Éxodo 40:20 - Biblia Dc en Mixe de Quetzaltepec

^20-21 Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Dios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënety ja Wintsën të tni'ënä'ämën.

Biblia Mixe de Quetzaltepec

^20-21 Ojts ja Moisés t'apëkë ja tsaatsetsy ma myinyën ja ënä'ämën tëyajtën jap kaaxëjoty mëti'ipë myë'ijtypyën ja käjpxytyu'unën ets ja kaaxë ojts ja nyiwitsë tpëjktäky, näjyëtu'un ja nyi'akë'ë mëti'ipë yajtuk'ajupëpën ets tmënëjkxy jap ma ja Tios ja jyëën tyëjkën, ojts tkutëëytyä'äy ja wit'atëëytyuk ets t'atëëytyujky ja kaaxë, jëtu'un ijxtëm ënäty ja Wintsën të tni'ënä'ämën.

Éxodo 40:20 ပူးပေါင်းရင်းမြစ်များ

1 Reyes 8:9

Jap kaaxëjoty yë'ë jap ja majkpë ënä'ämën kuttujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

1 Crónicas 15:3

Tä tyajtu'ukmujktaay ja Israel ja'ayëty jam Jerusalén ets tyajtsoona'antë ja Wintsën ja kyaaxë, tmënëjkxa'antë jam ma ënety të tnipëjktaakëtën.

2 Crónicas 5:10

Ma ja kaaxën yi'iyë ënety jap ijtp mäjtsk ja tsaatsetsy ma ja tëyajtën ojts ja Moisés tkëxja'ayën jap Horeb, ja tsaatsetsy mëti'ipë ojts ja Wintsën tni'ënä'ämën y'oyëty mëët ko ënety ja käjpxytyu'unën të tuny mëët ja Israel ja'ayëty.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Éxodo 16:34

Jëtu'un tä ja Dios ënety të tmo'oyën ja ënä'ämën ja Moisés, ojts ja Aarón tu'uk ja katsy tjanty'ixy ets ojts jap tpëjkë'ëky ja maná, jap tkupëjkëy ma ja Dios ja kyaaxën ets jap ja maná ojts pëjkë'ëky wyi'imy.

Éxodo 26:34

Tääts ënät xy'akë'ëjëty ja kaaxë, mëti'ipë ënety jap të xypyëjktä'äkyën ma tëkotën, mëti'ipë yajtijpën tëkot kënu'kxypyë.

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Éxodo 40:19

Ojts twijtstëëwta'ay ja wit ma ja Dios ja jyëën tyëjkën ets ojts tpëjktä'äky ja nyiwits nyijuux jëtu'un tä ënety ja Wintsën të tni'ënä'ämën.

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Mateo 3:15

Tääts ja Jesús y'ëtsooy: Yajnëëpäjtkës jä'ä ko kopkpëky ets yajpatunëty ijxtëm ja Dios tsokyën. Ënet ja Juan tkupëjky.

Romanos 10:4

Jä'ä ko ja ënä'ämën tëë kyixy nyäxy, ko ja Kristë myiiny ets ja Dios kyupëkëtëty mëti'ipë mëpëjktëpën.

Romanos 3:25

Dios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Dios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënety të ntu'un të nkajpxëmën,

Deuteronomio 10:5

Ënätës ojts jam ntso'onë kopkkëjxm mëët ja tsaatsetsy ma këxja'ay myinyën ja majkpë ja ënä'ämën. Japës npëjktäky kaaxëjoty, jëtu'un tääjës ënety ja Wintsën të xytyuk'ëne'emyën ets tyampaat tap ja y'ity.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Dios ja kyäjpxytyu'unën.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.