Éxodo 37:16 - Biblia Dc en Mixe de Quetzaltepec

¹⁶ Ojts näjyëtu'un yë apëjk atu'unën tyaj'oyë, mëti'ipë ënety jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Biblia Mixe de Quetzaltepec

¹⁶ Ojts näjyëtu'un yë apëjk atu'unën tyaj'oyë, mëti'ipë ënäty jam itaanpën ma ja kaaypyäjnën, aak pu'ts pujxn ojts tuk'oytyuny, ja texy, ja mëj jä'pn, ja nyitu'ts ets ja a'ukën; ma yajpëjkta'akëtyën ja ayajk ako'onën mëti'ipë nëëjëtyën.

Éxodo 37:16 ပူးပေါင်းရင်းမြစ်များ

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënety ja pu'ts pujxn mëët y'oytyunyëtyën. Näy pu'ts pujxn ënety mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

2 Reyes 12:13

Je'eyëp ko tääpë ja meeny mëti'ipë jap myënëjkxtëpën tsajptëkoty ka'ap ijty tyajtuntë ets yajtuk'oytyunëty ja a'ukën, atojkxën, jä'pn, xuxn, ëkë mëti'ipë ënety poop pujxn ëkë pu'ts pujxn mëët y'oyëjä'änyën,

Éxodo 25:29

Ma nyitekyën nän pu'ts pujxn jam mpëjkta'akëp, näjyëtu'un ja tu'ts ets ja a'ukën mëti'ipë mëët tyuna'anyën, ma yaj'atämën ja ayajk ako'onën mëti'ipë nëëjëtyën.

Éxodo 37:15

Ja nyikepy mëti'ipë mëët yajkëëyi'ikyën ja kaaypyäjn yë'ë ojts yajtuk'oytyuny yë acacië kepy ets ojts tukniwijtsta'ay yë pu'ts pujxn.

Éxodo 37:17

Besalel ojts näjyëtu'un tyaj'oyë yë jëëntooytyakn aak pu'ts pujxn, yë'ë ojts tuk'oytyuny yë pujxnkuwojpën ets twojptëëy tka'tstëëy mëët; tu'ukyë ojts tyaj'akojmuky yë y'ëjx mëët yë myox, mëët yë tyo'k, yë y'a'ukën ets mëët y'ääy.

2 Timoteo 2:20

Ma tu'uk ja mëj tëjkën, ka'ap jap yi'iyëty yajpaaty yë pu'ts pujxn ets poop pujxn, tap näjyëtu'un kepytyexy, naax texy. Jënaakën mëti'ipë tuunpën jëna'ajëty ets jënaakën mëti'ipë tuunpën xëmë.