Éxodo 36:35 - Biblia Dc en Mixe de Quetzaltepec

³⁵ Ënet ojts t'oytyuny näjyëtu'un ja mëjwit, mëti'ipë ja tëkot yajtuk'atëëytyujkpën, yë'ë ojts txuuymyuky yë wit mëti'ipë yë y'ujkën tsu'unk, uky, tsapts ets ja linë wit awiity ets ma ya'atë witën jam ojts tyajkëxkojy mäjtsk yë tsajpjotmëtë kukäjpxy.

Biblia Mixe de Quetzaltepec

³⁵ Ënät ojts t'oytyuny näjyëtu'un ja mëjwit, mëti'ipë ja tëkot yajtuk'atëëytyujkpën, yë'ë ojts txuuymyuky yë wit mëti'ipë yë y'ujkën tsu'unk, uky, tsapts ets ja linë wit awiity ets ma ya'atë witën jam ojts tyajkëxkojy mäjtsk yë tsajpjotmëtë kukäjpxy.

Éxodo 36:35 ပူးပေါင်းရင်းမြစ်များ

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Hebreos 10:20

ets yajpanëjkxëty ja jemytyu'u mëti'ipë juukyajtën tukpatpën, mëti'ipë ojts tyajniku'ëwa'atsyën ko wit atëëytyuk ojts kyë'ëtswä'kxy jap tsajptëkoty, yë'ë tyijpy ja jyot nyi'kx ko tsyëtyujty wyintëkooy.

Éxodo 30:6

Ja potsy ma ja wintsë'kën yajyäkyën jam xypyëjkta'akëty ma yajpaatyën yë wit'atëëytyuk, mëti'ipë jam winkon yajpatpën ma kaaxën mëti'ipë myë'ijtypyën yë käjpxytyu'unën, jëyëjp wyë'ëmëty, maas ëjts näpyaata'anyën mëët mijts.

Éxodo 26:1

Oytyun tu'uk yë tsajptëjk, majkwitsy xyajtunëty yë linë wit awiity, ukywyit, tsu'unk wit ets tsaptswit; jam xykyëxjo'okëty yë tsajpjotmëtë kukäjpxy y'awinax.

Éxodo 36:34

Yë kepyjyiity ojts tuknikooytyä'äy yë pu'ts pujxn ets ojts t'oytyuunë yë nyitëëyë'ëk aak pu'ts pujxn ma yajjëëpëtyën ja witsë, mëti'ipë näjyëtu'un ënety tëë yajnikoyën.

Éxodo 36:36

Tääts jam tkëxtëëy yë pu'ts pujxnjo'kn ma ja taxkpë ja acacië kepy xyenyën, mëti'ipë nikoyën mëët yë pu'ts pujxn ets yë'ë y'ëjx'ajtyp yë poop pujxn, aakjëtu'un taxkëty.