Éxodo 32:22 - Biblia Dc en Mixe de Quetzaltepec

²² Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Biblia Mixe de Quetzaltepec

²² Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Éxodo 32:22 ပူးပေါင်းရင်းမြစ်များ

Génesis 44:18

Ënet yë Judá tmëwinkoony yë José ets t'ënëmaay: Tyam mijts nmënu'kxtä'äky wintsën etsës xyajkajpxëty tu'k'aaw mäjtsk'aaw. Tun yë mëyajtën këtiis xytyukjoot'anpëkëty, mijts jëtu'un yë'ë ijxtëm jeexyë kë'ëm myajkutukyën.

Salmos 36:4

Ko jam wyiitykyëjxm kyo'knë, tääts myäy tyäjy wi'ix ja ëxëëkpë tunëtyën; jä'ä ni'ik ja ëxëëkpë tsyojkën'ajtyp ets ka'ap t'ëk'ëxmatsanë.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënety jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 15:24

Ënet ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 16:20

Ka'ap pën tyëkoy'äjty, mëti'ipë ka'ap tja'akyujkëyën, mëti'ipë ja Moisés ojts tjanikäjpxyën, ojts ja tyajwë'ëmy ja jyi'kxy ets komjëpom nyätyukjëjp'ijxyë. Ja mëti'ipë ojts tyajwë'ëmtën, ko komjëpom t'ijxpatë tëë ënety nyatënë'këtyääynyë ets xu'knëp. Ënet ja Moisés ojts mëk y'ëwa'antä'äky ko jëtu'un y'ëtëtstë.

Éxodo 16:28

Ënet ja Dios ojts t'ënëëmë ja Moisés: ¿Jëna'a jëtää mja'akyukëja'antë, miitsëty xëmë yowë je'eyë xykyäjpxykyutëjanëtë yë n'ënä'ämënës ntëyajtënës ets n'aaw n'ayukës?

Éxodo 32:1

Ko ja Israel ja'ayëty t'ijxtë ko ja Moisés nëkooyë pyoxnë jam kopkëjxm, ënät ojts jam nyämyukëtë ma ja Aaronkën ets t'ënëmaaytyë: Jotëkoy ets xy'oytyunëty tu'uk yë nwintsënëtyës mëti'ipës xytyu'uwinwowtëpën, jä'ä ko yë Moisés ka'ap y'ëkyajnija'awënë pën tii të jyätyë, mëti'ipë ojts ëëtsëty xyjyuutën jap Egiptë.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Deuteronomio 31:27

Jä'ä ko wa'atsës nijawë ko miitsëty je'eyë mkäjpxykyumëtoownaxtë, ninu'un mka'ëëwmëtow mkakäjpxymyëtowtë, maas tyam njaakjuuky'ätyën ma miitsëtyën tëë xykyäjpxy kumëtoownaxtës, ¿wi'ixjaty jëtää m'ëtë'ëtsa'antë koos ënety të n'o'knë?

Deuteronomio 9:24

Ix tää yajnijawë ko jëtu'un xytyimyajtu'uye'eytyë, tyimtso'ontäky ma ojts ëka'any n'ixy'ajtë'ëktën je'eyë nëkoo Wintsën xykyäjpxykyumëtoownajxtë.

Deuteronomio 9:7

Këtii xyjyä'äytyëkoytyëty nijëna'a, ko miitsëty ojts yë Dios xyajjoot'anpëktë jam të'ëts'itjotm. Tyimtso'ontäky ko jap mtso'ontë Egiptë ets Yaapaat je'eyëm mkäjpxykyumëtoownaxtë.

1 Samuel 15:15

Jam të tyajtsoontë Amalec, jëtu'un y'ëtsooy yë Saúl, yë tsiptuunpëtëjkëty paatykyëjxm të tyajmintë ets mWintsën yë'ë yajtukwintsë'ëkëty, e winëjaty tëëjës nyajkutëkooytya'atë.

1 Samuel 15:21

E yë tsiptuunpëtëjkëty tëë tyajwë'ëmtë ja tsajpaxëty, kupixynyëty, jëyujk, tsajpkaajëty mëti'ipë ni'kxëtyën ets oyëty mëkëty, mëti'ipë ënety näjyëtu'un të nyitukëtën ets kyutëkoytyëty; e ëëtsëty tëëjës nyajwë'ëmtë ets jä'ä ja Wintsën yajtukwintsë'ëkëty, mijts yë mWintsën jampë Guilgal nyaaxjotm yajpaatyën.

1 Samuel 15:24

Ënet ja Saúl t'ënëmaay ja Samuel: Tëyajtën tëëjës njantytyëkoy mëët koos ja Wintsën ja y'ënä'ämën ka'ap të nmëjpëjktakë ets tääjës mijts të xyjya'ënëëmën: ka'apës jëtu'un të ntuny mëët koos të ntsë'ëkë ja ja'ay etsës yë'ë të ntuny mëti'ipë ënety yë'ë y'amëtoowtëpën