Éxodo 9:23 - Biblia Dc en Mixe de Quetzaltepec

²³ Ënet ja Moisés ojts ja kyë'ë tyujkxajy tsajpjotm, tä ja Dios tkejxy ja ënääw wëtsuk ets ja tëtsn tuu yaa naaxwiiny naaxkëjxy. Yë'ë jëtu'un ojts t'ëwa'atsy ets nëkooyë tyëtsntu'ujëty jap ma Egiptë kajpnën ets ma tu'kë'ëyë it naaxwiinyëtë tnitänën.

Biblia Mixe de Quetzaltepec

²³ Ënät ja Moisés ojts ja kyë'ë tyujkxajy tsajpjotm, tä ja Tios tkejxy ja ënääw wëtsuk ets ja tëtsn tuu yaa naaxwiiny naaxkëjxy. Yë'ë jëtu'un ojts t'ëwa'atsy ets nëkooyë tyëtsntu'ujëty jap ma Egiptë kajpnën ets ma tu'kë'ëyë it naaxwiinyëtë tnitänën.

Éxodo 9:23 ပူးပေါင်းရင်းမြစ်များ

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

Job 37:13

Tëkokyë mëti'ipë tuunëpën jajtëpën aakyë'ë Dios tyuunpy ets tëytyuna'any ja naaxwiinyëtë ëkë ets tsoka'any tjawëja'any.

Salmos 147:17

Yë'ë yajkëtäkpy yë tip tä tëtsnën mëjatyëtypë ets tyajtëtykyë ka'ap myëmëtaknëty.

Salmos 148:8

Xëëw'an, tëtsn tuu, tip ets yoots. Tuupoj mëti'ipë pyatuumpyën ijxtëm të yatuk'ëne'emyën.

Salmos 18:13

Yë Wintsën, Ni'ik Këjxmëpë, ënääwën të tyajmëtoyë yë y'aaw y'ayuk jam tsajpjotm ets të tyëtsntu'uy jëtu'un tä jeexyë jëënpajk kyuko'ownaxyën.

Salmos 29:3

Yë Wintsën yë y'aaw y'ayuk yajmëtoowëp näjyëtu'un mëjnëë wiinkëjxy, yë Dios mëti'ipë myëët'ajtypyën mëj'ajt oyajtën, yë'ë ënääw yaj'ënäämpy, Yë Wintsën tam näjyëtu'un yajpaaty mëjnëë wiinkëjxy.

Salmos 77:18

Yajmëtoop ja m'ënääw ma pojxujtykyën; ets ja wëtsuk tyukjajëtyääpy ja naaxwiinyëtë, ënät ja naaxwiinyëtë të tyëkëtë yu'kxpë mëët ja ujx.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 9:18

E ka'ap wyi'ixëty, ko jyopy'atëty, ya'atpë xëëw, yajxonës mëk nyajtëtsntu'uja'any, kajëna'a jëtu'un yaa Egiptë kyatëtsntu'uynyëm, tä jopy xy'ixa'anyën.

Éxodo 9:24

Yë ënääwëty wëtsukëty ets ja tëtsntuujëty ëxëëk jap y'ëtëtstë Egiptë, jeky yajxon tyëtsntuuy, ka'ap tsyojknajxy. Tä tyëtsntuuyën jap Egiptë, ka'ap ënety nijëna'a jëtu'un yaj'ixynyëm.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

Apocalipsis 16:21

Ets ja tëtsn tuu ojts kyä'äy tsajpwinm, janty mëjjëty ma ja ja'ayëtyën, wëxtyikxy kilë naxy jye'emtyëty tu'ukpë ja tëstn ets wäänëni'ik ja ja'ay tmëtëkooytyë ja Dios, oy ja ëyo'on jya'ity ko ja tëtsn tuu kyä'äy.

Apocalipsis 8:7

Mëtu'ukpë ja tsajpjotmëtë kukäjpxy ojts tukxu'uxy ja pyujxn xuxn ets myiiny naaxwiiny ja tëtsn tuu ets ja jëën ne'pyny myëëtpë, jëtu'un tyooytyëkooy tu'kpëky ja naaxwiinyëtë ma ja tëkëëk pëkpyën mëët tu'kë'ëyë ja aay kepy ets ja aay ujts.