Éxodo 36:3 - Biblia Dc en Mixe de Quetzaltepec

³ Ënet ojts jä'ä ja Moisés myooytya'ajëtë ja ayajk ako'onën mëti'ipë ja Israel ja'ayëty të tmëmintën ets tyajtso'onta'aktëty ja tuunk ma ja tsajptëjk kyoja'anyën. E ja Israel ja'ayëty ni'ikyë tmëmiin'ëtë'ëtstë ja ayajk ako'onën winjëpom.

Biblia Mixe de Quetzaltepec

³ Ënät ojts jä'ä ja Moisés myooytya'ajëtë ja ayajk ako'onën mëti'ipë ja Israel ja'ayëty të tmëmintën ets tyajtso'onta'aktëty ja tuunk ma ja tsajptëjk kyoja'anyën. E ja Israel ja'ayëty ni'ikyë tmëmiin'ëtë'ëtstë ja ayajk ako'onën winjëpom.

Éxodo 36:3 ပူးပေါင်းရင်းမြစ်များ

Salmos 101:8

Winjëpom nyaj'ëwaanëja'anyës yë ja'ayëty mëti'ipë ëxëëk ëtëtstëp ënantëpën ma naax kajpnën; Nyajjëwa'akäämpyës yë ëxëëk tuunpë ëxëëk kajpxpë ma Wintsën yë nyaax kyajpnën.

Salmos 5:3

Tsojk xymyëtoow'ita'any yë n'aaw nyo'knës. Jopy jopy ntuk'ëwa'anëkyojy yë n'amay njotmayës, ets ënät n'a'ixy njëjp'ixyës ja m'ëtsoowinpijtën.

Éxodo 35:27

Ja ja'ayëty mëti'ipë ënety mëj'äämpy ijtëpën, yë'ë ojts tmëmintë ja tsaa oyëtypë tä ja tsuxktsaajën ets ja wiinkëtypë ets yë'ë jam yajpëjkta'akëty ma ja kejky yä'äpën ets ma ja katsyjyänën mëti'ipë yajtuumpyën ja teety wintsën.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Éxodo 36:4

Ja tuunpëtëjkëty mëti'ipë yaj'o'oyëtëpën tiijaty jam tunaanpën ma tsajptëjkën ojts ja tyuunk t'ëxmatstë ets ojts tninëjkxtë ja Moisés,

Proverbios 8:15

Ëjts nyaj'ijtyp yë yajkutujkpëtëjk, ënä'ämpëtëjk ets mëti'ipë nyipaye'eytyëpën yë nëë poky.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Amós 4:5

Yaktë nino'oky nixämy yë mtsajpkääkyëty ma ja kukajpx ja'awëkyëtakën xyajnaxtën; xiitsow yaatsow nikajpx nimëtya'aktë ko m'ayak m'akonëtë kë'ëmtsojkën, jä'ä ko yë'ë jëtu'unpë oy mja'awëtyëp. Yë Wintsën jëtu'un ënaanp.