Éxodo 33:20 - Biblia Dc en Mixe de Quetzaltepec

²⁰ E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Biblia Mixe de Quetzaltepec

²⁰ E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Éxodo 33:20 ပူးပေါင်းရင်းမြစ်များ

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Jueces 6:22

Tää ja Gedeón tnija'awëy ets t'ijxy ko jä'ätëm ja Wintsën të myëkäjpxyë, ënät y'ënäny: Wintsën, Wintsën. Tëës yam kë'ëm wiinxë jëjpxë ntimy'ixy ja Wintsën ja kyukäjpxy.

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Dios n'ijxëmë.

Deuteronomio 5:24

Tääts xy'ënëmaaytyës: Tëyajtën yë'ë, ko yë Wintsën mëti'ipë ëëtsëty nTios'ajtëpën yaj'ijxëp yë myëj'ajt y'oyajtën. Jä'ä ko tëë kë'ëm ntimmyëtowtës yë y'aaw y'ayuk mëti'ipë të yajmëtoyën jap jëën akujky. Tyam ënät yajnijawë ko Dios mëtyakp yë wiinxë jëjpxë ets ko yë'ë tuknipëjktaakë ka'ap xyaj'o'kmëty.

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Hebreos 1:13

Dios ka'ap ojts nitu'uk t'ënëëmë ja tsajpjotmëtë kukäjpxy: Yaa u'unyë n'aka'any'äämpyës koonëm ja mmëtsip nmëmëta'akëtyës, ets npëjkta'akëtyës maas yë nteky'ixpo'kxën.

Éxodo 33:18

Tä ja Moisés ojts tmënu'kxtä'äky ja Dios ets t'ënëmaay: Tuk'ijxkës yë mmëj'ajt m'oyajtën.

Éxodo 33:23

Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Éxodo 24:9

Tä ojts ja Moisés pyety jam kopkkëjxm mëët ja Aarón, Nadab ets Abihú ets mëët näjyëtu'un nitëkë'px majk ja mëjja'aytyëjkëty mëti'ipë nyimëjja'ay'ajtëpën ja Israel ja'ayëty.