Éxodo 35:21 - Biblia Dc en Mixe de Quetzaltepec

²¹ E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënety tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy.

Biblia Mixe de Quetzaltepec

²¹ E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënäty tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy.

Éxodo 35:21 ပူးပေါင်းရင်းမြစ်များ

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

1 Crónicas 29:14

jää ko ëjts ets nnaax nkajpnës nitiijës nkakëjxm'atë ets mijts tii nmo'o nkäxtëty mëjwiin këjää. Aakmijts winë mjä'ä'ajtääpy, mëti'ipës yam wäänë nyajktëpën yë'ë mëti'ipës mijts të xymyo'otën.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Dios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënety ja jyot wyinma'any y'ëna'antën.

Éxodo 35:26

Näyjyëtu'un ja to'oxytyëjkëty mëti'ipë ënety janty'oy winë yajkojtëpën ojts ja jyot wyinma'any y'ëwa'atstë ets tpi'të ja kupixyny jëmk.

Éxodo 35:5

Pënjaty ja y'ayajk y'ako'onën kyë'ëyakäämpyën ma Tiosën, mëët ko jëtu'un ja jyot wyinma'any tyajja'ty ets ko jëtu'un tuknipëjktaakë winë aaw winëjot. Ya'atë mëpaat xyaktë: pu'ts pujxn, poop pujxn, tsuxkpujxn,

Éxodo 36:2

Ënet ja Moisés ojts tyaxtsoy ja Besalel, ja Oholiab ets nitëkokyë ja ja'ayëty, jënu'un ënety tukjatën winë oy tyaj'oyëtëtyën, mëti'ipë ja Dios të myo'ojëtën ja wijyajtën kujk'ajtën ets ixpëkyajtën; ma ënety kë'ëm të nyäy'ëwaanëtën ko pyutëkëja'antë ma ya'atë tuunk tyu'uye'eyën.

Éxodo 35:22

Yä'äy to'oxy winë tmëmiintë winë'aaw winëjot, ojts tmëmintë kë'ëjiits, kë'ëjän, tatsktëy, nantsëm ets wiinkëtypë, aak pu'ts pujxn mëët y'oytyunyëty. Tu'uktu'uk yë ja'ayëty ojts tmëmintë yë pyu'tspujxn, jëtu'un ijxtëm ënety pyaat'atyën ja Wintsën yajmo'ojëty.

2 Corintios 9:7

Nitu'ukjaty xyaktëty mtsojkënkyëjxm ijxtëm të xytyukniwinmayëtën, ka'ap mäjtsk aaw mäjtsk jot ëkë ka'ap y'akwanëty, jä'ä ko Dios tsyojkpy yë ja'ay mëti'ipë jotkujk tii yäjkpyën.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënety ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

1 Crónicas 29:9

Ja ja'ay ojts mëk tukxoonta'aktë, ko ja yajkpë këpäjtpë tmëmintë ja y'ayajk y'ako'onënëty winë aaw winëjot, tukmëyoxtë ja Wintsën. Ja yajkutujkpë David janty jotkujk nyäjya'awëyë.

1 Crónicas 29:3

E ëpëky ma winë të nyajmujkpyësën mëti'ipëjaty tunaanpën ma ja Dios ja jyëën tyëjk kyoja'anyën ets mëët ko oyës ntsoky ets ja jyëën tyëjk kyojëty; tyamës ëpëky nyajkpë mëti'ipës kë'ëm ntimyjä'ä'ajtypyën ya'atë pu'ts pujxn ets ya'atë poop pujxn:

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

1 Crónicas 28:2

Ënet ja David wya'akë'ky ets y'ënäny: Mëtoow'ijtëkës jëëkyëty mëku'ukëty ets miits naax kajpnëty: Ëjts jä'äs ënety të nmay të ntajy nkoja'anyës tu'uk yë tëjk ma Wintsën yë kyaaxë yajpëjkta'akëtyën ma xëmë y'itëtyën ets jam yajkutukëty; e tëëtsës ënety njanipëjktakëtyä'äy tiijaty tunaanpën.

2 Samuel 7:27

Mijts Wintsën mëti'ipë maaytyääyëpën winë, oy koos të xytyuknijawë ko ëjts ja nkutujkën xëmë xyaj'itanë; e paaty ëjts, oyës xy'ëktuunpë'aty, n'amëtowa'any mpëjktsowa'anyës.

Jueces 5:12

Débora pëtë'ëk, Débora pëtë'ëk Pëtë'ëk ets ëw ya'atë ëy yä'äxy Ets mijts Barac yë myaank yë Abinóam pëtë'ëk ets mënëjkx yë mtsumjyä'äy.

Jueces 5:9

Ëjts n'oyjya'ap ntsuja'apës yë ja'ayëty mëti'ipë nyikopk'ajtëpën yë Israel kajpn, ja ja'ayëty mëti'ipë ja aaw ayuk ojts poj'am tja'akyukëtën ko yajyaxtsoowtë ma ënety ja tsip y'ityën. Paaty xoonta'aktë ënät tyam jam Dios wintum.

Jueces 5:3

Mëtoow'ijtëkës miits yajkutujkpëtëjkëty. Mëtoow'ijtëkës miits ënä'ämpëtëjkëty. Yë Wintsën yë'ëjës yam mwin'ëwäämpy. Yë Dios mëti'ipë yë Israel ja'ay Tyios'ajtëpën, yë'ëjës yam nmo'ojäämpy ya'atë ë'ëwën yaxën.

Éxodo 35:20

Tä ja mayjyä'äyëty ojts jam tsyo'ontaaynyëtë ma ja Moisésën.

1 Crónicas 29:8

Näyjyëtu'un mëti'ipë ënety myëët'ajtëpën ja oyjyätyëtypë tsaa ojts tkë'ëyaktë ma ja ja'ay jam tnikoonpät tnipëjkpätën winë ma Wintsën ja jyëën tyëjk kyoja'anyën, yë'ë ojts yajtuknipëky tyajmukëty yë Jehiel, Guersón yë jyä'äy.

Esdras 2:68

Ojts ja kopktëjkëty jam jya'të, mëti'ipë ojts tyaktën kë'ëmwinma'any ja wit meeny ets jam tyunëty ma ja Wintsën ja tsyajptëjk ënety yajkoj'oyëjä'änyën jam Jerusalén.