Éxodo 32:27 - Biblia Dc en Mixe de Quetzaltepec

²⁷ Ënet ja Moisés ojts y'ënë'ëmxëtë: Jëtu'un y'ënä'äny yë Wintsën, mëti'ipë yë Israel ja'ayëty Tyios'ajtëpën: Kajpë'ëktë yë mpujxnëty nitu'ukjaty ets mnëjkxtëty jam ma ijtakn yajmëët'atyën ets mtëkëtëty winjëën wintëjk xyaj'ooktëty tu'ukjaty ja ja'ay ma ja ijtaknën, oy yë'ëjëty yë m'ajtyëty, m'utyëty, mjëëkyëty mëku'ukëty ëkë mëtëjkëty.

Biblia Mixe de Quetzaltepec

²⁷ Ënät ja Moisés ojts y'ënë'ëmxëtë: Jëtu'un y'ënä'äny yë Wintsën, mëti'ipë yë Israel ja'ayëty Tyios'ajtëpën: Kajpë'ëktë yë mpujxnëty nitu'ukjaty ets mnëjkxtëty jam ma ijtakn yajmëët'atyën ets mtëkëtëty winjëën wintëjk xyaj'ooktëty tu'ukjaty ja ja'ay ma ja ijtaknën, oy yë'ëjëty yë m'ajtyëty, m'utyëty, mjëëkyëty mëku'ukëty ëkë mëtëjkëty.

Éxodo 32:27 ပူးပေါင်းရင်းမြစ်များ

2 Reyes 10:25

Ko ja Jehú tmooytyääy ja Baal ja wyintsë'kën, tä t'ënëmaay ja tsyiptuunpëtëjk: Tëkëtë ënät ets yaj'o'kta'atë tyaapë ja'ayëty jënu'un yaa tyam yajpaatën. Ni pën xykyayajkä'äktëty. Ënet ja Jehú ja tyuunpë tjanty yaj'o'ktaaytyë ja ja'ay ets jap tjëpijpëtsëëmtaaytyë. Ënet ok tyëjkëtyë ma ja Baal jap y'ityën,

Éxodo 32:26

tä ja Moisés ojts jam nyijkxy ma ja kajpn yajnitëkën ets y'ënäny: Pën yë Dios y'oyjya'ap, wä'än yaatsow tminy maas ëjtsën. Ja Leví ja'ayëty jä'ä ojts jam nyaxtë ma ja Moisesën.

Éxodo 32:28

Ja Leví ja'ayëty ojts jëtu'un tpatuntë tä ënety ja Moisés të tni'ënä'ämën, jä'ä ojts ja ye'etyëjktëjk y'ooktë jä'ä xëëw, naxy nitëkëëk mil.

Éxodo 32:29

Ënet ja Moisés y'ënäny: Tyam jëtu'un miitsëty xy'ëxajëtë yë kuttujkën mëti'ipë yë Dios tyam mooyëtëpën, mëët ko miitsëty ka'ap yë wyinma'anyëty të xymyëpëjkëtë ja mmaankëty ëkë ja mëkä'äxëty. Paaty jëtu'un miitsëty mëj këjää yë Dios mkënu'kxa'an mjëkyäpa'anëtë.

Ezequiel 9:5

Etsës të nmëtoy t'ënëëmë ja naaxwiinyëtë ja'ayëty: Panëjkxtë ets xytyukjëtitëtëty mëët ja naax kajpn, jam xyajtso'onta'aktëty maas yë ntsajptëjkën. Këtii xytsyë'ëkëtëty ni pën, yaj'o'kta'atë yë mëjja'aytyëjk, ëna'ktëjk, to'oxy'ëna'k, pi'k ëna'k ets to'oxytyëjk. Je'eyëp tëy ko këtii xymyëwa'antëty ja ja'ayëty mëti'ipë myëët'ajtëpën ja ijxpäjtën ma wyiinpokën. Ënet tyajtso'ontaktë mëët ja mëjja'aytyëjk mëti'ipë ënety jam ma tsajptëjkën yajpatëpën.

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

2 Corintios 5:16

Paaty ëëtsëty ka'apës ja njëëky nmëku'uk jëtu'un n'ëk'ijxnëtë ijxtëm ja naaxwiinyëtë ja'ayëtyën, oy ijty tëëyëp ja Kristë n'ixtës ijxtëm yë naaxwiinyëtë ja'ayëtyën, tyam ka'apës jëtu'un ja winma'any n'ëkmëët'ajnëtë.

Deuteronomio 13:10

Kuka'ats, mëët ko ënety të mjatukjëjpwoowtu'uta'anyë ja mWintsën ja nyëë'aaw tyu'u'aaw, mëti'ipë jap myajpëtsëëmën Egiptë ma ënety mëk myajtëytyunyën.

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,