Éxodo 33:9 - Biblia Dc en Mixe de Quetzaltepec

⁹ Ko ja Moisés jap tyëkë ma ja wit tëjkën, ja yoots nëma'a ënätyë nyäpyëjktakta'ayë jam tëjknëkëjxm, jä'ä y'aju'uxtujkpy ja tëjkëtyakn ko ja Dios myëtyä'äky mëët ja Moisés.

Biblia Mixe de Quetzaltepec

⁹ Ko ja Moisés jap tyëkë ma ja wit tëjkën, ja yoots nëma'a ënätyë nyäpyëjktakta'ayë jam tëjknëkëjxm, jä'ä y'aju'uxtujkpy ja tëjkëtyakn ko ja Tios myëtyä'äky mëët ja Moisés.

Éxodo 33:9 ပူးပေါင်းရင်းမြစ်များ

Génesis 17:22

Ko ja Dios myëtyaktaay mëët yë Abraham, ënät ojts jam tsyo'onë.

Génesis 18:33

Ko ojts ja Dios jëtu'un myëtyakta'ay mëët ja Abraham, ënät ojts nyäy'ëxmajtsënëtë. E yë Abraham ojts wyimpijnë ets nyëjkxnë jatëkok ma tyëjkën.

Salmos 99:7

Ojts yë Dios mëët kyajpxtë myëtya'aktë jokjoty yootsjoty, ets yë'ëjëty ojts tkuuytyuntë ja ënä'ämën tëyajtën mëti'ipë ojts yajmo'otën.

Éxodo 25:22

E jam ëëtsajtëm näpyatëmëty, jam këjxm ma ja kaaxëni'kxën ma ja tsajpjotmëtë kukäjpxy këxkojy y'itën, jam ntuknijawëty tëkokyë ja ënä'ämën tëyajtën mëti'ipës ja Israel ja'ayëty ntuknikäjxtëpën.

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Éxodo 33:10

Ko ja ja'ayëty jëtu'un t'ixtë ja yoots jam nyäpyëjktä'äkyë ma ja wit tëjk yajnitëkën, ënät nyäkyoxtënaaytya'akëtë jam tyëjk'ëkë'ëmëty ets tyaj'ixëtë jëtu'un ja näwyinkutsë'ëkë ma ja Tiosën.

Éxodo 33:11

Dios wiinxë jëjpxë ijty mëët ja Moisés tyimmëtyä'äky, jëtu'un ijxtëm yë ja'ay tu'kjëëky tu'kmëku'uk xyony y'ityën, ko myëtyakta'atë, tääts ja Moisés ijty jatëkok wyimpijnë ma ja y'ijtakn tmëët'atyën. Ja tyuunpë mëti'ipë xyëëwajtypyën Josué, yë myaank yë Nun, ka'ap ënety ninu'un tyimtsoony jam ma ja wit tëjkën, ma ja Dios jam kyëtä'äkyën.

Éxodo 33:8

Ko ja ijty ja Moisés jam nyijkxy ma ja wit tëjkën, ënätyë ja ja'ayëty pyëtsëëmta'atë ma ja wyittëjkëtyën ets jam wyë'ëmta'atë tänë tyëjk'ëkë'ëmëty. T'ixtë ko ja Moisés jam nyijkxy, koonëm jam jyä'ty ets tyëkë jatëkok tëkoty.

Éxodo 34:3

Ka'ap pën jam mëët mpätëty ets ma kopkën ka'ap pën mëpaat jam yajpaaty, ni jëyujk tsajpkaa, ni tsajppax ets kupixyny.

Éxodo 34:5

Ënet ja Wintsën jam kyëtäky yootsjotm ets ojts nyäxyëëwkukäjpxyë ets mëët xyoony y'ijty ja Moisés.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Ezequiel 3:22

Ënet ja Dios ojts ja kyë'ë xytyuknixajyës jämyë ets xy'ënëmaayës: Pëtë'ëk ets nëjkx jam joyjotm ma nmëmëtya'aka'anyën.

Deuteronomio 31:14

Ënet yë Wintsën t'ënëmaay yë Moisés: Ëk'ix wäänë jyaak itëty ets m'o'knëty, paatykyëjxm, mëkajpx yë Josué tääts jam nimäjtsk mnëjkxtëty ma ja wit tëjkën ma näpyaatë y'ityën ets ntuk'ëwaanëtëty tii mtuntëpën. Ënet yë Moisés ojts tmëkäjpxy yë Josué ets ojts nimäjtsk nyëjkxtë ma ja wit tëjkën ma näpyaatë y'ityën mëët yë Dios.

Deuteronomio 31:15

Jam ja Wintsën nyänyikëxë'kë yootsjoty ma yajnitëkën ja wit tëjk ma näpyaatë y'ityën mëët ja Dios.