Éxodo 3:22 - Biblia Dc en Mixe de Quetzaltepec

²² Nitu'ukjaty ja Israel to'oxytyëjkëty nëjkxëp t'amëtowtë ja Egiptë to'oxytyëjkëty mëti'ipë myëtëjk'ajtëpën ëkë mëti'ipë mëët tsyënaaymyuktën: ja pu'ts pujxn, poop pujxn ets ja wit tujkxy, yë'ë nëjkx nyätyuk'oytyunëtë ja y'u'unk y'ëna'këty, jëtu'un'äämpyës nëjkx xypyëjkëtë ja Egiptë ja'ayëty mëti'ipë ënety myëët'ajtëpën.

Biblia Mixe de Quetzaltepec

²² Nitu'ukjaty ja Israel to'oxytyëjkëty nëjkxëp t'amëtowtë ja Egiptë to'oxytyëjkëty mëti'ipë myëtëjk'ajtëpën ëkë mëti'ipë mëët tsyënaaymyuktën: ja pu'ts pujxn, poop pujxn ets ja wit tujkxy, yë'ë nëjkx nyätyuk'oytyunëtë ja y'u'unk y'ëna'këty, jëtu'un'äämpyës nëjkx xypyëjkëtë ja Egiptë ja'ayëty mëti'ipë ënäty myëët'ajtëpën.

Éxodo 3:22 ပူးပေါင်းရင်းမြစ်များ

Génesis 15:14

E ëjts ntëytyunäämpyës näjyëtu'un mëti'ipë ënety ëxëëk tuunëtëpën ja m'u'unk m'ok. Jëtu'un ja m'u'unk m'ok y'ëwaatsëpëtsëmtëty ets jatëkok jyotmëkta'aktëty.

Génesis 24:53

Ënet tyajpëtsëëmy kanaakpëky ja näynyamo'ojë tä yë kë'ëjiitsën, nantsëmën, tatsktëyën, mëti'ipë oytyunyën mëët yë pu'ts pujxn ets poop pujxn ets wit tujkxy mëti'ipë nyamooyën ja Rebeca ets näjyëtu'un yajnamooytyë winë ja y'äy Labán ets ja tyaak.

Salmos 105:37

Ënet ojts yë Dios tyajpëtsëmy yë nyaax kyajpn jap Egiptë, nitsëm nitëkäk jap tsyo'ontë mëët ja pu'ts pujxn ets poop pujxn, nitu'uk ojts yë Israel ja'ay wi'ix kyajaty kyakëpety.

Éxodo 11:2

E tyam, ënëëmë nitëkokyë yë Israel ja'ayëty, wä'än t'amëtowtë yë myëjëën myëtëjkëty yë apëjk atu'unën ets oy tyimtiijëty, nëkoo ko tmëët'aty yë pu'ts pujxn.

Proverbios 13:22

Yë ja'ay mëti'ipë oy määpy tajpën yajwë'ëmëp yë y'ok'u'unk yë kyuma'ayën. Yë pokyjyä'äy nëkoopë tnikoonpety yë wit meeny mëj këjää, ja wit meeny mëti'ipë nyikoonpejtypyën yë'ë wa'ats ja'ay jyä'ä'atäämpy.

Isaías 33:1

Janty mon janty tuk mijts myajpaaty mëti'ipë naax kajpn mye'tsypyën ets mits ka'ap myajmeetsy; mëti'ipë jyiiky myëku'uk kyë'ëyäjkpyën ets mijts ka'ap pën mkë'ëyäkyë. Ko ënety tëë xyajkutëkooytyä'äy ja naax kajpn, tääts nëjkx mijts mkutëkoy, ko ënety tëë ja mmëku'uk xy'ayäky xykyë'ëyäky, tääts nëjkx mijts myajkë'ëyäky.

Ezequiel 39:10

Ka'ap nëjkx kopkpëky kamjoty jya'axtë ets yukjoty jyä'äxypyuxtë, jä'ä ko tu'kë'ëyë tääpë mëtsiptu'unën yë'ë nëjkx tja'axy'atë. Jëtu'un nëjkx tyajpëtsëëmta'atë winë ma ja kajpnën mëti'ipë winë të yajpëtsë'ëmxëtën ets nëjkx tpëjkëtya'atë winë ja naax kajpn mëti'ipë ënety winë të pyëjkxëtën. Ëjts Wintsën, ëjts ënaanp.