Éxodo 32:16 - Biblia Dc en Mixe de Quetzaltepec

¹⁶ Dios ojts kë'ëm ya'atë tsaatsetsy t'oytyuny ets kë'ëm tjaay ja ënä'ämën tëyajtën.

Biblia Mixe de Quetzaltepec

¹⁶ Tios ojts kë'ëm ya'atë tsaatsetsy t'oytyuny ets kë'ëm tjaay ja ënä'ämën tëyajtën.

Éxodo 32:16 ပူးပေါင်းရင်းမြစ်များ

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

2 Corintios 3:7

Yë ënä'ämën jëwyiinpë, mëti'ipë ja o'kën tukpatpën, tsaakëjxypyë kyëxja'ayëtyën mëët ja të'kxën jajën, ojts nyikëxë'ëky ma ja Israel ja'ayëtyën ets ka'ap ja Israel ja'ay myääyëtë twintë'kxtëty; jä'ä ko tääpë ja ajajk atë'kxk mëti'ipë ënety tëkoyaanpën mëk ënety yaj'ixy tyi'kxy.

Deuteronomio 10:1

Ënätës yë Wintsën xy'ënëmaay: Oytyun kë'ëm mäjtsk yë tsaatsetsy, jëtu'un tä ja mëjëyëjpë y'ijtyën ets xy'oytyunëty tu'uk yë kaaxë, yë'ë kepy tsyetsy myajtunëp ets xymyëpätëty jam kopkëjxm maas ëjts nmëtya'aka'anyën mëët mijts.

Deuteronomio 9:15

Koos ojts jam ntso'onë ma ja kopkën, mëti'ipë toopyën, ëjts nmëët'ajtypyës ënety mäjtsk ja tsaatsetsy mëti'ipë ja käjpxytyu'unën myëët'ajtypyën.

Éxodo 34:4

Yë Moisés ojts mäjtsk yë tsaatsetsy t'oytyuny jëtu'un tä mëjëyëjpë ojts y'ityën, ko kyomjëpom'ajty tsojk ojts nyëjkxkojy jam kopkkëjxm, mëët mäjtsk ja tsaatsetsy jëtu'un ijxtëm ënety ja Dios të y'ënë'ëmxëtyën.

Éxodo 34:1

Ënet yë Dios t'ënëmaay yë Moisés: Tsäts mijts kë'ëm yë tsaa, mäjtsk xy'oytyunëty, jëtu'un tä ojts mëjëyëjpë y'ityën etsës jam ja n'aaw n'ayuk xykyëxja'ajëty jatëkok, mëti'ipë ijty jam miinpën këxja'ay ma ja tsaatsetsyën mëti'ipë ojts xytyukpu'ujën.

Éxodo 32:15

Tä ja Moisés ojts jam tsyo'onë kopkkëjxm, tam ja tsaatsetsy mäjtsk tkë'ëkë'ëy'äty, mëti'ipë aak tsaajën, ma ja ënä'ämën tëyajtën jam kyëxja'ayëtyën.

Éxodo 32:17

Ko ja Josué tmëtooy ko nëkooyë ja mayjyä'äy yaxnëtë jyojknëtë, ënät t'ënëmaay ja Moisés: Jëtu'un yajmëtoy ja'ay yowë tsiptuuntëp ma Israel ja'ayëty jap tsyëënëtën.

Job 19:24

Jääpëk jeexyë pën tkëxpajy muum tsaakëjxy ëkë muum yu'unk pujxnkëjxy ets jeexyë jam xëmëkyëjxm wyi'imy këxpajy.