Éxodo 33:12 - Biblia Dc en Mixe de Quetzaltepec

¹² Ënet yë Moisés t'ënëmaay yë Dios: Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Biblia Mixe de Quetzaltepec

¹² Ënät yë Moisés t'ënëmaay yë Tios: Ëk'ix Tios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Éxodo 33:12 ပူးပေါင်းရင်းမြစ်များ

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

2 Samuel 15:25

E ja ënä'ämpë ojts t'ënëëmë ja Sadoc: Mënëjkx yë Wintsën yë kyaaxë jam kajpnjotm, pën yë'ë xypyutëjkëpës etsës oy mëk nwinpitëty nëjkxëpës jam jatëkok npaaty ya'atë kaaxë ma të yajkëëytyä'äkyën.

Salmos 1:6

Yë Dios Kyëwent'ajtyp yë wa'ats ja'aytyëjk yë nyë'ë tyu'u; e ja ëxëëkja'aytyëjk ja nyë'ë tyu'ujëty jam ja nitëyë nyijkxy ëyo'onjotm.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 3:4

Ko ja Dios t'ijxy, ko ja Moisés ni'ikyë jam wyinkona'any ets yajxon t'ijxwa'atsa'any, ënät ojts tmëkäjpxy, yë Moisés jëtu'un tmëtooy jam yowë yë ja'ay kyajpxpëtsëmy ma ja zarsa kepy tyoyën ets y'ënä'äny: Moisés. Moisés. Tyaajës, jëtu'un y'ëtsooy yë Moisés.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënety të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Éxodo 33:1

Tä yë Dios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Éxodo 33:17

Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés.

Éxodo 33:2

Ëjts tyamës yë nkukäjpxy nkäxa'any mëti'ipë mtu'uwinye'eyëtëpën ets n'ëxwojpta'aja'anyës jam ma nyaaxëty kyajpnëtyën yë Canaán ja'ayëty, Amor ja'ayëty, Hit ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 34:9

ets y'ënäny: Wintsën. Wintsën. Pën janty tëy koos xy'oyjyawë, mijts xëmë xyjyämyëët'atëpës, janty tëy jëtu'un ja ijty ko ya'atë ja'ayëty ka'ap kyäjpxyjyä'äkyukëtë, e tyam n'ënëëmë mä'kxtëkës ëëts yë ntuuntëko'oy nkajpxtëko'oyënëty ets ëxajëtëkës jëtu'un tä yë mnaax mkajpnën.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.

Isaías 45:3

Mijts nmooytya'ajäämpy winë: mëti'ipë tsoowpaatyën, mëti'ipë yu'utsy ijtpën ets mëti'ipë pëjkë'ëky ijtpën, ka'apë ni pën tnijawën ets xynyijawëty koos ëjts jëtu'un Wintsënajtp; mëti'ipë yë Israel ja'ay Tyios'ajtëpën ets mëti'ipë mxëëw mtukmëkajpxëpën.

Jeremias 1:5

Ka'anëm ënety juukyajtën nmo'oynyëm ko ojts nwin'ixy, ka'anëm ënety mminyëm naaxwiiny ko ëpëky npëjktäky; yë'ë ojts ntukniwë'ëmë ets m'itëty käjpxynyajxpë ma naax kajpnën.

Hageo 2:5

Jëtu'un ijxtëm ojts ntukwinwanëtën ko jap Egiptë mtso'ontë, yë njot nwinma'anyës xëmë yajpaaty ma miitsëtyën. Këtii mtsë'ëkëtë.

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.