Éxodo 34:16 - Biblia Dc en Mixe de Quetzaltepec

¹⁶ Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënety tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Biblia Mixe de Quetzaltepec

¹⁶ Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënäty tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Éxodo 34:16 ပူးပေါင်းရင်းမြစ်များ

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

Nehemías 13:25

Ojts mëëtëty yajxon näy'ojyës, ets ojtsës mpoky. Ojts pën nwopyës ets ojts mëti'ipë kyuwaay nkatswijxës ets ojts ntukupëktës ets tnikajpxtëty mëët ja nTios'ajtëmë ja xyëëw ko ka'ap tkupëka'antë ets ja y'u'unk y'ëna'k pyëktëty mëët ja jaaypyaat jaaypyo'kxy ja y'u'unkëty y'ëna'këty mëti'ipë mëët ka'ap ntu'kja'ayajtëmën. Ojtsës näjyëtu'un n'ënëëmëtë:

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënety të pyëktën mëët ja to'oxytyëjkëty jampë kyukajpn'atën Asdod, Amón ets Moab;

Josue 23:12

Jä'ä ko ntsojkpyës ets ya'atë xynyijawëtëty: pën miitsëty majtstutëp yë Dios ets mnäyxyëpiinëtëp mëët tääpë ja'ayëty mëti'ipë të jyaakwë'ëmtën ma miitsëtyën ets mëët mpëjknëtëty m'uknëtëty; yë Wintsën ka'ap nëjkx nijëna'a tyajjëwä'äky tääpë ja'ayëty ma miitsëtyën, ni'ikyë nëjkx jam tyajwë'ëmy ets yë'ë nëjkx ëxëëk myajjat myajkëpätëtë; jëtu'un nëjkx y'itë tä jeexyë tejpxy, po'otejpxy myajtukwoptën koonëm mkëjxta'atëty.

Jueces 3:6

E ja Israel ja'ayëty ja myaankëty ets ja nyëëxëty ojts mëët pyëjknëtë y'uknëtë ja ja'ay ja y'u'unk y'ëna'këty jampë yajpaatën ets yë'ë t'ëwtajtnëtë ja ka'apë tyiosëtyën mëti'ipë yë'ë y'ëwtajtëpën.

Jueces 14:3

E yë tyeety tyaak jëtu'un y'ëtsoowtë: ¿Wi'ix ko jam muum yë to'oxytyëjk xy'ixta'ajaanpë ma filistejë ja'ayëtyën ka'apë yë Dios t'ëwtatën? ¿To'oxytyëjk jëtää yaa ka'ijtpë ma mëkunaax mëkukajpnënë? Yë Sansón y'ëtsooy: Tääpë kiixy yë'ëjës jëtu'un të ntsojkën'aty ets yë'ëjës mpëkäämpy.

1 Reyes 11:1

Ja Salomón ja tamën ënety ja tyo'oxytyëjk, ja yajkutujkpë nyëëx, je'eyëp ko ojts ëpëky wiinkëtypë to'oxytyëjk tsoky tjawë ka'apë tmëkukajpnëtyën, tä yë: Moab ja'ayëty, Amón ja'ayëty, Edom ja'ayëty, Sidónja'ayëty ets Hit ja'ayëty;

Esdras 9:12

Ojts näjyëtu'un mijts xy'ënëëmëtës koos ja nëëxëty ka'ap mëpaat pyëktë y'uuktë mëët yë myaankëty etsës ja nmaankëty nän ka'ap mëpaat pyëktë y'uuktë mëët yë nyëëxëty, ojts xynyikäjpxy ko ka'ap mëpaat yajmëët'aty oy'aaw oy'ayuk mëët yë'ëjëty, koos mëk mëpaat ja jot winma'any nmëët'atës ets ntuk'oy'atëtyës mëti'ipë ja naax kajpn myëët'ajtypyën ets nëjkx jëna'a ntukumaytyës ja n'u'unk n'ëna'këtyës, mëti'ipë xëmëkyëjxm myëwë'ëmtëpën.

Nehemías 10:30

Ets y'ënantë: Ëëtsëty ka'ap niwi'ixtsow nkupëka'antës ets pyëkëty y'uukëty ëëts ja nëëxëty mëët jaaypyaat jaaypyo'kxy ëkë yë'ëjëty mëët ëëts yë'ë nyëëxëty mëët ëëts yë nmaankëty.

Génesis 24:3

Ets nikajpx mëët yë Dios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Jueces 3:5

Ja Israel ja'ayëty jëtu'un ojts jam ja jyuuky'ajtënëty tyajtso'onta'aktë tsyënaaymyuktë mëët ja Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Jueces 8:27

Mëët tääpë pu'ts pujxn mëti'ipë yë Gedeón ënety të tyajmukyën, yë'ë mëët t'oytyuuny tu'uk yë teety wyit mëti'ipë jam pyëjktakën Ofrá, ma kyukajpnëtyën; mëët ya'atë Efod mëti'ipë aak pu'ts pujxnën, yë Israel ja'ayëty ka'ap ojts oy yë Wintsën tmëtuntë, je'eyë ojts nëkoo tyajtsipta'aktë ja Gedeón ja y'u'unk tyo'oxytyëjk.

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

2 Crónicas 21:11

Ojts tkojy tsajptëjk ma ja'ay t'ëwtatën wiink wintsën, jam muum kopkkëjxm; yë'ë ojts ja naax kajpn yajwinma'anytyëkoyë ets ka'ap t'ëkmëj'ijxnëtë ja Wintsën mëti'ipë jamën Jerusalén ets ja y'aaw jyot ojts tyajkëjxtëkooynyëtë.

Nehemías 10:31

E ko pën jyaminëty po'kxënxëëwëtë ajuuy ato'kpë ma ëëts nnaaxëty nkajpnëtyën, nitiijës nkajuyanëtë ets nitii ëëts nkatukmëtooka'antë, oy jyääjëty ma oytiixëëw ntuntësën; näjyëtu'un ko wyëxtujkjëmëjtpätëty ka'ap ëëts nyu'uja'an ntuna'antë ets ja naaxwiinyëtë pyo'kxëty ets nän nimä'kxantëp ëëts ja nyu'kxyëty mëti'ipë ënety të xymyëjuy të xymyënu'kxtësën.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.