Éxodo 9:15 - Biblia Dc en Mixe de Quetzaltepec

¹⁵ Ka'ap jeexyë të xykyamayës mijts ëxëëk të ntuny mëët yë ëyo'on jotmay kanaakpëkpyë ma mijtsën ets ma mnaax mkajpnën ets mijts jëna'ajëp jeexyë mjëwa'knë yaa naaxwiiny.

Biblia Mixe de Quetzaltepec

¹⁵ Ka'ap jeexyë të xykyamayës mijts ëxëëk të ntuny mëët yë ëyo'on jotmay kanaakpëkpyë ma mijtsën ets ma mnaax mkajpnën ets mijts jëna'ajëp jeexyë mjëwa'knë yaa naaxwiiny.

Éxodo 9:15 ပူးပေါင်းရင်းမြစ်များ

Éxodo 3:20

E ëjts nyaj'ixanëpës yë nmëjajtën, nëjkxëpës mëj këjää ntëytyuntë yë Egiptë ja'ayëty mëët ja o'kën tëko'oyën ets ntuk'ixtëpës mëjëtypë këjääjëtypë mëj'ajtën ma nyaax kyajpnëtyën; e koonëm ënety jëtu'un të tyuny të jyätyë, täänëm nëjkx m'ëxmatsëtë.

Proverbios 2:22

E yë ja'ayëty mëti'ipë ëxëëk ja'ay'ajtëpën ets je'eyë yë jyiiky myëku'uk tnikäjpxytyunëtë, nëjkxëp yaj'ixkäxtë ets yaj'ëxwoptë yaa naaxwiiny naaxkëjxy.

1 Reyes 13:34

Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

Éxodo 14:28

Ko ja mëjmejy jatëkok nyämyujkë jëtu'unyë ojts tyajnikoonpäjta'ay ja Egiptë ja'ayëty mëët ja kyepywyintëkäämpëty ets mëët ja kyëwaayëty, tëkokyë ja tsiptuunpëtëjkëty mëti'ipë ënety të tpatëkëtën ja Israel ja'ay jap nëëjoty, nitu'uk ojts kyawë'ëmy juuky mëti'ipë ja mëj'ënä'ämpë tsyiptuunpë'ajtypyën.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Éxodo 9:6

Ko kyomjëpom'ajty jëtu'un ja Dios tjantyuuny. Tëkokyë yë jëyujk tsajpkaa japëpë Egiptë ënety yajpaatën, ojts y'o'kta'atë, e ja jyëyujk tsyajpkaajëty ja Israel ja'ayëty ka'ap ojts niwi'ix jya'ajtëpë, nitu'uk kya'o'ktë.

Éxodo 9:3

yë Dios yajkëta'akäämpy yë myëk'ajtën jam ma jëyujkëtyën, mëti'ipë jam myajtënääpyën mkamwinm mtu'uwinm ets nëjkx y'o'kta'atë mëët ja pa'am ëyo'on. Nëjkxëp y'o'kta'atë yë jëyujk tsajpkaa, këwaayëty, kruktsëty, tsajppaxëty kupixynyëty.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

2 Reyes 17:36

Ëjtsyë je'eyë xywintsë'ëkëtëp, mëti'ipë miits mWintsën'ajtëpën, mëti'ipë ojts mjuutëtën jap Egiptë, mëët tu'uk ja mëj'ajtën mëjwiinpë këjääpë. Ëjtsyë mëpaat xy'ëwtatës, xymyëjjawëtës ets xytyukwintsë'ëkëtës winë.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënety atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

2 Reyes 19:35

Jä'ä tsu'um ja Wintsën ja kyukäjpxy ojts tyaj'o'kta'ay ja Asiria ja'ayëty ma ënety jam jyajta'aktën, mëko'px ja tëkë'px mëkoxk mil ja Asiria tsyiptuunpëja'ayëty y'o'ktë, komjëpom may o'kpë ojts kyuxëënyë.