Éxodo 7:19 - Biblia Dc en Mixe de Quetzaltepec

¹⁹ Tä yë Dios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

Biblia Mixe de Quetzaltepec

¹⁹ Tä yë Tios näjyëtu'un t'ënëmaay yë Moisés: Ënëëmë yë Aarón wä'än tnajtstijë yë tyajk jam ma mëjnëëjën, ma nëëwokën, ma nëë'akëyën ets ma Egiptë ja'ayëty yë nyëëjëty tyajnipätën ets oy tyimmaajëty ma jaty yë nëë tyaj'itën, tëkokyë ne'pnyën y'awinpijta'aja'any. Aak ne'pnyën jyajta'aja'any yë nëë, oy yë'ëjëty mëti'ipë japën ma tsiiyën ëkë ma nëëtu'tsën.

Éxodo 7:19 ပူးပေါင်းရင်းမြစ်များ

Génesis 1:10

Ja mëti'ipë ojts nyitëtstu'utyën. Jä'ä ojts ja Dios txëëwmo'oy Naax. E ja nëë mëti'ipë ënety tu'ukyë të nyämyukyën jä'ä txëëwmooy mejy. Ko ja Dios t'ijxy ko aak'oy mëti'ipë të tyajkojyën.

2 Reyes 4:29

Tä ja Elisejë t'ënëmaay ja Guehazí: Nänyipëjktaakët, pakap yë ntajkës ets mnëjkxëty jam xim. Ko pën xypyaatëty këtii xykyajpxpo'kxëty; ëkë ko pën mkajpxpo'kxëp këtii xy'ëtsowëty. Tääts jam yë ntajkës xykyëxkapëty ma ja pi'k ëna'k ja wyiin jyëjpën.

Éxodo 10:12

E ja Dios ojts t'ënëëmë yë Moisés: Xajtëw yë mkë'ë ets myintëty yë maymyu'u, wä'än tyajkutëkooytya'atë yë aay ujts mëti'ipë yajpatëpën naaxjoty kajpnjoty ets ja mëti'ipë ojts näjyëtu'un jyaakwë'ëmyën, ko ja tëtsn tuu nyäjxy.

Éxodo 10:21

Ënet ja Dios ojts t'ënëëmë ja Moisés: Xajë'ëk yë mkë'ë ets yujkxaj tsajpkëjxm ets kyootsëtya'ajëty ma tëkokyë Egiptë kyajpnën, yajxon jëtu'un kyootsëtyëkoyëty, jëtu'un yaj'ixëty mëpaatëp yowë yajtoonë.

Éxodo 14:16

E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Éxodo 14:21

Ënet ja Moisés ja tyajk jam tnajtstijëy nëëjotm, tä ja Dios tu'uk ja mëkpoj tkejxy, tu'ktsu'um ojts pyojy ets ja nëë mäjtskpëky nyäwya'kxë. Jëtu'un ojts ja Dios ja naax tyajnitëtstu'uty jam nëëjotm,

Éxodo 14:26

E yë Dios tyaa t'ënëmaay yë Moisés: Nastijë yë mkë'ë mëët yë mtajk jam nëëjotm ets Egiptë ja'ayëty nyëënikoompäjta'atëty mëët tu'kë'ëyë yë kyepy wintëkäämpë ets kyëwaayëty.

Éxodo 4:9

E pën kajtsën ninu'un mtimmyëpëjkëtëpën ets ka'ap mtunëtë këwentë, oy jëtu'un ya'atë ja mëj'ajtën xyjyayaj'ixyë, ja mëtu'ukpë ets ja mëmäjtskpë, tyaa xytyunëty, nëë wäänë mjääpëp jap nëë'ëkë'p ets xynyaxkutämëty e ko ja nëë tyäämkëta'akëty naaxkëjxy, ne'pny y'awinpitëty.

Éxodo 8:16

Jëtu'un yë Dios t'ënëmaay yë Moisés: Ënëëmë yë Aarón wä'än tnajtstijë yë tyajk ets twojpyu'kxëty yë naaxway ets y'awinpijta'atëty maytyukts ma tëkokyë nyaax kyajpnën yë Egiptë.

Éxodo 9:33

Ko yë Moisés jap tsyo'ony ma kajpnën, ma ënety mëët të myëtyä'äkyën ja mëj'ënä'ämpë, ënät ojts ja Dios tmëpëjktsoy, tä ënätyë ja tëtsn tuu nyäxy, ja ënääw wëtsukëty ka'ap ojts y'ëk'ëtëts y'ëk'ënanëtë.

Isaías 19:10

mëti'ipë wit yajkojtëpën, ka'ap nëjkx y'ëkjotkujk'ajnëtë, mëti'ipë taktëpën, je'eyë nëjkx jyaak kumon jyaak kutukëtë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Habacuc 3:8

¿Wi'ix Wintsën, tëë yë mëjnëë xytyukjoot'anpëkyë? ¿Ti tëë yë mejy myaj'ëwa'antä'äkyë? ¿paaty yë mkwaay të xytyukwa'tspety ets të mpety jam ma mkepy wyintëkäämpën tëëpë myëtä'äkyën tsipjotmë?