Éxodo 6:24 - Biblia Dc en Mixe de Quetzaltepec

²⁴ Yë Coré yë y'u'unk y'ëna'k jä'ä xyëëwajtë: Asir, Elcana ets Abiasaf. Ya'atë jëtu'un ojts ok yajtijtë Coré ja'ayëty.

Biblia Mixe de Quetzaltepec

²⁴ Yë Coré yë y'u'unk y'ëna'k jä'ä xyëëwajtë: Asir, Elcana ets Abiasaf. Ya'atë jëtu'un ojts ok yajtijtë Coré ja'ayëty.

Éxodo 6:24 ပူးပေါင်းရင်းမြစ်များ

1 Crónicas 12:6

Elcana, Isías, Azarel, Joézer ets Jasobeam. Coré ja'ayëty;

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënety jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

Salmos 42:1

Jëtu'un tä jëtyu'u u'unk tyëëtsën, nëë'ëkë'pë nyijkxyën nëë ukpë, jëtu'un n'ixta'ay mijts Dios, mëti'ipës n'ëwtajtypyën.

Salmos 84:1

Wi'ixpëm y'oyëty yë mtsajptëjk, Wintsën mëti'ipë maaytyääyëpën winë.

Éxodo 6:21

Yë Ishar yë y'u'unk y'ëna'k jä'ä xyëëwajtë: Coré, Néfeg ets Zicri.

1 Samuel 1:1

Jam ma tu'uk yë it naaxwiinyëtën ma ja kopkjotmën mëti'ipë Efraín ja'ay nyitënaaytyëpën, jam Ramá, jam ijty tu'uk yë ja'ay tsyëënë, yë'ë Suf yë myëku'uk, Elcana xyëëwajtyp. Yë'ë myaank yë Jeroham ets y'ok'u'unk yë Elihú. Yë y'apteety jä'ä ijty xyëëwajtyp Tohu, yë'ë myaank yë Zuf, yë'ë jyä'äy yë Efraín.