Éxodo 35:31 - Biblia Dc en Mixe de Quetzaltepec

³¹ Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën,

Biblia Mixe de Quetzaltepec

³¹ Tëë tmo'oy yë Tios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën,

Éxodo 35:31 ပူးပေါင်းရင်းမြစ်များ

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

2 Crónicas 2:14

Yë'ë yë myaank tu'uk yë to'oxytyëjk, mëti'ipë Dan jyä'äy'äjtypyën ets tyeety yaa yë Tirë kyukajpnëty. Yë'ë nyija'ap wi'ix tuunk'atëtyën yë pu'ts pujxn, poop pujxn, tsuxkpujxn, juunpujxn, tsaa oyjyätypë ets kepy; wit, mëti'ipë wyooxën tsapts, uky ets tsu'unk; yë'ë tyukjajtyp näjyëtu'un wi'ix winë oy tyaj'ijxëntëkëtyën, wi'ix jyo'okëtyën ets oy tyajkëxë'ëkëty ma tiijaty yaj'oytyuna'anyën ets tyuunmuka'any mëët yë mja'ay ets ja'ayëty mëti'ipë ojts yë mteety David tyajtunyën, ëjts yë nwintsënës.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

Isaías 28:26

Yë Dios yë'ë tukni''ijxëyëp wi'ix tii tunëtyën:

Éxodo 28:3

Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Éxodo 31:3

tëëjës nmo'oy yë nmëk'ajtënës n'oyajtënës ets wijyajtën kujk'ajtën ets ja'aykyujkën ets nija'awën wi'ix winë oy t'oytyunëtyën.

Éxodo 35:30

Ënet ja Moisés t'ënëmaay ja Israel ja'ayëty: Ëk'ixtë ma Judá yë jyä'äyën, yë'ë jam yë Dios të twin'ixy yë Besalel, yë myaank yë Urí, yë y'ok'u'unk yë Hur.

Éxodo 35:32

wi'ix tuunk'atëtyën yë pu'ts pujxn, poop pujxn ets tsuxkpujxn;

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.