Éxodo 8:24 - Biblia Dc en Mixe de Quetzaltepec

²⁴ Jëtu'un ojts ja Dios tjantyyajtuny tjantyyajjatyë. Tä myäymyiintë ja aktsa'ak yootsën nëma'ajën ets tyajtuktujktaaytyë ja mëj'ënä'ämpë ja kyutujktakn, näjyëtu'un ja jyëën tyëjkëty ja wintsëntëjkëty mëti'ipë ënety mëët tyuntën ets tëkokyë jëtu'un yë Egiptë kajpn tukwa'këtyääytyë. Ya'atë may aktsa'ak mëj këjää y'ëyo'onpëjktäky jap Egiptë.

Biblia Mixe de Quetzaltepec

²⁴ Jëtu'un ojts ja Tios tjantyyajtuny tjantyyajjatyë. Tä myäymyiintë ja aktsa'ak yootsën nëma'ajën ets tyajtuktujktaaytyë ja mëj'ënä'ämpë ja kyutujktakn, näjyëtu'un ja jyëën tyëjkëty ja wintsëntëjkëty mëti'ipë ënäty mëët tyuntën ets tëkokyë jëtu'un yë Egiptë kajpn tukwa'këtyääytyë. Ya'atë may aktsa'ak mëj këjää y'ëyo'onpëjktäky jap Egiptë.

Éxodo 8:24 ပူးပေါင်းရင်းမြစ်များ

Salmos 105:31

Je'eyë ojts yë Dios kyäjpxy ets myäypyëtsiimy yë aktsa'ak ets tsukts, wa'ats tyajtuktujktaaytyë Egiptë itjot.

Salmos 78:45

Ojts tnajtskäxë ma yë'ëjëtyën yë may tsyukts ets nooty mëti'ipë winë yajkutëkooytyën;

Éxodo 8:14

Tä ojts ja ja'ayëty tyajmujkta'atë ja nooty'ooky ets tëkokyë tpätmujktaaytyë, oymyaajëty aakyë'ë ënety ja nooty ooky xu'knëp jojknëp.

Éxodo 8:21

Jä'ä ko pën mijts ka'apëtën xy'ëxmatsy, ëjts nkäxäämpyës yë may aktsa'ak ma mijtsën, ma ja mwintsëntëjkën, mëti'ipë mëët mtuunmukyën ets ma nitëkokyë yë mja'ayën ets ma mjëën mtëjkën. Nëjkxëp y'ujtsta'ay yë jëën tëjk mëët yë aktsa'ak ets naaxkëjxypyaat nëjkx jyëtijnë.

Éxodo 8:23

Nyajnikëxë'ëkäämpyës, ko mijts yë mkajpn tëkatsy mëët ëjts yë nkajpn. Ya'atë mëti'ipës yam nikäjpxypën jopy jëtu'un tyuna'any jyata'anyë.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.