Éxodo 4:31 - Biblia Dc en Mixe de Quetzaltepec

³¹ Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Biblia Mixe de Quetzaltepec

³¹ Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënäty ja Tios myëmay myëtajëtë ets ko ënäty tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Tios t'ëwtatën.

Éxodo 4:31 ပူးပေါင်းရင်းမြစ်များ

Éxodo 3:18

Yë mëjja'aytyëjkëty nëjkxëp tja'akyukëtë mëti'ipë ënety mijts mnimëtyäkpyën ets yë'ë nëjkx mëët xy'ixy ja yajkutujkpë mëti'ipë jap ënä'ämpën Egiptë ets xy'ënëëmëty: Yë Wintsën mëti'ipë Tyios'ajtëpën yë hebreo ja'ayëty, yë'ë të nyänyikëxë'ëkyë ma ëëtsëtyën. E paaty yam n'amëtowtës xy'ëwa'atsëty, wä'änës n'ëknëjkxtë jam të'ëts'itum, tëkëëk xëëw ye'eyën jyëkämëty ets nëjkx ja wyintsë'kën nmo'oja'antës ja wintsën mëti'ipës n'ëwtajtëpën.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Éxodo 12:27

Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Dios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënety jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë. Ënet ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë.

Éxodo 3:16

Nëjkx ets woowmuk yë mëjja'aytyëjk jampë yajpaatën ma Israel ja'ayëtyën ets xy'ënëëmëty: Yë Wintsën mëti'ipë yë m'ap m'ok Tyios'atëpën, yë Abraham, Isaac ets Jacob yë Tyiosëty, yë'ë ojts nyänyikëxë'ëkyë maas ëjtsën etsës ojts xy'ënëëmë, ko tëë t'ixy tnijawë wi'ix miitsëty mjatën mkëpätën yaa Egiptë.

Éxodo 2:25

Yë Dios ojts y'ixëtë, ojts tnijawë ets ojts näjyëtu'un tja'akyukë ko ënety jap mon tuk yajpaatë.

Génesis 24:26

Ënet ja tuunpë nyäkyoxtënaaytyakë ets t'ëwtajty tmëpëjktsooy ja Wintsën,

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

2 Crónicas 20:18

Ënet ja Josafat nyäkyoxtënaaytyakë ets nyaax'ijxy nyaaxkooy ets ja Jerusalén ja'ayëty, Judá ja'ayëty näjyëtu'un, t'ëwtajtë tmënu'kxtaktë ja Wintsën.

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Dios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Éxodo 4:5

Ya'atë yë'ë jëtu'un ets tmëpëktëty, ko yë Dios yë'ë jëtu'un të nyänyikëxë'ëkyë ma mijtsën, mëti'ipë ja m'ap m'ok y'ëwtajtën, yë Tyios yë Abraham, Isaac ets Jacob.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

Éxodo 19:8

Ënet ja Israel ja'ayëty nitëkokyë y'ëtsoowtaaytyë: Oyës jëtu'un ntuntëty, jëtu'un tä ja Dios të tni'ënä'ämën. Moisés ojts ya'atë ja ëtsoowinpijtën tukninëjkxy ja Dios, ijxtëm ënety ja naax kajpn të y'ëtsoyën,

Éxodo 19:9

ënät ja Dios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënety mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënety ja naax kajpn të y'ëtsoowinpityën,

Éxodo 34:8

Ënet ja Moisés poj'am nyäjyijtakë ets wyintäky nyaaxkooy ets ojts t'ëwtaty ja Dios,

Rut 1:6

Kom ok ja Noemi ojts nijawë jam Moab, ko ma ja kyajpnën tëë ënety ja yuu xëëw nyajxnë.

Nehemías 8:6

Ënet ja Esdras tyëjkëy ëëpë xoontakpë tyajnaxy ja kukkajpxën ja'awëkyëtakkën ma ja Wintsënën, mëti'ipë Tios'ajtpën, mëti'ipë maaytyääyëpën winë, ets ja ja'ay y'ëtsoowtaaytyë ets xyajjë'ktaaytyë: Jëtu'un, jëtu'un, Tääts nyäkyoxtënaaytyakëtë ets t'ëwtajtë ja Wintsën.

Sofonías 2:7

Yë Judá ja'ayëty mëti'ipë ënety të jyaak tso'oktën, yë'ë nëjkx tääpë naax kajpn tjä'ä'atë ko ënety ja Wintsën nyiminëtë ets pyutëkëja'anëtë ets jotkujk jyuuky'atëty. Jam nëjkx ja kyupixyny tkëwent'atë ets koots nëjkx pyo'kxtë pyëktë ma ja jyëën tyëjkëtyën jam Ascalón.

Éxodo 33:10

Ko ja ja'ayëty jëtu'un t'ixtë ja yoots jam nyäpyëjktä'äkyë ma ja wit tëjk yajnitëkën, ënät nyäkyoxtënaaytya'akëtë jam tyëjk'ëkë'ëmëty ets tyaj'ixëtë jëtu'un ja näwyinkutsë'ëkë ma ja Tiosën.

2 Crónicas 7:3

Ko ja Israel ja'ayëty t'ijxtë ja jëën ets ja Wintsën ja myëj'ajt y'oyajtën mëti'ipë jap tsajptëkoty të kyëtä'äkyën, ënät koxtänë kya'ataaytyë, tyukpatëp ja wyimpok ja naax, t'ëwtajtë jëtu'un ja Wintsën ets tyajnajxtë ja kukkajpxën ja'awëkyëtakkën ma Wintsënën, tniwinpitë ja aaw ayuk ets y'ëna'antë: Jä'ä ko yë'ë janty'oy yë'ë ets tsojkp ja'ap xëmë.

2 Crónicas 32:8

Yë'ëjëty yi'iyë tyukjotmëk'ajtëp ko nyimay'atë, ëëts'ajtëmë yë'ë ntukjotkujk'ajtëm yë Wintsën, jä'ä ko yë'ë xypyutëkëja'anëmë ko pën mëët ntsiptu'unmëty. Ko ja ja'ay jëtu'un tmëtoowtë ja aaw ayuk tkäjpxy ja yajkutujkpë Ezequías, ënät jyotmëkpëjktë.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.