Éxodo 40:24 - Biblia Dc en Mixe de Quetzaltepec

²⁴ Ojts tpëjktä'äky ja jëëntooytyakn jap ma ja wit tëjkën ma ja näpyaatë y'ityën mëët ja Dios, jëtu'un mëët nyäwyinku'ixëty ja kaaypyäjn, ëpa'tkë'ëy'äämpy ma ja tsajptëjkën.

Biblia Mixe de Quetzaltepec

²⁴ Ojts tpëjktä'äky ja jëëntooytyakn jap ma ja wit tëjkën ma ja näpyaatë y'ityën mëët ja Tios, jëtu'un mëët nyäwyinku'ixëty ja kaaypyäjn, ëpa'tkë'ëy'äämpy ma ja tsajptëjkën.

Éxodo 40:24 ပူးပေါင်းရင်းမြစ်များ

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

Apocalipsis 1:20

Ja wëxtujkpë ja matsa'a mëti'ipë të xy'ixyën n'a'oykyë'ëjotyës ets ja wëxtujkpë cera tooytyakn aak pu'ts pujxnpë, yë'ë nyikäjpxyp: Ja wëxtujkpë matsa'a, yë'ë ja niwëxtujkpë ja ayukkajpxwa'kxpë mëti'ipë ijtëpën ma ja mëpëjkpëtëjk ye'eymyuktën; ets ja wëxtujkpë cera ato'oyën, yë'ë ja wëxtujkpë ja kajpn ma ye'eymyuktën ja mëpëjkpëtëjkëty.

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Juan 1:5

Kutë'kxp ja kutë'kxn akootstum, yë akootspë ka'ap të myäyë tyajpi'itsëty ja kutë'kxn.

Juan 1:1

Ko winë tsyo'onë'ky tsyo'ontäky yë Aaw Ayuk tääyëm yë'ë; tääpë Aaw Ayuk tämyëm mëët yë Dios ets yë'ë ënety Tios'ajtp.

Salmos 119:105

Yë m'aaw m'ayuk yë'ëjës xykyutë'kxp maas nnëëye'ey ntu'uye'eyën, ets jëtu'un yë'ë tä tu'uk yë jajën të'kxënën ntu'ujotyës.

Éxodo 26:35

Pëjkta'ak näjyëtu'un ja kaaypyäjn tëja'ptsow ma wyi'imyën ja wit'atëëytyuk, anëkëjxy'äämpy xypyëjkta'akëty, e yë mëj jëëntooytyakn ëpa'tkë'ëy'äämpy xypyëjkta'akëty, jëtu'un mëët yajxon nyäwyinku'ixëtëty ja kaaypyäjn.

Éxodo 40:4

Jap xypyëjkta'akëty tëkoty ja kaaypyäjn ets ja mëj jëëntooytyakn, yajxon oy xynyipëjktaakëty ma kaaypyäjn y'itëtyën ets ja mëj jëëntooytyakn pëjktaktaayë ja nyikutë'kxn.

Éxodo 40:23

Ets tpëjktäky näjyëtu'un ja tsajpkääky ma ja nyikaaypyäjnën, jam ma ja Dios jam kyëtä'äkyën, jëtu'un ijxtëm ënety ja Dios të tni'ënä'ämën.

Éxodo 40:25

Ets tyajmëjëtyääy ja kutë'kxn jam ma ja Dios ijty kyëtä'äkyën, ijxtëm ënety ja Dios të tni'ënä'ämën.