Éxodo 40:18 - Biblia Dc en Mixe de Quetzaltepec

¹⁸ Moisés ojts tpëjktä'äky ja Dios ja jyëën tyëjk ets tpëjktaktaay ja nyi'ëjx, ojts tmä'kxta'ay ja kepyjyiity ets tmooytyääy ja witsë ets tyajwa'akë'ktaay ja xeny.

Biblia Mixe de Quetzaltepec

¹⁸ Moisés ojts tpëjktä'äky ja Tios ja jyëën tyëjk ets tpëjktaktaay ja nyi'ëjx, ojts tmä'kxta'ay ja kepyjyiity ets tmooytyääy ja witsë ets tyajwa'akë'ktaay ja xeny.

Éxodo 40:18 ပူးပေါင်းရင်းမြစ်များ

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Dios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Dios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Isaías 33:24

Ni pën nëjkx kya'ëna'any: Pëjkëpës. Yë Wintsën nëjkx tnime'kxy ja nyëë pyoky ja Sión ja'ayëty.

Éxodo 40:2

Ma tyu'uk anyën mëtu'kpo'opë jää nëjkx xymyä'kxy ja wit tëjk ma ja näpyaatë y'itëtyën mëët ja Dios.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Éxodo 40:17

Paaty ko mäjtsk jëmëjt y'apejty, ma ënety të tsyoontën jap Egiptë, ma tyu'uk'anyën ja mëët tu'ukpë ja po'opë, jää ojts ja Dios ja jyëën tyëjk ëka'any yajpëjktä'äky.

Éxodo 40:19

Ojts twijtstëëwta'ay ja wit ma ja Dios ja jyëën tyëjkën ets ojts tpëjktä'äky ja nyiwits nyijuux jëtu'un tä ënety ja Wintsën të tni'ënä'ämën.

2 Samuel 7:6

Ëjts tëëjës n'ijxwë'ëmy koos yë'ë ntuktsëna'ayëp wit tëjk, jëtu'unyëmës yë'ë ntuktsëënë, tyimtso'ontäky ko jap Egiptë nju'tyës yë Israel ja'ayëty.