Éxodo 38:21 - Biblia Dc en Mixe de Quetzaltepec

²¹ Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënety të tyunyën ma Dios ja jyëën tyëjkën, mëti'ipë myë'ijtypyën ja käjpxytyu'unën.

Biblia Mixe de Quetzaltepec

²¹ Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënäty të tyunyën ma Tios ja jyëën tyëjkën, mëti'ipë myë'ijtypyën ja käjpxytyu'unën.

Éxodo 38:21 ပူးပေါင်းရင်းမြစ်များ

1 Crónicas 6:3

Amram y'u'unk y'ëna'k jä'ä xyëëwajtë Aarón, Moisés ets Maria. Aarón y'u'unk y'ëna'k jä'ä xyëëwajtë Nadab, Abihú, Eleazar ets Itamar.

2 Crónicas 24:6

Ënet ja yajkutujkpë ojts tmëkäjpxy ja teety Joiadá ets t'ënëmaay: ¿Wi'ix ko ka'ap mëktä'äky xytyuk'ëne'emy yë Leví ja'ayëty ets tyajmuktëty ja këpäjtën jam Judá ets Jerusalén mëti'ipë ja Moisés ojts tni'ënä'ämën ets mëti'ipë ja naax kajpn ojts tni'ënä'ämën mëti'ipë jap tunëpën ma ja wit tëjkën ma ja näpyaatë y'ityën?

Job 11:4

Mijts jëtu'un m'ëna'any ko yë m'ijxpëjkën mëtëy yë'ë ets ko wa'ats mnäyajnaxyë.

Job 22:23

Pën mijts yu'unk naxym mnäypyëjktä'äkyë ma yë'ëjën ets mwinpijtp ma ja mëti'ipë maaytyääyëpën winë ets myajjëwä'kpy yë ëxëëkpë ma mjëën mtëjkën,

Job 26:1

Wi'ixën ja ja'ay xypyutëkë mëti'ipë të myëjaawkëxyën, wi'ix ja ja'ay xyajtso'oka'any mëti'ipë tëë y'ënu'kxën.

Salmos 15:1

Wintsën, ¿pën mëpaat jam yajpaaty ma mtsajptëjkën? ¿Pën patëp jam tsyëënëty ma mtun nkopkën wa'atspë?

Éxodo 25:16

Jap kaaxëjoty xypyëjkta'akëty ja ënä'ämën tëyajtën mëti'ipë yam nmo'ojäämpyën.

Éxodo 26:33

Tääts ënät jam xykyëxtëyëty ja atëëytyuk ma ja nyijo'knën, jap jëxkë'ptsow xypyëjkta'akëty ja kaaxë, mëti'ipë myë'ijtypyën ja käjpxytyu'unën; ya'atë wit'atëëytyuk yë'ë yaj'ëwä'kxy'itëp ja wa'atspë ja tëkot mëët ja mëti'ipë ni'ikwa'atsën

Éxodo 38:20

Tëkokyë ja nyikepy ma yajkutsuumtën ja wit'atëëytyuk, mëti'ipë yajtijpën akujpë'ëk, aakyë'ë ojts mëët t'oytyuny yë tsuxkpujxn.

Éxodo 38:22

Ja Besalel yë myaank, yë Urí, yë y'ok'u'unk yë Hur, Judá yë jyä'äy, ojts tëkokyë tuunta'ay mëti'ipë ënety ja Moisés ja Dios të tyuk'ëne'emyën.

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 6:23

Yë Aarón yë'ë ojts mëët pyiky tu'uk yë to'oxytyëjk mëti'ipë xyëëwajtypyën Eliseba, yë'ë nyëëx yë Aminadab ets yë'ë yë myëkä'äx yë Nahasón, yë'ë myaank'ajt mëti'ipë ojts txëëwatën; Nadab, Abihú, Eleazar ets Itamar.

Mateo 17:4

Ënet ja Pedro t'ënëmaay ja Jesús: Wintsën, oy koos yaa nyajpaatë. Pën mtsojkpy, minës tëkëëk yë ujts'aaytyëjk n'ëk kojy: tu'uk mijts mjä'ä, tu'uk yë Moisés yë jyä'ä ets tu'uk yë Elías yë jyä'ä.

Hechos 7:44

Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Dios; yë'ë ja Dios tyuk'ënä'äm ja Moisés ets t'oytyunëty jëtu'un ijxtëm ënety të t'ixyën ja nyi''ijxpät.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.

Hebreos 9:11

E tëë ja Kristë myiny ets tyam yë'ë nyiteetywyintsën'ajtyp ja oypyë mëti'ipë jää'ajtpën. Wäänë oy ja tsajptëjk ma yë'ë tyeetywyintsënkopk'atyën. Ka'ap jyä'äyëty të tkojy ets ka'ap nyaaxwiinyëtëty yajpaaty,

2 Pedro 1:13

Maas njaak juuky'ätynyëm, xypyatpës ets ntukja'amyätstëty ya'atë kajpxwijën.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 15:5

Ko jëtu'un jyäjty, ok ojts n'ixyës ko ja Dios ja tyëjk y'ëwatsy tsajpjotm, ma pëjkë'ëky y'ityën ja Dios ja y'ënä'ämën këxja'aypyë.

Apocalipsis 21:3

Ets nmëtooyës tu'uk ja ayuk mëk tsajpjotm y'ënä'äny: Jam ja Dios tyam y'ity ma ja ja'ayën ets jyuuky'ata'any mëët yë'ë. Yë'ëts ja'ay'atëtëp ets ja Dios yajpaata'any mëët yë'ëty.