Éxodo 34:13 - Biblia Dc en Mixe de Quetzaltepec

¹³ Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Biblia Mixe de Quetzaltepec

¹³ Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Éxodo 34:13 ပူးပေါင်းရင်းမြစ်များ

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

Éxodo 23:24

Këtii näjyëtu'un winë ëxëëkjaty xytyunëty ijxtëm yë'ëjëty y'ëtë'ëtstën y'ëna'antën. Këtii xywyinkoxtänëty mëti'ipë yë'ëjëty tyios'ajtëpën ets ni xykya'ëwtatëty, ni'ikyë mëpaat xytyukwop xytyukka'atsë yë nyaaxpotsyëty mëti'ipë y'ëwtajtëpën.

Deuteronomio 16:21

Këtii nitii kepy xykyojtëpëty ets m'ënantëpëty yë'ë xy'ëwtata'antë jam winkon ma Wintsën yë wyintsë'këntyaknën.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

2 Crónicas 31:1

Ko kyijxy nyäjxy ja xëëw, ja Israel ja'ayëty ojts nyëjkxta'atë kajpntum ets tjijtë'ktaaytyë ja potsy ets ja tsaa mëti'ipë ënety ja ja'ay tyijtëpën ko myëj'ajtënmëëtëty ets tukjijtëtyääytyë ja Aserá y'awinax ets tëkokyë mëti'ipë ënety wiink yaj'ijxpën, jëtu'un ja mëti'ipë jam yajpatpën ma Efraín ja kyajpnën ets ma ja Manasés ja kyajpnën. Kom'oknëm ja Israel ja'ayëty nyëjkxtaaytyë ma jyëën tyëjkëtyën.

2 Reyes 23:14

Ojts tuktëjëtyä'äy tukka'tsëtyä'äy ja kepy tsaa, mëti'ipë kënu'kxy ijty tyijtëpën ets tyaj'ujtstaay ja it mëët ja o'kpëpajk.

Jueces 6:25

Jä'ä tsu'um ojts yë Wintsën t'ënëëmë yë Gedeón: Amëtow yë mteety tu'uk yë tsajpkaa ets xyaj'ookëty, ja mëmäjtskpë mëti'ipë wëxtujk yë jyëmëjtën ets xyjyijtë'ëkëty yë Baal yë wyintsë'këntyakn mëti'ipë yë mteety myëët'ajtypyën. Pujxë'ëk näjyëtu'un ja jampë ja kepy tyänën winkon ma Baal yë wyintsë'këntyaknën, mëti'ipë tyijtëpën ko kyënu'kxyëty.

Jueces 2:2

këtiipë mëët oy tii aaw tii ayuk xymyëët'atëty yë ja'ayëty mëti'ipë jam tsënaaytyëpën, ni'ikyë xyajkutëkooytya'atëty yë wyintsë'këntyaknëty. E miitsëty ka'apës xymyëmëtoowtë, wiinkjaty m'ëtëtstë.

Jueces 6:26

E ma ënety jam tääpë Baal yë wyintsë'këntyakn xyjyityën, yë'ë jam mkojëp tu'uk yë mWintsën yë wyintsë'këntyakn. Ënet ja tsajpkaa xyaj'ookëty ja mëmäjtskpë etsës ëjts xytyukwintsë'ëkëty nino'oky nixämy. Yë'ë nëjkx xytyukjëënapëkë ja ja'axy jampë xypyujxpëtsëmyën ma ja kepyën mëti'ipë të xypyujxkëtayën jam Baal wyintuuy mëti'ipë tyijtëpën wa'ats.

1 Reyes 14:15

Tyam ets jëtu'un tyu'uye'eyä'äny, yë Wintsën jëtu'un txijt yu'kxa'any yë Israel kajpn tä aay kepy xyijtyu'kxyën ko yë mëj nëëkom jyënäky. Nëjkxëp tkë'ëtsë'ëky ma ya'atë naax kamën oypyë tsujpë ets tyajwojpkëtaka'any jëkäm, tyimninaxëp ja mëjnëë mëti'ipë yajtijpën Éufrates, mëët ko të tyajnikojtutpë ja Astarté ka'apë Wyintsënëtyën, ka'apë mëpaat yaj'ëwtatyën, mëti'ipë mëët ja naax kajpn mëj këjää të tyajpokytyunyën mëti'ipë ja Wintsën të tukyajjoot'anpëktën.

2 Crónicas 14:3

Ojts tyajjëwa'kta'ay ja wintsë'këntyakn, awinax ets ja tsajptëjk ma ja'ay ijty t'ëwtatën ka'apë Wyintsënëtyën; ojts tjijtë'kta'ay ja tsajptëjk mëti'ipë yajpatëpën tunkëjxm kopkkëjxm, piw nuuk tuuntaay ja tsaa mëti'ipë nipiiwpety yaj'ijtëpën, ja kënu'kxypyë tijtën; jëtu'unyë tpu'utaay tkë'tstaay ja Aserá awinax.

2 Crónicas 15:16

Ëpëky ja Asá ojts tpëjkë ja Maacá kyutujktakn ma ënety yajpaatyën jëtu'un tä tu'uk nanwelën ma kutujktaknën, mëët yë'ë ko ojts yë Maacá tni'ënä'ämëpë ets yajkojëty yë Aserá y'awinax. Asá tyuka'tsëtyääy ya'atë awinax, xit ko'ow tuuntaay ets jam tyajnitooy wokjotm ma txëëwatyën Cedrón.

2 Crónicas 17:6

Oy winë tuuny ets jä'ä ojts tpaye'ey ja në'ë tu'u oypyë mëti'ipë Wintsën tsyojkpyën, yajjëwa'ktaay tëkokyë ja tsajptëjk jampë muum tunkëjxm kopkkëjxm yajpaatyën ma ja Aserá ijty t'ëwtatën.

2 Crónicas 24:18

ets yë'ëjëty ojts t'ëxmajtsnëtë ja tsyajptëjkëty, ma yajpaatyën ja Wyintsën Tyiosëty, mëti'ipë y'ëwtajtën ja y'ap y'okëty; wiink tios ojts tpanëjkxtëjkënyëtë; ja Aserá jä'ä ojts t'ëwtajtnëtë. Paatykyëjxm ja Wintsën mëk jyoot'anpëjky, tyukjoot'anpëjk ja Judá ja'ayëty ets ja Jerusalén ja'ayëty,

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

Isaías 17:8

Ka'ap nëjkx jää y'ëkyajtuunë këwentë ja wintsë'këntyakn ets ja awinax mëti'ipë ja'ay kë'ëm yajkojtëpën. Ka'ap nëjkx pën y'ëk'ijxpatënë ja kepy kyopk mëti'ipë ja'ay yaj'ëmaay'ijtëpën ets yë'ëpaat ja wintsë'këntyakn ma ja tyiosëty tukwintoytyën ja poom.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Jeremias 17:2

Yë m'u'unk m'ëna'k jyaak ja'amyäjtstëp ja wintsë'këntyakn ets kepy apujxtuky mëti'ipë ijty kënu'kxy myajnajxypyën mëti'ipë jam myaj'ijtypyën ma kepypya'tkën ets jam kopkkëjxm,

Miqueas 5:14

Nkë'ëtsë'käämpyës yë mkepy mëti'ipë mkënukxyjya'apën ets nyajkutëkoyäämpyës tëkokyë yë mnaax mkajpn.

Deuteronomio 16:22

Këtii nitiipotsy xyajpëtë'ëktëty ets jam yë wiink wintsën xy'ëwtatantëpëty. Jä'ä ko yë Wintsën y'ëxëëk'ijxyp yë jëtu'unpë.

2 Reyes 10:27

Ojts tjitë ja wintsë'këntyakn ma ja Baal y'ityën ets tukpu'ujëtyääytyë ja Baal ja y'awinax, näjyëtu'un ja nyitëjk ojts tjijtë'ëktë ets jëtu'unyë oywyi'ix tnipëjkpäjtë, jëtijtakn je'eyë jyaaktuuny; tyampaat jëtu'un jam oywyi'ix y'ity.