Éxodo 34:5 - Biblia Dc en Mixe de Quetzaltepec

⁵ Ënet ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Biblia Mixe de Quetzaltepec

⁵ Ënät ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Éxodo 34:5 ပူးပေါင်းရင်းမြစ်များ

Salmos 102:21

ets jam ma Sión kopkën, ma Jerusalén kajpnën, yajnikajpxëty ets yajmëjpëjkta'akëty yë Wintsën yë xyëëw

Éxodo 19:18

Jam ma ja kopkën jok jam yaj'ijxp pyëtsimy, mëët ko ënety ja Dios jam të kyëtä'äky jëënjoty. Ja jëënjok jam jantypëtsëëmp kopkkëjxm tä jëëntooytyaknjoty yë jëënjok pyëtsimyën ets ja kopk janty yu'kxtsënääpy.

Éxodo 19:9

ënät ja Dios y'ënëmaayë: Ëk'ix, yootsjoty yam mijts nmëëtmëtya'aka'any ets ja naax kajpn tmëtoow'itëty, ko ënety mijts nmëmëtyä'äky, jëtu'un'äämpy ja ja'ayëty mwinkutsë'ëkëtëty ets mtuk'ijxpätëtëty. Yë Moisés ojts niwinpity ja aaw ayuk ma Wintsënën, ijxtëm ënety ja naax kajpn të y'ëtsoowinpityën,

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 33:19

E yë Dios tyaa y'ëtsooy: Tëkokyës yë n'oyjot n'oywyinma'any mijts yam nmo'ojäämpy ets mijts mwintuuy nikajpxa'anyës yë nxëëwës. Npa'ëyowëpës pën ënety npa'ëyowäämpyës ets nnajts'ëyowëpës pën ënety nnajts'ëyowëjäämpyës.

Éxodo 33:9

Ko ja Moisés jap tyëkë ma ja wit tëjkën, ja yoots nëma'a ënätyë nyäpyëjktakta'ayë jam tëjknëkëjxm, jä'ä y'aju'uxtujkpy ja tëjkëtyakn ko ja Dios myëtyä'äky mëët ja Moisés.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

Deuteronomio 32:3

Yë'ëjës yam nikajpxäämpy yë Wintsën yë xyëëw, ets xynyijawëtëty ko yë Dios mëj këjää yë winë tuny.

1 Samuel 3:18

Ënet ja Samuel tyëjkëy mëtyakpë, wa'ats tuk'ëwa'anëtyääy ja Eli. Ets ja Eli y'ënäny: Dios yë'ë Wintsënajtp. Wa'ats ttuny mëti'ipë yë'ë y'oyjya'apën.