Éxodo 34:25 - Biblia Dc en Mixe de Quetzaltepec

²⁵ Ko xyaktëty tu'uk yë jëyujk tsajpkaa tä tu'uk yë wintsë'kënën, këtii xyaktëty yë ne'pny mëët yë tsajpkääky mëti'ipë tsooymyëëtën tu'kmukyë, ko nyatëkëty ja mëti'ipë ënety të wyintsë'kën'atyën, këtii xypyëjkë'ëktëty ets komjëpom xytyukjëjp'ixtëty ja ëmaayxyëëw.

Biblia Mixe de Quetzaltepec

²⁵ Ko xyaktëty tu'uk yë jëyujk tsajpkaa tä tu'uk yë wintsë'kënën, këtii xyaktëty yë ne'pny mëët yë tsajpkääky mëti'ipë tsooymyëëtën tu'kmukyë, ko nyatëkëty ja mëti'ipë ënäty të wyintsë'kën'atyën, këtii xypyëjkë'ëktëty ets komjëpom xytyukjëjp'ixtëty ja ëmaayxyëëw.

Éxodo 34:25 ပူးပေါင်းရင်းမြစ်များ

Éxodo 23:18

Ko mijts xytyukwintsë'ëkëty yë jëyujk, këtiis xytyukwintsë'ëkëty yë nye'pny tu'ukyë mëët yë tsajpkääky mëti'ipë tsooymyëëtën ets këtii xypyëjkë'ëkëty yë y'on ma ja komjëpompën.

Éxodo 12:10

Nitii xykyayajwë'ëmtëty komjëpom, pën tii ënety wë'ëmpën ënätyë xytyimnino'kojnëtëty.

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Éxodo 29:34

E pën jaaknatëjkëp ja tsu'utsy ets ja tsajpkääky, mëti'ipë kënu'kxyën, mtimnyino'oktëp, jä'ä ko tääpë ni pën mëpaat tkajë'kxy ko kyomjëpom'atëty, jä'ä ko kënu'kxy ënätynyë.

Éxodo 12:20

Nitii xykyajë'kxtëty mëti'ipë tsooymyëëtën. Oy maa mtimjyuuky'atëty, nëjkxëp ja jëtu'unpë ja tsajpkääky xykyäytyë mëti'ipë ka'ap tsyooymyëëtëtyën.

Éxodo 12:8

Jä'ä tsu'um nëjkx xytsyu'utstë ja tsyu'utsy tsyä'äy, yë'ë mëët xyjyë'kxtëty ja aay ujts, mëti'ipë ta'amën ets tsajpkääky ka'apë tsyooymyëëtëtyën ets tsäk.

Mateo 13:33

Ojts näjyëtu'un tyukmëmëtya'akëtë ya'atë ijxpäjtën: Jëtu'un ja tsajpjotmëpë kuttujkën ijxtëm ja levadura, mëti'ipë ja to'oxytyëjk tëkëëk kijpxn tyukmëtijëyën ja tsajpmokway. Ënet ja levadura tuktëjkëtyääy ja jësty.

Deuteronomio 16:4

Wëxtujk xëëw y'itëty nimaa tsooy kyayajpaatëty mëti'ipë jëtsy tyuktijëtijtëpën ma mjëën mtëjkën ets ma mnaax mkajpnën. E ja jëyujk mëti'ipë ënety të wyintsë'kën'atyën ma më''ëka'any ja wëxtujk xëëwpë tsyo'ontä'äkyën, këtii ja nyitsu'uty xyajwë'ëmëty ets komjëpom xytsyu'utsa'anëty.