Éxodo 34:29 - Biblia Dc en Mixe de Quetzaltepec

²⁹ Ënet ojts ja Moisés jam tsyo'onë ma ja Sinaí kopkën, mëët mäjtsk ja tsaatsetsy ma tkëxjaayën ja ënä'ämën tëyajtën, ko jam kyëtäky ma ja kopk'ëjxën, ka'ap ninu'un tja'awëy ko ja wyiin jyëjp atë'kxp, mëët yë'ëkyëjxm ko ja Dios ënety mëët të myëtyä'äky.

Biblia Mixe de Quetzaltepec

²⁹ Ënät ojts ja Moisés jam tsyo'onë ma ja Sinaí kopkën, mëët mäjtsk ja tsaatsetsy ma tkëxjaayën ja ënä'ämën tëyajtën, ko jam kyëtäky ma ja kopk'ëjxën, ka'ap ninu'un tja'awëy ko ja wyiin jyëjp atë'kxp, mëët yë'ëkyëjxm ko ja Tios ënäty mëët të myëtyä'äky.

Éxodo 34:29 ပူးပေါင်းရင်းမြစ်များ

Mateo 17:2

Ma ënety jam jëtu'un yajpaatën ënät ojts ja Jesús tyëkatsy. Ajajp atë'kxp ja wyiin jyëjp ijxtëm ja xëëw y'änyën ets ja wyit ojts pyoopë ijxtëm ja ajajkën.

Lucas 9:29

Ko ja Jesús ënety ja Dios jam tmëkäjpxy, tääts ja wyiin jyëjp tyëkajtsy ets janty ajajp atë'kxp ja wyit yaj'ixy.

Éxodo 32:15

Tä ja Moisés ojts jam tsyo'onë kopkkëjxm, tam ja tsaatsetsy mäjtsk tkë'ëkë'ëy'äty, mëti'ipë aak tsaajën, ma ja ënä'ämën tëyajtën jam kyëxja'ayëtyën.

Apocalipsis 1:16

Wëxtujk ja matsa'a tmajts'ity ma y'a'oykyë'ëjën. Y'aawjoty jap yaj'ixy pyëtsimy ijxtëm tu'uk ja tëypyujxnën mëti'ipë mäjtsk atu'um mye'eyëtyën ets ja wyiin jyëjp jëtu'un yaj'ixy ijxtëm ja xëëw mëk y'änyën.

2 Corintios 3:13

Ka'apës jëtu'un n'ëtë'ëtstë ijxtëm ja Moisés ijty nyäwyinkuwitsëtyën ets ja Israel ja'ayëty ka'ap t'ixtëty ja ajajk atë'kxk mëti'ipë këxaanp naxaanpën.

Apocalipsis 10:1

Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Hechos 6:15

Tam ënety jëtu'un y'ëna'antë, ko ja yajjuntë'ajtpë t'ijxtë ko ja Esteban ja wyiin jyëjp tyë'kxpëky ijxtëm ja Dios kukäjpxy.

Juan 5:13

E ja ye'etyëjk ka'ap tnijawë pën ojts yajtso'okyë, jä'ä ko ja Jesús ojts ye'eytyëkoy mayjyä'äyjoty.

Hechos 12:9

Tääts ja Pedro tpatso'ony ja tsajpjotmëtë kukäjpxy, ka'ap tnijawë pën tëy mëti'ipë ja tsajpjotmëtë kukäjpxy tyuunpyën, jëtu'un nyäjyawëty wiinkumaap yowë.

Hechos 23:5

Tääts ja Pablo y'ëtsooy: Mëku'uktëjkëty, ka'apës nijawë pën yë'ë teety wintsën, jëtu'un ja Dios ja y'aaw y'ayuk y'ënä'äny: Këtii xypyokëty mëti'ipë yajkutujkpën ma ja mnaax mkajpnën.

Lucas 2:49

Tääts ja Jesús y'ëtsoowëtë: ¿Tii koos xy'ixta'atë? ¿këtii xynyijawëtë ko kopkpëky etsës yaa nyajpaatëty maajës ja nteety ja tyëjkënë?

Marcos 9:6

Paaty ja Pedro ojts jëtu'un y'ënä'äny jä'ä ko tëë ënety tsyë'ëkëtë, ka'ap y'ëkwinma'anypyatnëtë wi'ix t'ënëëmëtëty ja Jesús.

Jueces 16:20

Tääts ja Dalila mëk jyänty yujk'ënany: Sansón, yë filistejë ja'ay majtsëp. Yë Sansón ënätyë ojts jyawijnë jëtu'un tjëjp'ixy jatëkok nyäyajtso'oka'anyë tä ënety të y'ëktsokpën, e ja Wintsën tëë ënety nya'ëxmajtsënë.

Josue 8:14

Ko ja yajkutujkpë t'ijxy mëti'ipë jam ënä'ämpën Aí, ënät ojts ënätyë twoowmujkta'ay ja tsyiptuunpëtëjk ets tnitso'ontë ja Israel ja'ayëty. Tninëjkxtë jam joyjyotm ma ja Jordán mëët nyämyëwyinkon'atyën, ni tkanijawë pën jam ja wiinkpë yu'utsy yajpaatë kajpn jëxkë'ëm.

Josue 2:4

Ko yë Rahab jëtu'unpë aaw ayuk nyimiinë, ënät ojts poj'am tyu'utsy ja nimäjtskpë ja Israel ja'ayëty jam tëjkëjxm ets yaj'ëtsoowtë ja ja'ayëty mëti'ipë ënety ja aaw ayuk myëmiintëpën: Tëyajtën, tëëjës yë ja'ay xyjyänty nyimintë ya'atë xëëw, ëjts tiijës n'ëktuknijawëp maa tsyoontë.

Marcos 14:40

Ko ojts wyimpity ma ja y'ijxpëjkpëtëjkën, maatëp jatëkok tpaty, jä'ä ko nëkoo ënety mya'ajanëtë ets ka'ap tnijawëtë wi'ix y'ëtsowtëty.

Éxodo 16:15

Yë Israel ja'ayëty ka'ap tnijawëtë tiitën jä'ä, ko t'ijxtë tääts nyäyajtëëwëtë aak yë'ëjëty: ¿Tiitën ya'atënë? Tää ja Moisés y'ëtsoowëtë: Yë'ë tsajpkääky mëti'ipë ja Dios mooyëtëpën ets xyjyë'kxtëty xypyëktëty.

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Deuteronomio 10:5

Ënätës ojts jam ntso'onë kopkkëjxm mëët ja tsaatsetsy ma këxja'ay myinyën ja majkpë ja ënä'ämën. Japës npëjktäky kaaxëjoty, jëtu'un tääjës ënety ja Wintsën të xytyuk'ëne'emyën ets tyampaat tap ja y'ity.

Eclesiastés 8:1

¿Pën y'ëkmëpaatëp yë wijyjyä'äy? ¿Ets pën y'ëkja'aykyukëp wi'ix ko winë tyunyë jyätyë tä yaj'ixyën? Yë wijyajtën këxë'kp ma wiin ma jëjpën; ets oy tyajkëxë'ëky yë wiin jëjp. Ko tmëmëtowtën ja yajkutujkpë

Éxodo 34:35

Ko ja Israel ja'ayëty ijty t'ixtë ko ja Moisés atë'kxp ja wyiin jyëjp, ënät ja Moisés ënätyë nyätyukwinkupëkëty ja wit, koonëm jatëkok jap tyëkë ma ja Dios jap mëët myëtyä'äkyën.