Éxodo 33:4 - Biblia Dc en Mixe de Quetzaltepec

⁴ Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë.

Biblia Mixe de Quetzaltepec

⁴ Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë.

Éxodo 33:4 ပူးပေါင်းရင်းမြစ်များ

2 Samuel 19:24

Ojts näjyëtu'un jyëjpaatë'ëkyë ja Mefi-bóset, yë Saúl yë myaank, maju'unëm yë David jam tsyo'onyën kajpntum ets jatëkok jyä'äjty. Yë Mefi-bóset ka'ap ënety të kyë'ëpujy të tyekpyujy, nän ka'ap ënety të nyäy'awaayjepyë, ni wyit ënety të tkapujy.

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

2 Reyes 19:1

Ko yë yajkutujkpë Ezequías ja ayuk pyatë, ënät ojts ja mëkjotmay tyuktëkëty ets ja wyit tyujkxy tkë'tstaay mëët ja jotmay aakjä'ä tyuktëjkëy ja xa'kwit mëti'ipë kuumpën u'kxpën ets ojts nyijkxy ma ja tsajptëjkën.

Esdras 9:3

Ko jëtu'un nmëtooyës ënät ja nwit ntukë'tsëyës ets ja nwiinwaay n'aawaay nka'ptaayës, mëët ko jëtu'un nmëtoowpatyës, janty tim pëjkë'k ntimy ja'awëyës ja njot nini'kxës, jëtu'unyës ntimy wyä'tskëtäky mëët ja monyëtukyë.

Job 1:20

Ënet ja Job pyëti'ky ets tkë'tstëëy ja wyit, jä'ä mëk jya'ap ko ënety jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Job 2:12

Jëkäm t'ijxpatë ja Job ets tyëjkëtyë jëëpyë yaxpë, mëk tjawëtë ko ja Job yajpaaty yuujoty pa'amjoty, paaty ja wyit tkë'tstëëwtë ets nyätyukupëjkëtë ja naaxway.

Éxodo 33:6

Jam jëtu'un ojts ëka'any ja Israel ja'ayëty ka'ap t'ëkpëjktaknëtë ja kyë'ëjiitsëty, tyatsktëyëty ets ja nyantsëmëty.

Isaías 32:11

Mëti'ipë tyam ka'ap tii xymyëmay xymyëtajtën, je'eyë nëjkx mtsëyuytyë; miitsëty mëti'ipë tyam akujk jotkujk mnäjya'awëtëpën, mëët'atë ja amay jotmay, ijxpëktë ja mjemywyitëty, yë'ë këëtspë tuktëkëtë mëti'ipë kuumpën u'kxpën, mmontë tuktë jë'ëtë ya'axtë.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Ezequiel 24:23

Ka'ap tjëkyepy jää kuwa'ats ets tekywya'ats mjëtitëty. Këtii jää mya'axtëty ets mmontëty mtuktëty. Këjxta'ajantëp ja mjot mmëjaawëty ko winë ëxëëk xytyuntë ets nixim niyam nëjkx mnänyiya'axëtë.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Jonás 3:6

Ko ja Nínive yajkutujkpë tnija'awëy ojts ënätyë tsyoony ma ja kyutujktaknën ets nyätyuknijääntutë ja wyit mëti'ipë myë''ëne'emypyën ets tuktëjkëy ja wit mëti'ipë kuumpën u'kxpën ets nyaaxwe'tsy naaxkëjxy.

Zacarías 7:3

ets tyajtëwa'antë yë käjpxynyajxpëtëjkëty ets teetytyëjkëty mëti'ipë ënety jap tsajptëkoty tuuntëpën, ma ja Wintsën yajpaatyën mëti'ipë maaytyääyëpën winë: ¿Kopkpëky jëtää ëëtsëty je'eyëm n'ayuu'atëty ko myëkoxk po'opätëty jajëmëjt, ijxtëm ëëtsëty xëmë ntuntënë?

Zacarías 7:5

Ënëmaaytya'a yë ja'ay mëti'ipë yajpatëpën ma naax kajpnën ets teetytyëjkëty: Miitsëty m'ayuu'ajtëp ets mmoontëp mtujktëp xëmë ko myëkoxk po'opety tu'ukpë jëmëjt ets ko wyëxtujk po'opety, tëëyëp jëtu'unpë xyajtso'onta'aktë, tëkë'px majk yë jëmëjt, je'eyëp ko ka'ap yë'ëkyëjxmëty m'ayuu'atë ets mmontë mtuktë koos xymyëjjawëtë,

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënety të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënety ja Wintsën të tyajkutëkoy ja mayjyä'äy ko tukjoot'anpëjky.