Éxodo 31:15 - Biblia Dc en Mixe de Quetzaltepec

¹⁵ Tëtujkxëëw ja tu'unën ye'eyën y'itëty e ja mëwëxtujkxëëwpë po'kxënxëëw jäänë, mëti'ipë ja Dios mëpaat yajtukwintsë'ëkën. Pën jää tuunp ye'epy ma pyo'kxënxëëwatyën, kopkpëky ko y'ookëty.

Biblia Mixe de Quetzaltepec

¹⁵ Tëtujkxëëw ja tu'unën ye'eyën y'itëty e ja mëwëxtujkxëëwpë po'kxënxëëw jäänë, mëti'ipë ja Tios mëpaat yajtukwintsë'ëkën. Pën jää tuunp ye'epy ma pyo'kxënxëëwatyën, kopkpëky ko y'ookëty.

Éxodo 31:15 ပူးပေါင်းရင်းမြစ်များ

Génesis 2:2

Kom wëxtujk xëëw yë Dios tyaj'apatëtyääy tu'kë'ëyë jënu'un ënety të tyajkojyën ets ojts pyo'kxy.

Éxodo 16:23

ets ja Moisés y'ënäny: Jëtu'un yë Dios të tni'ënä'ämë, ijxtëm xynyijawëtën po'kxënxëëw jopy, tu'uk ja po'kxënxëëw mëti'ipë ja Dios yajtukmëjja'awëpën, paaty oytyuntë tyam yë mjë'kxy mpëkyëty, mëti'ipë jyëkyejpy tyam xynyipëjktaakëtëtyën. E mëti'ipë ënät tyam natëkëpën, yë'ë jëpom mnätyukjëjp'ixëtëp.

Éxodo 34:21

Tëtujkxëëw mtuntëty mye'eytyëty, e ko wyëxtujkxëëwpätëty mpo'kxnëtëp jää, oy jyääjëty ma ënety tnixëëw'atyën ja nipën kojën, ëkë ma yajpëjkë'ëky yajtuunë'ëkyën ja pëjktä'äky.

Lucas 23:56

Ënet ojts nyëjkxnëtë ma tyëjkëtyën ets ja pa'akxu'kpë nëë tnipëjktakëtyë. Tääts t'ëmaay'ajtë ja po'kxënxëëw, jëtu'un ijxtëm ja ënä'ämën myinyën.

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Éxodo 35:2

Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Dios jää yaj'ëwtatëp. Pën jää tiituunk tyuunpy, kopkpëky ko y'ookëty.

Éxodo 31:17

Yë'ë tu'uk yë ijxpäjtën'atëp mëët ëjts ma Israel ja'ayëtyën winë xëëw winjëmëjt. Jä'ä ko yë Dios jä'ä ojts tuunk'aty yë tsajp ets naaxwiinyëtë tëtujk xëëw, e kom wëxtujk xëëw tää ojts pyo'kxy.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Ezequiel 46:1

Ëjts Wintsën, jëtu'unës n'ëna'any: Yë tëjkëtyakn xëëwpëtsëmtsyowpë mëti'ipë yajpatpën jap tëja'p jootjotytsyow ëtuky y'itëty tëtujk xëëw, ma tyuunk xëëwëtyën; jää y'ëwa'atsëty po'kxënxëëw ets ko po'o pyi'k'atëty.

Éxodo 31:14

Yë po'kxënxëëw wa'ats mëpaat xymyëët'atë ets kopkpëky ko mëj'äämpy xyjyëkyäptëty. Pën ka'ap tmëj tjawë ya'atë xëëw, kopkpëky ko y'ookëty, pën jää tuunp ye'epy ma tääpë xëëwën, kopkpëky ko nëjkx yajjo'otsy ma ja nyaax kyajpnën.

Éxodo 16:26

Jyëkyäpëp xypyëjkmuktëty yë mjë'kxyëty mpëkyëty tëtujk xëëw jëtu'un y'itëty, e ma wyëxtujkxëëw'ajnën po'kxënxëëw jäänë, ka'ap jää tii y'ita'any.

Éxodo 23:12

Tëtujkxëëw mtunëty ets jää xyajwintu'upëkëty winë. E ko wyëxtujkxëëwpätëty, jää mpo'kxëty, jëtu'un näjyëtu'un pyo'kxëty ja mjëyujk, yë mtuunpë ets mjaaypyaat mjaaypyo'kxy.

Éxodo 31:16

E paatykyëjxm kyopkpëkyëty ko nitëkokyë yë Israel ja'ayëty mëj'äämpy tyaj'itëty yë po'kxënxëëw, jëtu'un nyaxëty tä tu'uk yë käjpxytyu'unën yajmëët'atyën winë xëëw winë jëmëjtpë.

Éxodo 35:3

Oy maa mtimyyajpaatëty, ko ya'atpë'atëty nijëën mëpaat xykyayajmëjëtë.

Deuteronomio 5:12

Mja'amyätsëp yë po'kxënxëëw ets jää yë Wintsën xymyëjjawëty, jëtu'un tä yë mWintsën Dios të mtuk'ëne'emyën.