Éxodo 35:22 - Biblia Dc en Mixe de Quetzaltepec

²² Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënety pyaat'atyën ja Wintsën yajmo'ojëty.

Biblia Mixe de Quetzaltepec

²² Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënäty pyaat'atyën ja Wintsën yajmo'ojëty.

Éxodo 35:22 ပူးပေါင်းရင်းမြစ်များ

Mateo 2:11

Ko tyëjkëtyë tëkoty, japts tpatë ja mëxu'unk Jesús mëët ja tyaak Maria. Tääts twinkuxtënaaytyë ets twintsë'këtë ja mëxu'unk. Ënet tyaj'ëwatstë ja y'apëjkënëty ets tmooytyë ja wyintsë'kën: ja pu'ts pujxn, poom ets ja pa'akxu'kpë nëë mëti'ipë mirra xyëëwajtypyën.

Ezequiel 16:11

tääts ojts mpëjktakëmë yë mkë'ëjän, mtatsktëy ets mnantsëm;

Isaías 60:13

Jëtu'un yë Wintsën t'ënëmaay yë Jerusalén: Jam yë mwit meeny tsyoona'any Líbano: Oykyepy, tsiin kepy ets ajë kepy mëët yaj'oytyunëty yë ntsajptëjkës, ets oy kyëxë'ëkëty maas nnajtswa'akëja'anyën.

Isaías 60:9

May kepy nëëwinye'epyë miintëp, mëti'ipë tso'ontëpën Tarsis, yë'ë tsyëëmiintëp yë m'u'unk m'ëna'k, mëët yë poop pujxn ets pu'ts pujxn, ets tukwintsë'ëkëja'antë yë mWintsën, mëti'ipë wa'ats Tios'ajtpën ma Israel ja'ayëtyën, mëti'ipë myajmëjnajxëpën.

Isaías 3:19

yo'kjän, kë'ëjän,

Éxodo 32:3

Ënet ja ja'ayëty t'amëtoowtë ja tyo'oxytyëjkëty ja pyu'tspujxn tatsktëy ets ojts tukninëjkxtë ja Aarón,

Éxodo 32:2

Tä ja Aarón ojts y'ëtsoy: Amëtowtë yë mto'oxytyëjkëty ets m'u'unk m'ëna'këty yë pyu'tspujxn tatsktëy etsës yaa xytyuknimintëty.

Éxodo 35:21

E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënety tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy.

Éxodo 35:23

Mëti'ipë myëët'ajtëpën ja wit mëti'ipë ja y'ujkën tsu'unk, uky, tsapts ets mëti'ipë yajtijpën oywyit, näjyëtu'un mëti'ipë myëët'ajtëpën ja tsajppaxni'ak, kupixyny ayääkë ak mëti'ipë ënety tëë wyatsnën tsapts, ojts tmëmiinta'atë.

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

2 Crónicas 29:31

Ënet ja Ezequías t'ënëmaay ja ja'ay, miitsëty tëë tyam ja näypyuj näjyä'ätsë xypyaatë, mëmintë ets tukmëjjawëtë ënät ja mWintsënëty mëti'ipë yë'ë patëpën ets xyajnaxtëty ja kukkajpxën ja'awëkyëtakkën. Ënet ja naax kajpn ojts tukwintsë'ëkëtë ja Wintsën mëti'ipë ënety të myo'ojëtën, mëti'ipë ojts tukwintsë'ëkë ja Wintsën ja jëyujk'ooky nino'okpyë nixämpyë.

Proverbios 25:12

Jëtu'un tä kë'ëjiitsën ets nantsëmën mëti'ipë wa'ats pu'ts pujxn myëët'ajtypyën, jëtu'un nyäxy ko tii nyajtukmëkajpxmëty ets nyajtuk'ënëmä'ämyëty, ets oy nkupëjkmëty.