Éxodo 33:17 - Biblia Dc en Mixe de Quetzaltepec

¹⁷ Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés.

Biblia Mixe de Quetzaltepec

¹⁷ Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Tios t'ëtsooy ja Moisés.

Éxodo 33:17 ပူးပေါင်းရင်းမြစ်များ

Isaías 65:24

Ka'anëm ënety xymyëkajpxtës koos n'ëtsoowinpitëty, ka'anëm ënety kyajpxpëtsëmtë koos nnijawëty wi'ix y'ëna'ana'antën.

Éxodo 33:12

Ënet yë Moisés t'ënëmaay yë Dios: Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Génesis 19:21

Ënet ojts tu'uk y'ëtsoy ets y'ënäny: Tëëjës yam nmëtoy mëti'ipë të xy'amëtoyën, ka'apës nyajkutëkoyä'äny yë kajpn mëti'ipë mnikäjpxypën.

Santiago 5:16

Paaty, maaywyatstë ja mpokyëty nixim niyam ets nätyuknija'amyätsëtë ja Dios winpity atëjy ets mtso'oktëty. Tuunp ni'ik ko ja oyjyä'äy Dios tja'amyetsy.

Juan 16:23

Ka'ap nëjkx tii xy'ëkyajtëëwnëtës jä'ä xëëw. Tëy miits nëëmëtë, mmo'ojëtëp miits ja nteetyës mëti'ipë m'amëtoowtëpën ëjtskyëjxm.

Génesis 6:8

Yë Dios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënety yë Dios tmëtuny.

Génesis 19:19

Miitsëty mëjmëyajtën të xytyuntë koos yë njuukyajtën të xyajtsokëtë. Ëjts ka'apës njëkyepy nëjkxëty kopkkëjxm, jä'ä ko tsojkës yë ëyo'on muum xynyajtspaatëty etsës n'ëk'o'knëty

Génesis 18:32

Ënet ja Abraham y'ënaankojnëpë: Tunë mëyajtën Wintsën, këtii m'äkëtëty mëët ëjts. Yi'iyës tyaapë njaakajpxäämpy ets täätsës n'ëmonëty. ¿Tii mtunäämpy ko xypyaatëty je'eyë nimajk yë wa'ats ja'aytyëjk? Ënet yë Dios y'ëtsooy: Koojës nimajk mpaatëty ka'apës yë naax kajpn nyajkutëkoyëty.

Isaías 45:3

Mijts nmooytya'ajäämpy winë: mëti'ipë tsoowpaatyën, mëti'ipë yu'utsy ijtpën ets mëti'ipë pëjkë'ëky ijtpën, ka'apë ni pën tnijawën ets xynyijawëty koos ëjts jëtu'un Wintsënajtp; mëti'ipë yë Israel ja'ay Tyios'ajtëpën ets mëti'ipë mxëëw mtukmëkajpxëpën.

Deuteronomio 9:19

Ëjts mëkës ojts ntsë'ëkë, ko ja Wintsën mtukjoot'anpëjkëtë mëj këjää, ojts wa'ats mjayajkutëkooytya'aja'anëtë, ëjts ënetyës ojts nmënu'kxtä'äky ets yë'ë ojts tmëtoow'ity ja nnu'kxtakënës.