Éxodo 31:2 - Biblia Dc en Mixe de Quetzaltepec

² Ëk'ix, jam ma Judá y'u'unk y'okën yë'ëjës të nwin'ixy yë Besalel, yë Urí myaank, yë Hur y'ok'u'unk,

Biblia Mixe de Quetzaltepec

² Ëk'ix, jam ma Judá y'u'unk y'okën yë'ëjës të nwin'ixy yë Besalel, yë Urí myaank, yë Hur y'ok'u'unk,

Éxodo 31:2 ပူးပေါင်းရင်းမြစ်များ

1 Reyes 7:14

yë Hiram, yë'ë myaank tu'uk yë ku'ookytyo'oxy, Neftalí jyä'äy, mëët ojts tsyëënë tu'uk ja'ay jampë kyukajpnëtyën Tirë, tyukjajtyp ijty yajxon wi'ix yë tsuxkpujxn tuunk'atëtyën. Hiram janty wijy ijty ets nyija'ap oy ja tyuunk ma ja tsuxkpujxn tuunk'atyën; ënät jam nyäwya'këxë'kë ma ja yajkutujkpën Salomón ets ojts t'oytyuunë winë mëti'ipë ja Salomón tsyojkpyën.

2 Crónicas 1:5

Ja tsuxkpujxn wintsë'këntyakn mëti'ipë ënety ja Besalel të t'oytyunyën, yë Urí myaank ets Hur y'ok'u'unk, jam ënety näjyëtu'un yajpaaty ja Gabaón, yë'ë mëët nyäwyinku'ixëty ja wit tëjk ma ja Wintsën ja kyaaxë y'ityën. Ja Salomón ets mëët ja may Israel ja'ayëty, ojts jam nyëjkxta'atë ets tpëka'antë ja nija'awën.

Éxodo 17:10

Yë Josué ojts jëtu'un tuny tä ënety yë Moisés të y'ënë'ëmxëtyën. Tä ojts tsyoontë tsiptuunpë ma ënety mëët nyäpyaata'anëtën ja Amalec ja'ayëty. Yë Moisés, yë Aarón ets Hur tëë ënety jam pyätë ma ja kopkën.

Éxodo 33:12

Ënet yë Moisés t'ënëmaay yë Dios: Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Éxodo 33:17

Ya'atë mëti'ipë yam të xynyikäjpxyën ntunäämpyës yam, jä'ä ko mijts ntuk'ijxpejtyp ets ntukjotkëtäkpy, jëtu'un ja Dios t'ëtsooy ja Moisés.

Éxodo 35:30

Ënet ja Moisés t'ënëmaay ja Israel ja'ayëty: Ëk'ixtë ma Judá yë jyä'äyën, yë'ë jam yë Dios të twin'ixy yë Besalel, yë myaank yë Urí, yë y'ok'u'unk yë Hur.

Éxodo 36:1

E paaty jëtu'un yë Besalel, yë Oholiab ets nitëkokyë yë ja'ayëty jënu'un ja wijyajtën tmëët'atën, wi'ix winë oy t'oytyuntëtyën; pënjaty ja Dios ja wijyajtën të myo'ojëtë ets t'oytyuntëty mëti'ipë jap tunaanpën ma ja tsajptëjkën, yë'ë ja tuunk yajtu'uye'eytyëp mëti'ipë yë Dios të tni'ënä'ämën.

Éxodo 37:1

Yë Besalel ojts t'oytyuny ja kaaxë, mëti'ipë ja käjpxytyu'unën myë'ijtypyën, yë acacië kepy ojts tyajtuny, jä'ä y'ayenyëty mäjtsk kë'ënux ja kujkm ets myëjwiinëty tu'kkë'ënux ja kujkm ets kyëjxm'atëty tu'kkë'ënux ja kujkm.

Éxodo 38:22

Ja Besalel yë myaank, yë Urí, yë y'ok'u'unk yë Hur, Judá yë jyä'äy, ojts tëkokyë tuunta'ay mëti'ipë ënety ja Moisés ja Dios të tyuk'ëne'emyën.

Éxodo 38:23

Ojts pyutëkëty ja ja'ay mëti'ipë xyëëwajtypyën Oholiab, yë'ë myaank yë Ahisamac ets yë'ë yë jyä'äy yë Dan, mëti'ipë yë'ë tyimtuunk'ajtypyën ma tii winëjaty kyojyën aakpujxn, tyukjajtyp wi'ix janty'oy yë wit tjo'okëtyën ets tyaj'ijxëntëkëty, tä ja witën mëti'ipë ja y'ujkën tsu'unk, uky, tsapts ets linë wit.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.