Éxodo 31:18 - Biblia Dc en Mixe de Quetzaltepec

¹⁸ Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Biblia Mixe de Quetzaltepec

¹⁸ Ko yë Tios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Tios kë'ëm timy'oytyunyën.

Éxodo 31:18 ပူးပေါင်းရင်းမြစ်များ

2 Reyes 11:12

Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Éxodo 24:12

Jëtu'un yë Dios t'ënëmaay yë Moisés: Pät jam ma kopkën, maas ëjts nyajpaatyën ets jamës xy'ëwxitëty, jam nmo'oja'any mäjtsk yë tsaatsetsy maas të nkëxja'ayën yë ënä'ämën tëyajtën mëti'ipë yë Israel ja'ayëty pyatuntëpën.

Éxodo 24:18

Tä ja Moisés ojts jap tyëjkënë yootsjoty ko jam pyajnë kopkkëjxm, jä'ä jam kopkëjxm y'ijty wëxtyikxy xyëëw wëxtyikxy tsyu'um.

Éxodo 8:19

Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Dios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënety ja Dios të tnikäjpxyën.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Mateo 12:28

Jä'ä koos pën yë'ëjës mëët yë Dios yë myëk'ajtën n'ixkejx yë ku'oypyë, tääpë jä'ä yajja'akyukë ko tëëjën jyä'ty ja tsajpjotmëpë kuttujkën ma miitsëtyën.

Lucas 11:20

Näyjyëtu'unës ëjts, Dios yë myëk'ajtën mëët n'ixkexyës yë ku'oypyë, jëtu'un xyjyä'äkyukëtëty ko ja Dios ja kyutujkën të tyajtso'ontä'äky ma miitsëtyën.

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Deuteronomio 10:4

Tä ojts ja Wintsën jam tkëxja'ay ja majkpë ja ënä'ämën tëyajtën ma ja tsaatsetsyën, mëti'ipë mëtoowtën ma ja kopkën, ko ojts kyäjpxy jëënjoty ma ënety jam ni'ëmukë nyajpatëmën. Tëës ja xymyo'oy.

Deuteronomio 4:13

Yë Wintsën ojts mtuk'ix mtuknijawëtë yë kyäjpxytyu'unën, majk ojts ja ënä'ämën tëyajtën tja'ay ma mäjtsk ja tsaajën mëti'ipë kepy tsyetsyën ets ojts tni'ënä'ämë ets xykyuuytyuntëty.

Deuteronomio 5:22

Ya'atë ja aaw ayuk mëti'ipë ja Wintsën mëk nyikajpxën jëën'akujky, ma ënety ja yoots yëkëm kyëxë'ëkyën ets miitsëty aak mtam'ajtëp jam kopk'ëjxm. Ko myëtyaktaay, ka'ap ojts wi'ix y'ëk'ënanë, ja tëyajtën jam ojts tkëxja'ay ma ja mäjtskpë ja tsaatsetsyën etsës ojts xymyo'oy.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Dios ja kyäjpxytyu'unën.