Éxodo 34:7 - Biblia Dc en Mixe de Quetzaltepec

⁷ Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Dios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Biblia Mixe de Quetzaltepec

⁷ Oy kanaak xëëw kanaak jëmëjt nyaxëty, jyuuky'atëty yë ja'ayëty ets y'ooktëty, wiinkpë myintëty naaxwiiny, yë Tios xëmë tkuuytyuna'any yë y'aaw y'ayuk ets tsyojkën jya'awën xëmë y'ita'any. Näyjyëtu'un ja poky këtyey tnime'kxy e yë'ë ka'ap jëtu'unyë tyajninaxa'any ja mëti'ipë pokymyëëtën, jä'ä ko ja tëytyu'unën jam ja tyajnaxy ma ja u'unk ëna'kën, ok u'unk ok ëna'k ets ma ja y'u'unk y'ëna'këty ja ok u'unk ok ëna'k.

Éxodo 34:7 ပူးပေါင်းရင်းမြစ်များ

Génesis 19:16

E yë Lot jaakpoxp ënety, paaty myajtsë kyë'ëkëjxm yë tsajpjotmëtë kukäjpxy. Jä'ä ko yë Wintsën myëët'ajtyp ënety yë pa'ëyo'owën najts'ëyo'owën ma yë'ëjën. Ënet ojts näjyëtu'un yë tyo'oxytyëjk ets nimäjtskpë nyëëx yajmatstë kyë'ëkëjxy ets pyëtsëëmtë jam kajpnjotm ets tsyoktë.

1 Reyes 8:30

Mkupëkëp ets mëtowëp ya'atë ayuk mëti'ipë ya'atë mtuunpë yajnajxypyën ets ja naax kajpn ja jyä'ä ma ya'atë tsajptëjkën. Mëtoow'itëp ja jëëytyak nu'kxtakën jam tsajpjotm ma m'ityën mtsëënën ets mooykyës pokymyä'kxën.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

2 Crónicas 30:9

Pën miitsëty mja'amyäjtstëp ja mWintsën Dios, mpa'ëyowanëtëp yë'ë ets tyuktëkëjäämpy ja yajkutujkpëtëjk mëti'ipë të tmatstën ja mjëëky mmëku'uk ets tnajtsmatsëtëty ets tpaatëty jatëkok ja nyaax kyajpnëty, jä'ä ko yë Wintsën pa'ëyoop najts'ëyo'owëp yë'ë, ka'ap jëtu'unyë mnajts'ixëja'anëtë pën myajwinpijtëp ja mjot mwinma'anyëty.

Nehemías 1:5

Ënätës n'ënëmaay: Dios mëti'ipë ijtpën tsajpjotm, ja mëjpë jaantypë ets kutsë'ëkëpë, ko xypyatuny ja mkäjxytyu'unën ma ja ja'ayën mëti'ipë mtsojkëpën ets pyatuumpyën ja m'ënä'ämën mtëyajtën;

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Job 10:14

je'eyëtëmës ënety xy'ixy xytyuny pën maas n'ëkpokytyuny ets jëtu'unës xytyiytyuna'any koos ënety muum ntëkoy.

Salmos 103:3

Yë'ëjës xypyokywyinmä'kxp maas winë oy nkatunyën ets yë'ëjës xyajtsokp koos jëna'ajëty npëkyë n'ixyë.

Salmos 109:14

Wä'än yë Wintsën tja'amyetsy wi'ix yë tyeety ojts tyuuntëkoy kyajpxtëkoyën, ets ka'ap nijëna'a tjo'tsëty ja tyaak ja nyëë pyoky.

Salmos 130:4

E mëët yë'ë ko jam ma mijtsën npaatës yë pokymyä'kxën ets myajmëjjawë.

Salmos 136:10

Mëti'ipë ojts tyaj'o'kta'ayën ja kä'äxkopktëjk ma ja y'u'unk y'ëna'kën ja Egiptë ja'ayëty, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 136:15

Mëti'ipë ojts tyajji'kxta'ayën ja faraón ja tyuunpë ma ja Tsaptsmejyën, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 25:11

Wintsën, mëj këjääjës yë ntuuntëko'oy nkajpxtëko'oyën, pokymyä'kxkës, yajmëjnax yë mxëëw.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 99:8

Wintsën mëti'ipë ëëtsëty nTios'ajtëpën, mijts ojts xy'ëtsoy. Jä'ä ojts mijts mTios'aty pojkpëmä'kxpë ma yë'ëjëtyën, je'eyëp ko ojts näjyëtu'un xytyiytyuny ko muum tyëkooytyë.

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 23:7

Këtii xymyëpëkëty mëti'ipë je'eyë myëku'uk wiinkjaty nyikäjpxyp nyimëtyäkpyën. Këtii xyaj'ookëty mëti'ipë ka'ap tii poky tmëët'atyën; jä'ä ko mëti'ipë pokymyëëtën ka'apës nnikajpxa'any ko ka'ap pyokymyëëtëty.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Isaías 45:21

Kajpxtë ets aakmëët nyiwa'kpäjn tii xynyimëtya'akëty, pën m'ënantëp näyajtëwëtë nixim niyam. ¿Pën ojts ëka'any ya'atë jëtu'unpë tnikäjpxy? ¿Pën ojts mtuk'ixëtë tëëyëp? ¿Këtii y'ëjtsëtyë, maas nxëëwatyën Wintsënë?. Ka'ap ma wiinkpë Dios jëtu'unpë tä ëjtsën. Ka'ap maa wiinkpë Dios mëti'ipë mëtakpën tsipjoty ets mëti'ipë yajnitsokpën.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Daniel 9:4

Ets ja Wintsën të nmëkäjpxyës, jëtu'unës të nmëmaaywyätsy: Wintsën, Dios mëti'ipë maaytyääyëpën winë, mëti'ipë pyatuumpyën mëti'ipë të nikäjpxyën ets myajk ja ijxpät ko mijts mtsoky mjawë ma ja'ayëtyën mëti'ipë pyatuuntëpën ja m'ënä'ämën mtëyajtën:

Daniel 9:9

E mijts Wintsën, mëti'ipës n'ëwtajtëpën, mijts tam xymyëëtëty yë poky nyimä'kxën ets pa'ëyo'owën najts ëyo'owën. Ëëtsëty wa'atsës nijawëtë ko tëë njanty kyäjpxykyumëtoownaxtë

Miqueas 6:11

¿Wi'ixës npokymyä'kxëty mëti'ipë ka'ap tii mëtëy tkijpxyën?

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Nahúm 1:6

¿Pën ëkwintänëjanëp ko jyoot'anpëky? ¿Pën y'ëkmëmëta'akäämpy yë y'äkë? Jëtu'un jyäjy tä jëënën ko jyoot'anpëky, ma yë'ëjën jëtu'unyë ja tsaa kyë'ëtswä'kxy.

Mateo 12:31

Paaty miits n'ënëëmëtë ko yë Dios pyokynyimä'kxäämpy yë ja'ay ma winë t'ëëwtëkoy tkajpxtëkoyën; yë'ë tëy ka'ap tnimä'kxa'any mëti'ipë ja Kënu'kxymyëkajtën myëkajpxtëkoopyën.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Lucas 7:42

e kä'äp ojts t'ëkëpäjnëtë ja nu'kxy, paaty ja yajmeenynyu'kxpë ojts tnime'kxy ja mëti'ipë mënu'kxy'ajtëpën nimäjtskëty. Nikajpx ënät tyam, ¿pën jëtää ni'ik tsojkëp?

Lucas 7:48

Ets t'ënëmaay ja to'oxytyëjk: Tëë yajme'kxy yë mpoky.

Hechos 13:38

Miits, mëku'uktëjkëty, jä'äkyëjxm miits ntuk'ëwaanëtë ya'atë ets xynyijawëtëty ko Jesúskyëjxm ja'ay yajkpokymye'kxy.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Deuteronomio 32:35

Jääjës yë ntuknipëjktaakë nyajpëtsëma'any, koos ënety ntuunwinpity, mëët wi'ixës ja y'ëxëëkjot y'ëxëëk winma'any të xytyuk'ixtën, ets ko ënety o'ktëy jyajnëtë kyëpäjnëtë. E timwinkoonp ma ënät kyutëkooytya'atëtyën, tyimpatyp ja xëëw po'o.

Deuteronomio 7:10

E mëti'ipë ëxëëk'ijxëpën, poj'am tyajkutëkoy. Yë'ë ka'ap tyajpo'oxy ets tukukëpety ja ja'ay mëti'ipë ëxëëk'ijxëpën.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Dios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Apocalipsis 21:8

E mëti'ipë ja mëpëjkën y'ëxmajtsypyën, mëti'ipë ka'ap kyäjpxyjä'äykyukën, ja ka'oyjyä'äyëty, yaja'ay'o'kpëtëjkëty, ka'apë nyiye'etyëjk nyito'oxytyëjk twinkutsë'ëkën, xëëwmääpyëtëjkëty, mëti'ipë awinax y'ëwtajtëpën, ets tëkokyë win'ë'ëmpëtëjkëty, jap nëjkx nyëjkxtë ma ja mejy tyoyën mëët ja azufre, ja mëmäjtskpë ja o'kën.