Éxodo 33:3 - Biblia Dc en Mixe de Quetzaltepec

³ Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.

Biblia Mixe de Quetzaltepec

³ Jam nëjkxtë ma ka'ap ninu'un ja jë'kxy pëky y'ëmaaytyä'äkyën. E tyam yajxon ntimy'ënëëmëtë, ko ëjts ka'apës n'ëknëjkxanë mëët miitsëty, këtiipë muum tu'ujoty nyajkutëkoytyëty. Jä'ä ko miitsëty mkujuun oyëty ets ninu'un mkakäjpxyjyä'äkyukëtë.

Éxodo 33:3 ပူးပေါင်းရင်းမြစ်များ

2 Reyes 17:14

E yë'ëjëty ninu'un ojts kyaja'akyukëtë, ni'ikyë ja jyot wyinma'any juun tpëjkta'aktë timjëtu'un tä ja y'ap y'okëtyën ets ka'ap ja Wintsën ojts t'ëktuk'ijxpäjnëtë;

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënety ja Dios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.

Éxodo 23:21

Këtii xymyëjëkämkä'äkëty, mëmëtowëp ets këtii xykyäjpxykyumëtoownaxëty, jä'ä ko yë'ë ëjts yë xykyutënääpy ets ka'ap nëjkx tme'kxy ja mpoky.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 32:14

Yë Dios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Éxodo 33:5

Jä'ä ko yë Dios tyaa ënety yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

Jeremias 11:5

Koos xymyëmëtowtëty, ëjts ntunäämpyës tu'kë'ëyë mëti'ipës ojts ja m'ap m'ok ntukwinwanëtën, koos n'ënëmaaytyë nmo'oja'antës tu'uk ja it naaxwiinyëtë ma ja tsi'tsknëë ets uuxpa'ak pyëyi'ikyën tä nëëjën, ijxtëm tyam xymyëët'atën. Ets ojts n'ëtsoyës ja Wintsën, oy'atëp.

Ezequiel 20:6

Jä'ä xëëw ojts n'ënëëmëtës ko nyajpëtsëma'antës jap Egiptë ets nyanëjkxa'antës ma ja naax kajpnën mëti'ipës të ntuknipëjktaakëtën, tu'uk ja kajpn ma ja tsi'tsknëë ets ja uuxpa'ak jëtu'un pyëyi'ikyën tä nëëjën, ma tu'uk ja naax kajpnën mëti'ipë ni'ik oyën këtiinëm jyëtu'unëty wiinkëtypë kajpn.

Jonás 3:10

Ojts yë Dios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënety të tnikäjpxyën.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Deuteronomio 4:24

Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënety y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënety të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Dios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.