Éxodo 32:4 - Biblia Dc en Mixe de Quetzaltepec

⁴ ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënet ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Biblia Mixe de Quetzaltepec

⁴ ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënät ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

Éxodo 32:4 ပူးပေါင်းရင်းမြစ်များ

Nehemías 9:18

Oy kë'ëm tjatimyajkojtë ja y'awinaxëty pujxnëpë y'oytyunyëtyën mëët, jëtu'unpë kyëxë'ëkyën tä tsajpkaajën ets y'ënantë ko yë'ë të yajpëtsëmëtë jap Egiptë ets aakjä'ä tyuuntë mëti'ipë yajjoot'anpëjkpën,

Deuteronomio 9:16

E koos n'ijxy, ko miitsëty tëë ënety ja Wintsën xymyëtëkoytyë ets tëë tu'uk xyajkojtë ja awinax, ma tu'uk ja tsajpkaa u'unk xyajnikojtutën. Ets jëtu'un'äämpy xy'ëxmajtsnëtë ja në'ë tu'u, mëti'ipë ënety ja Wintsën të mtuk'ënä'ämëtën xypyanëjkxtëty.

Hechos 7:41

Tääts tu'uk ja mëxu'unk tsajpkaa tyaj'akojnajxtë, may ja jëyujk tyaj'o'ktë ets tukwintsë'këtyë ja mëxu'unk tsajpkaa. Ënet twin'äjts twinpujtë mëti'ipë y'oytyuuntën kë'ëm.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

1 Reyes 12:28

Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

Oseas 13:2

Ja ja'ayëty je'eyëm pyokytyuun'ëtë'ëtstë. Yajjëëytyëëwtëp yë poop pujxn ets t'oytyuntë y'awinax jëtu'un ijxtëm wyinma'anypyaatën ets jëtu'un ijxtëm yë pujxn'oytyuunpë t'oy'ixyën ets y'ëna'antë: Mo'otë wyintsë'kën ets ja ja'ay tjanty tsyu'kxtë ja y'awinaxëty mëti'ipë jëtu'un këxë'kpën tä tsajpkaa'u'unkën.

Hechos 17:29

Jä'ä ko ëëtsajtëm Dios xy'u'unk'ajt xy'ok'ajtëmë, ka'ap tjëkyepy jëtu'un nmä'ämyëty ntajmëty ko yë Dios jëtu'un tä awinaxën mëti'ipë oytyunyën mëët yë poop pujxn, pu'ts pujxn ëkë kepy tsaa mëti'ipë yë ja'ay yajkojtëpën ijxtëm myäytyën tyajtën.

Oseas 10:5

Tsë'ëkëtyëp yë Samaria ja'ayëty; mëët ko të jyijtë'ëky ja y'awinaxëty mëti'ipë këxë'kpën tsajpkaa u'unkën, Bet-avén yajtijyën. Yë'ë nyijëëy nyiyaxtëp yë naax kajpn ets teetytyëjkëty, jä'ä ko tëë ja myëj'ajt y'oyajtën tyëkoy.

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

2 Crónicas 13:8

E tyam ënät miitsëty, ka'ap yowë ninu'un xytyimmëj'ixa'antë ya'atë kutujktakn mëti'ipë Wintsën jyä'ä'ajtypyën, mëti'ipë David y'u'unk y'ok tyuunk'ajtëpën, yë'ë nyätyijyë mtukmëta'akantëp mëët ko mnimay'atë ets ko xymyëët'atë ja awinax mëti'ipë mëët y'oytyunyëtyën yë pu'ts pujxn, jëtu'unpë kyëxë'ëkyën tsajpkaa u'unkën, mëti'ipë yë Jeroboam mtukni'oytyu'unëtën ets xy'ëwtatëty.

2 Crónicas 11:15

Jeroboam tëë ënety kë'ëm t'ijxta'ay pën yajteety'atäämpyën ma ja tsajptëjkën ka'apë y'oyëtyën, ma ja mëjku'u t'ëwtatën, naaxpotsy ets ja awinax t'ëwtatëty mëti'ipë jëtu'un këxë'kpën tä tsajpkaa u'unkën.

Éxodo 20:23

Nitii awinax xykyayajkojtëty, mëti'ipë oytyunyën mëët yë pu'ts pujxn, mëët yë poop pujxn ets xy'ëwtatëty ijxtëm jeexyë ëjts xy'ëwtatën.

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

1 Reyes 12:32

Ojts näjyëtu'un tu'uk ja xëëw tyajnaxkëtä'äky, ma myajkmokx'anyën ja mëtuktujkpo'opë, jëtu'un tä ijty jam xyëëwtuntën ja ja'ayëty ma ja Judá kajpnën ets kë'ëm wyintsë'kën ojts tkë'ëyajkojy ma ja wintsë'këntyaknën. Ya'atë ojts jam tuny Betel, ko tmooy ja wyintsë'kën ja tsajpkaa ayääkë, ma ënety ja nyiteety kë'ëm të tpëjktakën.

Éxodo 28:11

Mëti'ipë ya'atë jëtu'unpë tyuunk'atëpën, yë'ë mëti'ipë yajxon nyija'awëtëpën wi'ix winë yajtsa'ayën. Jam xyajkëxmëta'akëty ja tsaa ma të yajni'oytyunën aak pu'ts pujxn,

Éxodo 28:9

Jam xypyëjkta'akëty mäjtsk yë tsaa oypyë, jamts xykyëxjaaytya'ajëty tëkokyë ja xyëëwëty yë Israel ja y'u'unk y'ëna'k.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Dios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

Éxodo 32:3

Ënet ja ja'ayëty t'amëtoowtë ja tyo'oxytyëjkëty ja pyu'tspujxn tatsktëy ets ojts tukninëjkxtë ja Aarón,

Éxodo 32:5

Ko yë Aarón jëtu'un t'ijxy, ënät tu'uk yë wintsë'këntyakn tyaj'o'oyëy, ma ja awinax tpëjkta'aka'anyën, jëtu'unpë kyëxë'ëkyën tä ja tsajpkaajën ets ojts mëk jyänty yujk'ëna'any: Jëpom yë mëj xëëw ntu'unmëty ma Wintsën nmëjja'aw nkënu'kxyjya'awëmëtyën.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Éxodo 32:24

Ënätës ojts n'ëtsoy: Pën yë pu'ts pujxn myëët'ajtyp wä'än ëpëky tmëminy. Ënet të xymyo'otës yë maypyu'tspujxn etsës të nyajwin'ëëtsy, jëtu'un ya'atë awinax të kyojy, mëti'ipë jëtu'un yaj'ijxpën tsajpkaajën.

Éxodo 32:35

Ënet ja Dios tkejxy jam ja ëyo'on ma ja naax kajpnën, mëët jä'ä ko ja wiink wintsën ënety të t'ëwtatë. Jä'ä ja awinax jëtu'unpë yaj'ixyën tä tsajpkaajën, mëti'ipë ënety ja Aarón të tyajkojyën.

2 Reyes 10:20

ënät tnipëjktakëy tu'uk ja mëj xëëw ets ja Baal yajnixëëwtunëty.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Éxodo 20:4

Ka'ap tii kë'ëm xyajkojëty ëkë xyajnikojtu'utëty mëti'ipë jam tsajpjotm ijtpën, ëkë mëti'ipë naax pa'tkë'pën, ëkë mëti'ipë jap nëëjotyën naaxpa'tkë'pë yajpaatyën.

Jueces 8:24

Mëti'ipë tëy yam miits n'amëtowantëp yë'ë ets xymyo'otëtyës ja kë'ëjiits mëti'ipë ja mëtsip të xypyëjkëtën. Tääpë jëtu'unpë kë'ëjiits yë'ë ijty yajtuuntëp yë tsiptuunpëtëjkëty jampë yajpaatën ma ja it naaxwiinyëtën të'ëts'itjotmëpë.

Jueces 8:27

Mëët tääpë pu'ts pujxn mëti'ipë yë Gedeón ënety të tyajmukyën, yë'ë mëët t'oytyuuny tu'uk yë teety wyit mëti'ipë jam pyëjktakën Ofrá, ma kyukajpnëtyën; mëët ya'atë Efod mëti'ipë aak pu'ts pujxnën, yë Israel ja'ayëty ka'ap ojts oy yë Wintsën tmëtuntë, je'eyë ojts nëkoo tyajtsipta'aktë ja Gedeón ja y'u'unk tyo'oxytyëjk.