Éxodo 31:3 - Biblia Dc en Mixe de Quetzaltepec

³ tëëjës nmo'oy yë nmëk'ajtënës n'oyajtënës ets wijyajtën kujk'ajtën ets ja'aykyujkën ets nija'awën wi'ix winë oy t'oytyunëtyën.

Biblia Mixe de Quetzaltepec

³ tëëjës nmo'oy yë nmëk'ajtënës n'oyajtënës ets wijyajtën kujk'ajtën ets ja'aykyujkën ets nija'awën wi'ix winë oy t'oytyunëtyën.

Éxodo 31:3 ပူးပေါင်းရင်းမြစ်များ

1 Reyes 3:9

E yë'ëtsës yam n'amëtoopy, xymyo'ojëtyës tu'uk ja jot winma'any oypyë, mëtëypyë etsës njatëty nijawëty wi'ix ja mnaax mkajpn n'ënä'ämëtyës; ¿jä'ä ko pën jëtää ëkmayëtëp ya'atë mëj naax mëj kajpn janty'oy t'ëktu'uwinwowëty?

1 Reyes 7:13

Yë yajkutujkpë Salomón ojts yë Hiram jam tyajtsoony Tirë,

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.

2 Crónicas 2:7

E tyamts mijts npëjktsoy ets xytyunëty mëyajtën xykyäxëty yë ja'ay mëti'ipë tyukjajtypyën tuunk'atëty wi'ix yë pu'ts pujxn y'oyën, wi'ix yë poop pujxn y'oyën, tsuxkpujxnëty ets juunpujxnëty ets mëti'ipë tyukjajtëpën wi'ix yaj'oytyunyën yë wit oyëtypë mëti'ipë wyooxën tsapts, uky, ets tsu'unk; mëti'ipë näjyëtu'un nyija'awëtyëpën wi'ix jyo'oktëtyën ets mëët nyäpyutëkëtëty yë nja'ayëtyës mëti'ipë kukajpnajtëpën jam Judá ets jam Jerusalén ets mëti'ipë ojts yë nteetyës t'ënu'kxyën.

Éxodo 28:3

Mëëtmëtya'ak yë ja'ay mëti'ipë tyukjajtëpën wi'ix oy yë wit tujkxy tyajkojtëtyën, yë'ë yajtukni'oytyunëty yë Aarón mëti'ipë yam yajkënu'kxaanpën ets yë'ë jap tyunëty jëënjoty tsajptëkoty.

Éxodo 31:4

Wi'ix oy tyajkëxë'ëkëtyën winë ets wi'ix oy tuunk'atëtyën ma pu'ts pujxn, poop pujxn ets tsuxkpujxn yajtuk'oytyunyën.

Éxodo 35:31

Tëë tmo'oy yë Dios yë myëk'ajtën y'oyajtën ets wijyajtën kujk'ajtën, ixpëkyajtën, nija'awën, wi'ix winë oy tyajkojëtyën,

Éxodo 35:35

Tëë tmo'oy yë wijyajtën, wi'ix winë oy tyajkëxë'ëkëtyën, wi'ix tii winë tsätsëty oy ets tmo'ojëty ja y'ijxën; wi'ix oy yë wit tujkxy tjo'okëtyën, tä yë witën mëti'ipë yë y'ujkën tsu'unk uky, tsapts ets ja linë wit ets tyukjajtyp wä'än timmyëti'ipëty wi'ix tyajkëxë'ëkëtyën oy.

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Isaías 28:26

Yë Dios yë'ë tukni''ijxëyëp wi'ix tii tunëtyën:

Isaías 28:6

Yë'ë nëjkx twinma'anymyo'oy ja yajkutujkpëtëjk ets oy ja nipaye'eyën tuntëty, nëjkxëp tjotmëkmo'oy ja mëti'ipë tëjk këwent'ajtëpën ma ja naax kajpnën.