Éxodo 31:14 - Biblia Dc en Mixe de Quetzaltepec

¹⁴ Yë po'kxënxëëw wa'ats mëpaat xymyëët'atë ets kopkpëky ko mëj'äämpy xyjyëkyäptëty. Pën ka'ap tmëj tjawë ya'atë xëëw, kopkpëky ko y'ookëty, pën jää tuunp ye'epy ma tääpë xëëwën, kopkpëky ko nëjkx yajjo'otsy ma ja nyaax kyajpnën.

Biblia Mixe de Quetzaltepec

¹⁴ Yë po'kxënxëëw wa'ats mëpaat xymyëët'atë ets kopkpëky ko mëj'äämpy xyjyëkyäptëty. Pën ka'ap tmëj tjawë ya'atë xëëw, kopkpëky ko y'ookëty, pën jää tuunp ye'epy ma tääpë xëëwën, kopkpëky ko nëjkx yajjo'otsy ma ja nyaax kyajpnën.

Éxodo 31:14 ပူးပေါင်းရင်းမြစ်များ

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Éxodo 20:8

Mja'amyätsëp xëmë yë po'kxënxëëw ets jää yë Dios xymyëjjaw xyjyäänty jyawëty.

Éxodo 30:33

Pën muum kë'ëmwinma'any yajkojpy yë on jëtu'unpë tä tyaapë y'ixëtyën, ëkë muum oypyënëty tukuja'axnëtëty; pën ënety jëtu'un ëtëtspën, kopkpëky ko nëjkx yajjo'otsy ma ja myëkunaax myëkukajpnën.

Éxodo 30:38

Pën jëtu'unpë yë on yajkojpy tä tyaapën ets tyajxuuka'any tyajjoka'any kë'ëm, kopkpëky ko nëjkx yajjo'otsy ma ja myëkunaax myëkukajpnën.

Éxodo 31:15

Tëtujkxëëw ja tu'unën ye'eyën y'itëty e ja mëwëxtujkxëëwpë po'kxënxëëw jäänë, mëti'ipë ja Dios mëpaat yajtukwintsë'ëkën. Pën jää tuunp ye'epy ma pyo'kxënxëëwatyën, kopkpëky ko y'ookëty.

Ezequiel 20:16

jä'ä ko ojts t'ixtijtë yë ntëyajtënës, ka'ap tmëmëtoowtë ja n'ënä'ämënës ets yaj'ëxë'këtyë ja npo'kxënxëëwës, jä'ä ko jam ja jyot wyinma'any tpëjktaktë ma ja ka'apë tyiosëtyën.

Ezequiel 20:21

E yë y'u'unk y'ëna'këty ojts xykyäjpxy kumëtoownaxtës. Ka'ap tpatuuntë ja ntëyajtënës ets ka'ap tmëmëtoowtë ja n'ënä'ämënës, mëti'ipë yajjuuky'ajtpën ko yajpatuny, e yë'ëjëty ojts ja npo'kxën nxëëwës tyaj'ëxëëkëtë. Ojtsës nja'ëna'any ets jeexyë jam të'ëts'itjotm nyajkutëkooytyës ets jeexyë ja n'äkës xyeemy,

Ezequiel 20:24

jä'ä ko ka'ap tpatuuntë ja n'ënä'ämënës, y'ijxtijtë ja ntëyajtënës, yaj'ëxë'këtyë ja npo'kxën nxëëwës ets yi'iyë ojts tuk'ijxpätë ja awinax ka'apë tyiosëtyën mëti'ipë ja y'aptëjkëty y'ëwtajtën.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.

Juan 7:23

E miitsëty ko xykyaninaxa'antë ja Moisés ja y'ënä'ämën, mnatsujk'ëwtijtëp ja mëxu'unk ja ye'etyëjkajtën po'kxënxëëwjoty. ¿E tiits ko xywiinkjawëtë koos nyajtso'oky po'kxënxëëwjoty tu'uk ja pa'amja'ay?