Éxodo 34:6 - Biblia Dc en Mixe de Quetzaltepec

⁶ Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Biblia Mixe de Quetzaltepec

⁶ Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Tios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Éxodo 34:6 ပူးပေါင်းရင်းမြစ်များ

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

2 Samuel 24:14

Ets ja David t'ëtsooy ja Gad: Ëjts Jotmayjyotyës tyam nyajpaaty, ni'ik oy ko yë Wintsën yë'ë xytyiytyu'unëtyës ets këtiinëm ko yë'ë nmëtsipës.

1 Reyes 19:11

Ets ja Wintsën ojts y'ënë'ëmxëty: Pëtsëm jap tëja'p ets xywyinkuwa'akëtyës jam kopkkëjxm. Tam ënety jëtu'un yajpaaty kopkkëjxm ko ja Wintsën jam nyäjxy mëët yë mëkpoj, tyimkë'ëtswa'kx ja kopk ets ja tsaa piw nuuk tuuntaay jam Wintsën wyintum; je'eyëp ko ja Wintsën ka'ap ënety jap yajpaaty pojjoty. Ko jëtu'un y'ëknajxy ja mëkpoj tä ojts ja naaxwiinyëtë tyëkë yu'kxpë, mëk jyänty yu'kxy, je'eyëp ko ja Wintsën ka'ap ënety jap yajpaaty.

1 Reyes 8:30

Mkupëkëp ets mëtowëp ya'atë ayuk mëti'ipë ya'atë mtuunpë yajnajxypyën ets ja naax kajpn ja jyä'ä ma ya'atë tsajptëjkën. Mëtoow'itëp ja jëëytyak nu'kxtakën jam tsajpjotm ma m'ityën mtsëënën ets mooykyës pokymyä'kxën.

2 Crónicas 30:9

Pën miitsëty mja'amyäjtstëp ja mWintsën Dios, mpa'ëyowanëtëp yë'ë ets tyuktëkëjäämpy ja yajkutujkpëtëjk mëti'ipë të tmatstën ja mjëëky mmëku'uk ets tnajtsmatsëtëty ets tpaatëty jatëkok ja nyaax kyajpnëty, jä'ä ko yë Wintsën pa'ëyoop najts'ëyo'owëp yë'ë, ka'ap jëtu'unyë mnajts'ixëja'anëtë pën myajwinpijtëp ja mjot mwinma'anyëty.

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

Salmos 108:4

Yë mtsojkën mja'awën ni'ik yë myëjëty këtiinëm jyëtu'unëty yë tsajp. Ko mijts winë tëyajtën xytyuny, jampaat jyä'ty ma tsuxk tsajpën.

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Salmos 111:8

jä'ä ko xëmëkyëjxm ta'tspëky y'ity, yë y'ënä'ämën jä'ä y'oytyunyëty mëët yë tëyajtën jaanty'ajtën.

Salmos 112:4

Jëtu'un jyäjy tyi'kxy tä jëënën akootstuuy ets yajkutë'kxtë ja ja'ay mëti'ipë oy juuky'ajtëpën, mëti'ipë pa'ëyoopën, mëti'ipë oy nipaye'epyën ets mëtëy winë tuny.

Salmos 116:5

Yë Wintsën, wa'ats yë'ë ets pa'ëyoop najts'ëyo'owëp, yë Dios janty'oy yë jot winma'any tmëëtëty.

Salmos 138:2

Japës nkoxtanëja'any ma mtsajptëjkën, etsës nkukajpxëja'any yë mtsojkën mja'awën ets mtëyajtën, jä'ä ko yë mxëëw ets m'aaw m'ayuk tëë mijts xypyëjktä'äky ets mëj'äämpy y'itëty ma tëkokyë winë yajpaatyën.

Salmos 145:8

Yë Wintsën janty'oy jot winma'any tmëëtëty, ets pa'ëyoop najts'ëyo'owëp, mä'kxtujkp ets tsojkp ja'ap.

Salmos 146:6

Yë'ë yajkoj ja tsajp ets naax, yë mejy ets tu'kë'ëyë mëti'ipë yajpatp ma yë'ëjëtyën, mëti'ipë nyikäjpxypën, jä'ä tyuunpy.

Salmos 31:19

Janty mëj yë m'oyjot m'oywyinma'any xyajnikëxë'ëky ma ja'ayëtyën mëti'ipë mtukxoontakëtëpën. Jëtu'un xypyëjkë'ëky tä yë wit meenyën, ets wa'ats xytyuk'ixy xytyuknijawë ko xyajwä'kxy yë m'oyajtën ma ja'ayëtyën mëti'ipë ëmuumtu'ukjot mtuk'ijxpäjtëpën.

Salmos 57:10

Jä'ä ko yë mtsojkën mja'awën jëtu'un myëjëty tä tsajpën; yë mtëyajtën mjaantyajtën jyëkyejpy mëët n'ijxkijpxmëty yë tsuxk tsajp.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Salmos 91:4

yë'ë mnikë'ëjan mnixajanëp mëët yë kyäkn, ets ko jam myajpaatëty ma yë'ëjën, akujk jotkujk m'ita'any. Yë tyiyajtën ets wya'atsajtën yë'ë m'axajtukanëp tä tu'uk yë pujxn y'akëëytyukyën.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Éxodo 22:27

Jä'ä ko wi'ix nija'awëmëty wä'änxyëp ënety yi'iyë tu'uk twit'aty, mëti'ipë nätyukniju'uxëpën e ko xykyamo'ojëty ¿tii nëjkx tnatukma'ay? Ko nëjkx xy'amëtoy xypyëjktsoy ja putëjk pupäjtën, yë'ë nëjkxëp mputëkë, jä'ä ko ëjts nnija'apës wi'ix ja'ay pya'ëyoy nyajts'ëyowën.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Proverbios 3:3

Këtii nijëna'a xymyajtstu'utëty yë nätsyok näjyawë ets tëyajtën, jëtu'un xymyëët'atëty tä nantsëmën, yajwë'ëm akëpäjky ma mjot mwinma'anyën,

Eclesiastés 8:11

jä'ä ko mëët ko ojts jëtu'unyë nyayaj'ijxninaxy ja nyëë pyoky mëti'ipë ënety të tuuntëkoyën ets ka'ap ënätyë yajtukumëtooy, yë naaxwiinyëtë ja'ay xëmë ëxëëk tuun'ëtë'ëtsa'any.

Isaías 12:4

nëjkxëp m'ëna'antë: Kukajpxëtë ja'awëkyëta'aktë yë Wintsën ets mëkajpxtë, nikajpx nimëtya'aktë ma ja naax kajpnën mëti'ipë yë'ë të tuny të tkäjpxyën, tuk'ëwaanëtë ko yë'ë maaytyääyëp winë ets ko ni pën kyajëtu'unëty tä yë'ëjën.

Isaías 65:16

Ko ënety pën ma naax kajpnën t'amëtoy ja näkyënu'kxë, Dios y'amëtowëp, mëti'ipë tëyajtën winë tyuunpyën; ko ënety pën tii tnikajpxa'any ëkë tnikajpxpäta'any, Dios nëjkx ja xyëëw tkajpxpatëyë, mëti'ipë tëyajtën winë tyuunpyën. Ja ëyo'on jotmay mëti'ipë ënety të y'ityën, nëjkxëp yajja'atyëkooytyääynyë, ets ka'ap nëjkx maa y'ëkyaj'ijxnë.

Jeremias 32:18

Kanaak najtskä'äxë mijts ja mtsojkën mja'awën xyaj'ity, je'eyëp ko mtëytyuunpy ja ja'ay mëti'ipë tyeety tyaak pyojkpyën. Dios mëjpë ets mëti'ipë maaytyääyëpën winë, jä'ä mijts mxëëwajtyp Wintsën mëti'ipë maaytyääyëpën winë.

Jeremias 9:24

Pën nämyëjjawëjanëp, yë'ë nätyukmëjjawëtëp koos ëjts xy'ixy'äty ets koos ëjts nWintsën'aty, koos ëjts winë ntuny mëët ja tsojkën ja'awën, ja nipaye'eyën ets ja tëyajtën, yë jëtu'unpë yë'ëjës ntukxoontäkpy.

Lamentaciones 3:23

Jopy jopy y'ajämë; mëjwiin këjää yë tsyojkën jya'awën.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Jonás 4:2

Tä ja Dios ojts tmëkäjpxy ets t'ënëmaay: Ëk'ix Dios, ëjts tim ënaanpës jëtu'un, ko ënety jëtu'un jyata'any kyëpäta'any, ka'anëm ënety jam ntsoonyës nkajpnjotmës. Paaty ojts jam n'ëknëjkxpës Tarsis, jä'ä ko nija'apës ko mijts yu'unk naxym mTios'aty ets poj'am mpa'ëyoy; mijts ka'ap pojën mjoot'anpëky, ni'ik yë mtsojkën mja'awën kyëjääjëty; oy ja tëytyu'unën të xyanikäjpxy mpa'ëyoopy jatëkok ja pokyjyä'äy.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Romanos 2:4

Mijts m'ixtijpy ja Dios ja y'oyajtën, ja mä'kxtujkën ets ja y'oywyinma'any, ets ka'ap xyjyawë ko yë'ëkyëjxm jëtu'un m'awinpity tä yë'ëjën

Deuteronomio 32:3

Yë'ëjës yam nikajpxäämpy yë Wintsën yë xyëëw, ets xynyijawëtëty ko yë Dios mëj këjää yë winë tuny.

Deuteronomio 4:31

Yë'ë mëët yë y'oyjyot y'oywyinma'any nëjkxëp mpa'ëyowëtë; ka'ap tu'ukyë m'ëxmatsa'anëtë ets ka'ap nëjkx myajkutëkooyënëtëpë. Ka'ap tja'atyëkoyä'äny ja käjpxytyu'unën, mëti'ipë tyuunën mëët yë m'ap m'okëty ko y'ënäny ko kopkpëky ko tuna'any.

Deuteronomio 5:10

E mëti'ipës xytsyojkp xyjya'apën ets pyatuumpy ja n'ënä'ämënës ntëyajtënës, mëkës ntsoky njawë ets ka'ap tsyojk'amëty, kë'ëyxyëëw kë'ëyjyëmëjt jëtu'un.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.