Éxodo 36:1 - Biblia Dc en Mixe de Quetzaltepec

¹ E paaty jëtu'un yë Besalel, yë Oholiab ets nitëkokyë yë ja'ayëty jënu'un ja wijyajtën tmëët'atën, wi'ix winë oy t'oytyuntëtyën; pënjaty ja Dios ja wijyajtën të myo'ojëtë ets t'oytyuntëty mëti'ipë jap tunaanpën ma ja tsajptëjkën, yë'ë ja tuunk yajtu'uye'eytyëp mëti'ipë yë Dios të tni'ënä'ämën.

Biblia Mixe de Quetzaltepec

¹ E paaty jëtu'un yë Besalel, yë Oholiab ets nitëkokyë yë ja'ayëty jënu'un ja wijyajtën tmëët'atën, wi'ix winë oy t'oytyuntëtyën; pënjaty ja Tios ja wijyajtën të myo'ojëtë ets t'oytyuntëty mëti'ipë jap tunaanpën ma ja tsajptëjkën, yë'ë ja tuunk yajtu'uye'eytyëp mëti'ipë yë Tios të tni'ënä'ämën.

Éxodo 36:1 ပူးပေါင်းရင်းမြစ်များ

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.

1 Crónicas 2:20

Hur jä'ä y'u'unk y'ëna'k xyëëwajtë Urí, e yë Urí jä'ä y'u'unk y'ëna'k xyëëwajtë Besalel.

1 Crónicas 28:21

Tyaa nkë'ëmo'oy ya'atë, ma xynyijawëtyën wi'ix ja tuunk nitu'ukjaty tyuka'ajëtën jap ma Wintsën ja jyëën tyëjkën ja teetyëty ets ja Leví ja'ayëty; nëjkxëp ja mayjyä'äy ëpëky mputëjkëyëpë kë'ëmwinma'any, mëti'ipë ixpëkyëtyën ets wijyëtyën; ja kopktëjkëty, ja wintsëntëjkëty yë'ë yajpaatantëp xëmë jëjp'ixy ma ënety ja mtuunk xyajtu'uye'eyën.

Salmos 119:6

Ka'apës nitii ntsëtyu'unjawëty koos npatunëty ja m'ënä'ämën mtëyajtën.

Éxodo 12:28

E ënät ojts nyëjkxta'atë ets tuuntë tä ënety ja Wintsën të tuk'ëne'emyën ja Moisés ets ja Aarón.

Éxodo 25:8

Ets xy'oytyuntëty tu'uk yë tsajptëjk, maas ëjts nyajpaatëtyën etsës mëët yë'ëjëty ntsëënëtyës njuuky'atëtyës.

Éxodo 28:3

Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Éxodo 31:11

yë on mëti'ipë mëët winë yajkënu'kxyën ets ja poom mëti'ipë pa'akxu'kpën jap ma tsajptëjkën, yë'ë nëjkx tuunk'atë jëtu'un tä yam të ntuk'ëne'emyën.

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Éxodo 38:23

Ojts pyutëkëty ja ja'ay mëti'ipë xyëëwajtypyën Oholiab, yë'ë myaank yë Ahisamac ets yë'ë yë jyä'äy yë Dan, mëti'ipë yë'ë tyimtuunk'ajtypyën ma tii winëjaty kyojyën aakpujxn, tyukjajtyp wi'ix janty'oy yë wit tjo'okëtyën ets tyaj'ijxëntëkëty, tä ja witën mëti'ipë ja y'ujkën tsu'unk, uky, tsapts ets linë wit.

Éxodo 39:1

Ja wit jo'oky mëti'ipë jap tunaanpën tsajptëkoty, yë'ë yajtuk'oytyuun yë tsu'unkpë wit, ukpyë ets tsaptspë, yë'ë wit mëët yaj'oytyuuny ja Aarón ja wyit, jëtu'un ijxtëm ënety ja Moisés ja Dios të tyuk'ëne'emyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.