakojnëpë ets ka'ap jëtu'un yi'iyëty ojts atu'uk ja ëxëëk winma'any tpaaty, näjyëtu'un ja wyintsëntëjkëty mëti'ipë ënety mëët tyuunmuktën.