Éxodo 32:33 - Biblia Dc en Mixe de Quetzaltepec

³³ Ënet ojts ja Dios y'ëtsoyë: Ëjts yi'iyës yam njo'otsäämpy, mëti'ipës xymyëtuuntëkoopyën.

Biblia Mixe de Quetzaltepec

³³ Ënät ojts ja Tios y'ëtsoyë: Ëjts yi'iyës yam njo'otsäämpy, mëti'ipës xymyëtuuntëkoopyën.

Éxodo 32:33 ပူးပေါင်းရင်းမြစ်များ

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Salmos 69:28

Jo'tsëtë yë xyëëwëty mëti'ipë jap këxja'ay ijtpën ma ja nokyën juukyajtën mëëtpë, këtii jap xypyëjkta'akëty ma myinyën ja xyëëwëty ja wa'ats ja'aytyëjk.

Deuteronomio 29:20

Yë Wintsën ninu'un nëjkx jëtu'unpë poky tkame'kxy, nëjkxëp ja ja'ay tëytyuny mëti'ipë ënety të yajjoot'anpëkyën ets ja pojkën mëti'ipë yajnikajpxpën jap ma ja nokyën wa'ats nëjkx tyuka'ata'ayë. Ja Wintsën nëjkxëp tjo'tsta'ay ja y'u'unk y'ok yaa naaxwiiny.

Salmos 9:5

Tëë xy'ojy ja ja'ay ka'apë m'ëwtatyën, tëë xyajkutëkoy ja ëxëëkja'aytyëjk; tëë xytyimjo'otsy xëmëkyëjxm mëti'ipë jeexyë yajtukja'amyäjtstëpën.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Filipenses 4:3

Ets mijts mëku'uk, mëti'ipës oy të xypyutëkën ma ja Kristë yamëtunyën, n'amëtoopyës ja mëyajtën ets xypyutëkëty ya'atë to'oxytyëjkëty. Yë'ë mëk ojts tyuntë mëët ëjts ma yajkajpxwä'kxyën ja oy aaw oy ayuk, näjyëtu'un ja Clemente ets wiinkëtypë mëti'ipës mëët të ntuunmuktën. Kuja'ay ja xyëëw y'ijnëtë nokyjoty ma ja ja'ay xyëëwëtyën mëti'ipë juuky'ajtëpën xëmëkyëjxm.

Apocalipsis 3:5

Pën mëtaktëp, näjyëtu'un poop witxë y'ita'antë ets ka'apës ja xyëëw nyajtëkoyanëtë jap nokyjoty mëti'ipë ja juukyajtën myë'ijtypyën, ni'ikyës nkajpxkëxë'ëka'antë maajës yë nTeetyën ets ma ja anklëstëjkëtyën.

Éxodo 17:14

Tä ja Dios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

Salmos 69:29

E ëjts, maas npëkyë n'ixyën ets maas mon tuk nyajpaatyën, yajpëtë'kës, Dios mëti'ipës nTios'ajtypyën, yajtsokës.

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.