Éxodo 39:43 - Biblia Dc en Mixe de Quetzaltepec

⁴³ Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

Biblia Mixe de Quetzaltepec

⁴³ Ko ja Moisés t'ijxy, ko ja ja'ayëty mëj këjää të tyuntë, ënät ojts ni'ëmukë tkënu'kxta'ay.

Éxodo 39:43 ပူးပေါင်းရင်းမြစ်များ

Génesis 1:31

ënät yë Dios t'ijxy janty'oy tu'kë'ëyë mëti'ipë ënety të tyajkojyën. Jëtu'un ojts kyä'pxy ja mëtëtujk xëëwpë.

Génesis 14:19

ojts tkënu'kxy yë Abram mëët ya'atë aaw ayuk: Yë Dios Ni'ik Këjxmëpë mkënu'kxëtëp mjëkyäpëtëp, mëti'ipë yajkojën yë tsajp ets naaxwiinyëtë.

2 Samuel 6:18

ko tyajwintu'upëjktaay ja wintsë'kën ënät ojts tkënu'kxy ja naax kajpn mëët ja Wintsën ja xyëëw mëti'ipë maaytyääyëpën winë,

1 Reyes 6:38

e ma myajktu'uk jëmëjtpetyën ja kyutujkën, ma ja po'o y'änyën mëti'ipë yajtijpën Bul, mëti'ipë mëtuktujkpo'ojën ma tääpë jëmëjtën, jää ojts ja tsajptëjk yajkoj'apety, jëtu'un tä ënety të tuknipëjktaakëtën. Wëxtujk jëmëjt ja Salomón tuunk'ajty.

1 Reyes 8:14

Ko jëtu'un kyajpxtaay, tä ojts tni''ijxwinpity ja mayjyä'äy ma jam yajpaatën ja Israel ja'ayëty, aak tënaaytyëp ets ojts tkënu'kxy

1 Reyes 8:55

ënät wya'akë'ky ets ojts tkënu'kxy ja naax kajpn mëti'ipë jam të tyu'ukmuktën ets y'ënäny:

1 Crónicas 16:2

e ko David jëtu'un tyajnajxtaay ja wintsë'kën ma ja Wintsënën ënät ojts ja naax kajpn tkënu'kxy mëët ja Wintsën ja xyëëw,

2 Crónicas 30:27

Ko tyuuntaay jyajtaayë ja xëëw, ënät ja teetytyëjkëty ojts ja naax kajpn tkënu'kxtë, ja teetytyëjkëty ja wyaantak nyu'kxtakënëty jëkämpaat yajmëtooy.

2 Crónicas 6:3

Tä ja yajkutujkpë t'ijxy ja mayjyä'äy ets ojts tkënu'kxy

Nehemías 11:2

E ja naax kajpn tkënu'kxtaaytyë ja ja'ayëty mëti'ipë kë'ëm ënantën ko nyëjkxa'antë tsënääpyë jam Jerusalén.

Salmos 104:31

Yë Wintsën yë myëj'ajt y'oyajtën xëmë y'ity. Tyukxoontäkpy yë Wintsën ko winë të tyajkojy.

Salmos 19:11

Ya'atë mëtuunpë oy ko jëtu'unpë aaw ayuk yajtukmëtoy, ets oy nyäjyawëty ko tpatuny.

Éxodo 12:28

E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.

Éxodo 25:9

E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.

Éxodo 39:42

Yë Israel ja'ayëty jëtu'un ojts kä'pxy t'oytyuunta'atë tä ënety ja Dios të tuk'ëne'emyën ja Moisés.

Éxodo 40:1

Ënet yë Dios ojts tmëkäjpxy yë Moisés ets t'ënëmaay:

Éxodo 40:25

Ets tyajmëjëtyääy ja kutë'kxn jam ma ja Dios ijty kyëtä'äkyën, ijxtëm ënety ja Dios të tni'ënä'ämën.

Éxodo 7:6

Moisés ets Aarón jëtu'un ojts winë tuntë ijxtëm ënety ja Dios të tyuk'ënä'ämëtën.

Jeremias 13:5

Ënet ojts nnëjkxyës jam ma ja Éufrates mëjnëëjën ets jam nyu'tyës ja wit wëën tsaajutjoty, jëtu'un tä ënety ja Wintsën të xytyuk'ëne'emyënës.

Josue 22:6

Ko jëtu'un kyajpxtaay, tä ojts je'eyë t'ëkjaakënu'kxnë ets nyäy'ëxmajtsënëtë, tääts ojts tsyo'onëtë ets nyëjkxnëtë ma jyëën tyëjkëtyën.

Josue 22:7

Yë Moisés tëë ënety ëka'any tmo'oy ja nyaaxëty ja nikujkwä'kxypyë ja Manasés ja jyä'äy jam ma tu'uk ja it naaxwiinyëtë txëëwatyën Basán. E ja nikujkwä'kxy ja Manasés ja jyä'äy, jam ënety ja nyaax të myo'ojëtë ja Josué a'oytsyow ma ja Jordán mëjnëëjën; e ja mëjëyëjpë yë'ë ja Josué ojts tkënu'kxy ets ojts tkäjxwinpijnë nyëjkxtëty ma ja jyëën tyëjkëtyën.