Éxodo 33:13 - Biblia Dc en Mixe de Quetzaltepec

¹³ E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Biblia Mixe de Quetzaltepec

¹³ E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Éxodo 33:13 ပူးပေါင်းရင်းမြစ်များ

2 Samuel 15:25

E ja ënä'ämpë ojts t'ënëëmë ja Sadoc: Mënëjkx yë Wintsën yë kyaaxë jam kajpnjotm, pën yë'ë xypyutëjkëpës etsës oy mëk nwinpitëty nëjkxëpës jam jatëkok npaaty ya'atë kaaxë ma të yajkëëytyä'äkyën.

Salmos 103:7

Ojts tuk'ixy ja Moisés ets ja Israel kajpn wi'ix ja nyë'ë tyu'u y'ixëtyën ets wi'ix tii tuny tkäjpxyën.

Salmos 119:33

Wintsën, tukni''ijxëkës wi'ixës mpatunëty yë m'ënä'ämën mtëyajtën, jä'ä ko yë'ëjës npanëjkxäämpy mapaat jyëjpkëxyën.

Salmos 25:4

Wintsën, tukni''ijxëkës yë mnë'ë mtu'u ets winwoow winwijtskës ma mnajxtaknën.

Salmos 27:11

Wintsën, tukni''ijxëkës yë mnë'ë mtu'u; winwoow winwijtskës ma ja oypyë ja në'ë tu'ujën etsës yë nmëtsip t'ixtëty;

Salmos 51:13

jëtu'un tjëkyäpëty ntukni''ixëtyës ja mnë'ë mtu'u ja ja'ayëty mëti'ipë käjpxy kyumëtoownajxtëpën, ets pokyjyä'ätyëjk jyootwinpitëty ma mijtsën.

Salmos 86:11

Mijts Wintsën, tukni''ijxëkës yë mnë'ë mtu'u etsës yë'ë tu'ukyë npaye'eyëty. Mijts m'a'ixëp ets njot nwinma'anyës y'ëwa'atsëty, täätsës nmëjpëjkta'akëty yë mxëëw.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Éxodo 32:12

¿Wi'ix jëtu'un ko ënät xy'ëwa'atsa'any ets Egiptë ja'ayëty y'ëna'antëty: Dios tëkatsy ënety yë wyinma'any, ko ojts yaa Egiptë yajpëtsëmëtë, paaty ojts yaa jyuutëtë, jä'ä ko jam yaj'ooka'anëtë muum kopkkëjxm ets jëtu'un'äämpy jyo'otsa'anëtë yaa naaxwiiny naaxkëjxy? Yajjëwa'ak jëtu'unpë winma'any ma mijtsën, ko m'ëna'any ko xyajkutëkoyä'äny yë mnaax mkajpn.

Éxodo 32:14

Yë Dios, ojts jëtu'unpë ja winma'any tjantyajjëwä'äky ma yë'ëjën, ko jya'ënany ja nyaax kyajpn tyajkutëkoyä'äny.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Éxodo 5:1

Ko jëtu'un y'ëknajxy yë xëëw po'o, ënät yë Moisés mëët yë Aarón ojts nyijkxy ma mëj'ënä'ämpë ets t'ënëmaaytyë: Jëtu'un yë Wintsën y'ënä'äny yë Dios mëti'ipë Tyios'ajtypyën yë Israel ja'ayëty: ëxmajtskës yë nkajpn wä'än jam tnëjkxtë ma ja naaxwiinyëtë aanë'ëk tëëtsë'ëkpën, etsës ja nxëëw xymyëjjawëtëty.

Isaías 30:21

Ko ënety muum ajotkumonë mtu'utëkoyä'äny, pojën xymyëtowa'any tu'uk ayuk mjëxkë'ëy mëti'ipë nëjkx m'ënë'ëmxëtyën: Tyaatsow ja tu'u, yaatsow nëjkxtë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Isaías 63:19

Ëëtsëty jëtu'unës tyam nyajpaatë tä jeexyë mijts ka'ap nijëna'a myajkutukyën ma ëëtsëtyën, jëtu'un tä jeexyë ka'ap nijëna'a mxëëw të yajja'amyetsyën.

Joel 2:17

Wä'än yë teetyëjk tjë'ëtë tya'axtë, mëti'ipë jap tsajptëkoty tuuntëpën, mëti'ipë yajpatëpën itkujky ma ja wintsë'këntyaknën ets ma ja tëjkëtyaknën, wä'än t'ëna'antë: Mä'kx, Wintsën yë mnaax mkajpn; këtii xyajkutukëty ets mnaax mkajpn pën tyukxi'ikëtëty; këtii xy'ëwa'atsëty ets wiinkëtypë naax kajpn myëmëta'akëtëty ets y'ëna'antë mëti'ipë ka'ap yë Wintsën t'ëwtatën: ¿Maa ënät ja Tyiosëty?

Juan 17:3

Yë juukyajtën xëmëkyëjxmëpë ënät yajpaaty ko mijts myaj'ixy'äty, ja tu'ukyëpë Tios'atyën mëtëypyë, ets ja Jesukristë mëti'ipë mijts të xykyexyën.

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.

Efesios 1:17

N'amëtoopyës ja Dios ja myëj'ajt jyääntyajtën mëët ja Wintsën Jesukristë ets mmo'ojëtëty ja Kënu'kxymyëkajtën mëti'ipë yäjkpyën ja wijyajtën kejyajtën, ets yajxon xynyijawëtëty ja mëti'ipë Tios'ajtpën.

Deuteronomio 9:26

Etsës nmënu'kxtäky, n'ënëmaayës: Wintsën tun yë mëyajtën, këtii ya'atë naax kajpn xyajkutëkoy, mëti'ipë mijts mkajpn'ajtypyën, mëti'ipë të xyjyuutyën jap Egiptë mëët yë mmëjajtën mkutujkën.

Deuteronomio 9:29

E mijts Wintsën wa'ats xynyijawë, ko ya'atë naax kajpn, mijts mkajpn'ajtyp, mijts kë'ëm të xyjyuuty jap Egiptë mëët yë mmëjajtën ets mkutujkën.

Colosenses 1:10

Yë'ë miits ntukni'amëto'owëtëp ets mjuuky'attëty ijxtëm pyaat'atyën mëti'ipë myëpëjktëpën ja Wintsën; yë'ë mtuntëp mëti'ipë yë'ë tyukjotkëtäkpyën, mëti'ipë oy tsuj winpëtsëëmpën ets ja Dios oy xynyijawëtëty.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.