Éxodo 9:25 - Biblia Dc en Mixe de Quetzaltepec

²⁵ Ja tëtsn tuu yajxon jap kyëtäky Egiptë, ojts may yë ja'ay y'ooktë ets jëyujk tsajpkaa; aay ujts pu'uxmën jya'ajtaay ets aay kepy ojts wyinka'ata'atë mëti'ipë ënety jap Egiptë ijtëpën.

Biblia Mixe de Quetzaltepec

²⁵ Ja tëtsn tuu yajxon jap kyëtäky Egiptë, ojts may yë ja'ay y'ooktë ets jëyujk tsajpkaa; aay ujts pu'uxmën jya'ajtaay ets aay kepy ojts wyinka'ata'atë mëti'ipë ënäty jap Egiptë ijtëpën.

Éxodo 9:25 ပူးပေါင်းရင်းမြစ်များ

Salmos 78:47

Mëët ja tip ets ja tëtsn tuu jëtu'unyë nyaxkuputsëtyääy nyaxkumo'onëtyääy ja tsatsymkyam ets ja higo kam.

Salmos 78:48

Yë jyëyujk tsyajpkaajëty ets tsyajppax kyupixynyëty, ojts y'o'kta'atë ko ojts yë ënääw wëtsuk y'ëtë'ëtstë y'ëna'antë ets nëkooyë tyëtsntuunë.

Éxodo 9:19

Paaty yam n'ënëëmë yaja'ajta'a yë mjëyujk mtsajpkaa jënu'un jam muum xyajtänën, muum tunkëjxm kopkëjxm, këtiipë yë tëtsn tuu muum yaj'ookëtëty, jä'ä ko ënety jopy tyëtsntu'uy yaj'o'kta'ajäämpy yë ja'ay ets jëyujk tsajpkaa mëti'ipë muum yajpatëpën ëwaatsëtuuy ets ka'ap tyëkotyëty.

Éxodo 9:24

Yë ënääwëty wëtsukëty ets ja tëtsntuujëty ëxëëk jap y'ëtëtstë Egiptë, jeky yajxon tyëtsntuuy, ka'ap tsyojknajxy. Tä tyëtsntuuyën jap Egiptë, ka'ap ënety nijëna'a jëtu'un yaj'ixynyëm.

Éxodo 9:6

Ko kyomjëpom'ajty jëtu'un ja Dios tjantyuuny. Tëkokyë yë jëyujk tsajpkaa japëpë Egiptë ënety yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Ezequiel 13:13

Paaty ëjts maas nWintsën'atyën n'ëna'any: Koos ënety njoot'anpëky nyajminäämpyës yë mëktuupoj ets koos ënety ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.