Éxodo 30:23 - Biblia Dc en Mixe de Quetzaltepec

²³ Ëxta'a mijts kë'ëm yë aay ujts mëti'ipë pa'akxu'kpën, tëtujk tsim mëti'ipë ni'ik pa'akxu'kpën, tëkëëk tsim yë canelë, tëkëëk tsim yë waxk mëti'ipë pa'akxu'kpën,

Biblia Mixe de Quetzaltepec

²³ Ëxta'a mijts kë'ëm yë aay ujts mëti'ipë pa'akxu'kpën, tëtujk tsim mëti'ipë ni'ik pa'akxu'kpën, tëkëëk tsim yë canelë, tëkëëk tsim yë waxk mëti'ipë pa'akxu'kpën,

Éxodo 30:23 ပူးပေါင်းရင်းမြစ်များ

Ezequiel 27:19

Jam Uzal, jam ijty tsyoony yë mtsatsym nyëë, yë pujxn, yë canelë, yë waxk mëti'ipë pa'akxu'kpën, mëti'ipë tyukwinkupëjktëpën yë mtooky.

Cantares 4:14

tä yë nardos ets azafrán pëjyën, tä yë waxkën ets tä yë canelën ets tä yë poopkepyën ets kepy mëti'ipë pa'akxu'ktëpën, tä yë mirrën ets tä yë áloe ujtsën; tä tu'kë'ëyë yë aay ujtsën mëti'ipë ja'ay yaj'onkojtëpën mëti'ipë pa'akxu'kpën.

Ezequiel 27:22

Yë Sabá ja'ayëty ets Raamá ja'ayëty jam ijty tyim ajuytyë ma mijtsën, yë'ë winë tyukujuuytyëp yë tsooy mëti'ipë pa'akxu'kpën ets tsaa mëti'ipë tsowën ets pu'ts pujxn.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Cantares 1:13

Yë ja'ay mëti'ipës ntsojkpyën jëtu'un yë'ë maas ëjtsën tä yë on xuumy u'unkën mëti'ipës ntsi'tsk akujky nmëjëtijtypyën xëmë.

Cantares 1:3

janty'oy janty tsuj mxuuky, jëtu'un jeexyë myajtijy ko janty'oy mxuuky. Paaty yë to'oxytyëjktëjk mtsokyë.

Proverbios 7:17

etsës të ntukjaaxy tu'uk yë tsooy mëti'ipë pa'akxu'kpën, yë'ë mëët y'oytyunyëty, mirra, áloe ets canelë.

Salmos 45:8

Tëkokyë yë mwit mtujkxy aak pa'akxu'kp. Jap ma mkutujktaknën mëti'ipë oytyunyën mëët yë pajk juunpë ets oyëtypë, xuxtëp koowtëp jap ja'ayëty.

Éxodo 37:29

Yë Besalel ojts näjyëtu'un tyaj'oyë ja kënu'kxy on, mëti'ipë winë yajtukkënu'kxpën ets ja poom mëti'ipë janty'oy pa'akxu'kpën, jëtu'un tuunk'ajty tä yë pa'akxu'kpë oytyuunpë tyaj'oyën yë tsooy.

Éxodo 25:6

Näyjyëtu'un yë on mëti'ipë mëët tyunyën yë kutë'kxn ets nyi'on yë pa'akxu'kpë mëti'ipë winë mëët yajtukkënu'kxyën ets janty oypyë xyuuky jyokyën;

Éxodo 30:22

Ënet ojts ja Dios tmëkäjpxy ja Moisés ets t'ënëmaay:

Éxodo 30:24

tëtujk tsim yë casië ets tëkëëk tsim jakujkmën yë olivë on, yë'ë kijpxën myajtunëp mëti'ipë jap ijtpën ma tsajptëjkën.

Éxodo 31:11

yë on mëti'ipë mëët winë yajkënu'kxyën ets ja poom mëti'ipë pa'akxu'kpën jap ma tsajptëjkën, yë'ë nëjkx tuunk'atë jëtu'un tä yam të ntuk'ëne'emyën.

Éxodo 35:28

Yë'ë ojts näjyëtu'un tyajmintë yë pa'akxu'kën, on mëti'ipë tuunpën ma ja kutë'kxnën, ja on mëti'ipë yajtukkënu'kxpën ets näjyëtu'un ja poom mëti'ipë janty'oy xu'kp jojkpën.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

1 Reyes 1:39

Jamts ja teety Sadoc ojts tyajpëtsëmy tsajptëkoty ja tsajpkaawaj ma jap ja on y'ityën mëti'ipë ja ja'ay yajtukkënu'kxpën, yë'ë ja Salomón ojts mëët yajtukkënu'kxy. Tä tukxuxtë ja tsajppaxwaj ets tëkokyë ja ja'ayëty myäy'ënaantaaytyë: Wä'än ja yajkutujkpë Salomón jeky tjuuky'äty.

1 Crónicas 9:30

Jëna'ajëty ijty yë'ë teetyëjk kë'ëm tyaj'oyëtë ja pa'akxu'kpë;

Isaías 43:24

Ka'ap të xyjyuy ja waxk mëti'ipë pa'akxu'kpën ets jeexyë të xytyukwintsë'ëkës, ka'apës të xymyo'oy yë jëyujk on mëti'ipës nwintsë'kën'atëpën. Ni'ikyënëmës yë mpoky të xytyukyajtsipke'exy; je'eyës nëkoo të xytyuk'atsipy yë m'ëxëëktu'un m'ëxëëk kajpxën.

1 Crónicas 9:29

Tam ja wiinkpë mëti'ipë yë'ë kyë'ë'am'ajtypën ja apëjk atu'unën mëti'ipë kënu'kxyën mëti'ipë tuunpën ko ja kajpxta'ak y'ity, ëpëky ja mookwayëty, uukyëty, onëty, poomëty ets ja pa'akxu'kpëty.