Éxodo 39:32 - Biblia Dc en Mixe de Quetzaltepec

³² Ja wit tëjk ma y'ityën ja näpyaatë mëët yë Dios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Dios tuk'ëne'emyën ja Moisés,

Biblia Mixe de Quetzaltepec

³² Ja wit tëjk ma y'ityën ja näpyaatë mëët yë Tios, ojts ja kyojta'ay ets y'apatëtyääy. Ja Israel ja'ayëty jëtu'un ojts t'oytyuntë tä ojts ja Tios tuk'ëne'emyën ja Moisés,

Éxodo 39:32 ပူးပေါင်းရင်းမြစ်များ

1 Reyes 6:38

e ma myajktu'uk jëmëjtpetyën ja kyutujkën, ma ja po'o y'änyën mëti'ipë yajtijpën Bul, mëti'ipë mëtuktujkpo'ojën ma tääpë jëmëjtën, jää ojts ja tsajptëjk yajkoj'apety, jëtu'un tä ënety të tuknipëjktaakëtën. Wëxtujk jëmëjt ja Salomón tuunk'ajty.

1 Reyes 7:40

Hiram ojts tyajkojy tu'ts, jä'pn, a'ukën ets ja wiinkëtypë ja apëjk atu'unën mëti'ipë jap tsajptëkoty tunaanpën mëti'ipë ja Salomón ojts tyuk'ëne'emyën jëtu'un ojts tyaj'apaatë ja tuunk,

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

Éxodo 12:28

E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.

Éxodo 25:40

Jëtu'un xyajkojëty tä të ntuk'ixyën ja nyi''ijxpät jap kopkëjxy.

Éxodo 31:7

Ja wit tëjk ma ja näpyaatë y'ityën mëët ja Dios, ja kaaxë mëti'ipë myë'ijtypyën ja käjpxytyu'unën, ja kaaxë ja nyi'akë'ë ets tëkokyë jënu'un jap winë tyunyën ma ya'atë wit tëjkën,

Éxodo 39:31

Ënet ojts ja pu'ts pujn jam tkëxtsumtë ma ja wit këxtëy y'ityën, mëti'ipë xyëëwajtypyën kupit; yë'ë tyukëxtsuumtë tu'uk ja ukypyiity timnikojëpë, jëtu'un ojts wyi'imy tä ënety ja Dios të tuk'ëne'emyën ja Moisés.

Éxodo 39:33

tääts ja Moisés ojts tkë'ëmooytyääynyëtë tëkokyë mëti'ipë ënety të tyaj'o'oyëtya'atën jap ma ja Dios ja jyëën tyëjkën; ja wit tëjk ma ja näpyaatë y'ityën ets tëkokyë jënu'un ënety jap tyuna'anyën: ja jo'kn, ja kepyjyiity, ja witsë ets ja xeny mëët ja nyi'ëjx tu'uktu'uk.

Éxodo 40:1

Ënet yë Dios ojts tmëkäjpxy yë Moisés ets t'ënëmaay:

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 40:32

Näpyujëtëp ijtyëty ko jap tyëkëtë ma ja wit tëjkën ma ja näpyaatë y'ityën ets ko twinkuwa'akëtë ja potsy ma ja wintsë'këntyaknën, jä'ä ko jëtu'un ënety ja Wintsën të tuk'ëne'emy ja Moisés.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Deuteronomio 12:32

Tiits miitsëty yë'ë xëmë mtuntëp mëti'ipë të ntuk'ënä'ämtën, këtii nitu'uk xyajni'ikëtëty ets nitu'uk xykyajëpëktëty.

Hebreos 3:2

Jä'ä ko ja Jesús kyuuytyuun ja tuunk mëti'ipë ja Dios tuknipëjkën, näjyëtu'un ijxtëm ja Moisés tkuuytyuunyën ja tuunk mëti'ipë ja Dios ojts tyuknipëkyën ma ja nyaax kyajpnën.

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.