Éxodo 33:18 - Biblia Dc en Mixe de Quetzaltepec

¹⁸ Tä ja Moisés ojts tmënu'kxtä'äky ja Dios ets t'ënëmaay: Tuk'ijxkës yë mmëj'ajt m'oyajtën.

Biblia Mixe de Quetzaltepec

¹⁸ Tä ja Moisés ojts tmënu'kxtä'äky ja Tios ets t'ënëmaay: Tuk'ijxkës yë mmëj'ajt m'oyajtën.

Éxodo 33:18 ပူးပေါင်းရင်းမြစ်များ

Salmos 4:6

May y'ëna'antë ja'ayëty: ¿Pën jëtää xy'ëktuk'ijxmëp ja oyajtën jotkujk'ajtën? Wintsën, ni''ijxkëtaktëkës mëët yë m'oyjot m'oywyinma'any.

Salmos 63:3

jä'ä ko yë mtsojkën mja'awën ni'ik yë tsyowpaaty këtiinëm jyëtu'unëty yë juukyajtën. Paatykyëjxm mijts nwin'ëwa'any nwinya'axa'any mëët yë n'aawës;

Éxodo 33:20

E tyam mijts yajxon n'ënëëmëty, ko yë nwiin njëjpës ka'ap tjëkyepy mijts nijëna'a xy'ixëty, jä'ä ko ka'ap tjëkyepy pën xy'ixëtyës ets ënät je'eyëm njuuky'ajt'ëtë'ëtsëty.

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

2 Corintios 4:6

Jä'ä ko nän Dios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Dios ja myëj'ajt jyääntyajtën mëti'ipë ja Kristë myëët'ajtypyën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Tito 2:13

naamka'anëm jyä'tynyëm mëti'ipë n'a'ijx njëjp'ijxëmën, ko myina'any ja mëj Dios, ets ja yajnitsokpë Jesukristë.

Apocalipsis 21:23

Ka'ap jam myëyäty ets ja xëëw po'o y'anëty kajpnjotm, kë'ëm ja Dios ets ja Kupixyny U'unk y'ajajy y'atë'kxy.