Éxodo 40:10 - Biblia Dc en Mixe de Quetzaltepec

¹⁰ Tuknijaax yë kënu'kxy on yë wintsë'këntyakn ma jëyujk yajnino'oktën ets tëkokyë yë apëjk atu'unën jënu'un mëët tyunyën, jëtu'un xykyënu'kxëty ets wa'ats wyë'ëmëty yë wintsë'këntyakn.

Biblia Mixe de Quetzaltepec

¹⁰ Tuknijaax yë kënu'kxy on yë wintsë'këntyakn ma jëyujk yajnino'oktën ets tëkokyë yë apëjk atu'unën jënu'un mëët tyunyën, jëtu'un xykyënu'kxëty ets wa'ats wyë'ëmëty yë wintsë'këntyakn.

Éxodo 40:10 ပူးပေါင်းရင်းမြစ်များ

Lucas 1:35

Tääts ja tsajpjotmëtë kukäjpxy y'ëtsooy: Minaanp ja Kënu'kxymyëkajtën ma mijtsën, Dios ni'ik këjxmëpë myëk'ajtën myajnitukëtëp ijxtëm tu'uk ja yootsën, paaty ya'atë mëxu'unk mëti'ipë minaanp ja'taanpën, wa'ats yë'ë, Dios U'unk yë'ë.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Isaías 11:2

Tääpë ja'ay nëjkxëp yajpaaty xëmë mëët yë Wintsën ja myëk'ajtën y'oyajtën, mëti'ipë nëjkx myo'oyën nija'awën, wijyajtën, këpetyajtën, mëk'ajtën, ixpëkyajtën ets ma Wintsënën.

Éxodo 40:11

Tuknixijkx näjyëtu'un yë pujxn akë'ëpujën ets nyi'ëjx ets jëtu'un'äämpy kënu'kxy wyë'ëmëty.

Éxodo 30:29

Jëtu'un nëjkx xykyënu'kxta'ay ets wa'ats wyë'ëmta'atëty, oy tyimtiijëty pën tii ënety jam najxp, wa'ats nëjkx wyi'imy.